MOO'AMEE HINGALU

"Abdii hin kutatiin" Jack Maa"

Nan milkaa’a jedhee yaadee hin beeku!
Sooressa beekamaa biyya Chaayinaatti 1ffaa Jack Ma“ Ani maatii homaa hin qabne, hiyyeessa; harka qalleessa irraan dhaladhe.
Carraan gaarii na mudatee hin beeku
 Qormaata biyyoolessaa sadarkaa 1ffaa (primary School) si’a 2n kufe.
 Qormaata biyyoolessaa sadarkaa 2ffaa (High School) si’a 3n kufe.
 Qormaata biyyoolessaa qophaa’inaa (Preparatory School) si’a 2n kufe.
 Harvard Yuunivarsiitii seenuu barbaade qormaata seensaa si’a 10n kufe.
Hojiifis ulaagaa guutee hin beeku
 Hojii humnaas ta’e dhaabbata hojjechuuf wanta ani hin yaaliin hin jiru.
 Induustirii garagaraa 30 ol ta’an keessatti qacaramuuf dorgomeera, hundi isaanii iyyuu ulaagaa hin guuttu jedhanii na deebisu. Keessa ba’anii kan na arrabsan, natti dheekkamaniifi na tuffatanis jiru.
 Kaan dhiisaati Pooliisii biyyaa ta’u barbaade dorgomeera, garuu naaf hin taanee. Yeroo tokko nama shaniif baasanii jennaan shan taanee dorgomne, nama afur fudhatanii anan ulaagaa hin guuttu jedhanii na hambisan.
Walumaagala anaan namni dhuunfaas ta’ee gareen, dhaabbanni mootummaas ta’e miti mootummaa kan ani keessatti fudhatame hin jiru. "Dorgommiin tokko nama 24 barbaada yoo ta’e; 23 fudhatanii anaan kuffisu.
• Dorgommiin tokko nama 10 barbaada yoo ta’e; 9 fudhatanii anaan kuffisu
Kana irraa kan ka’e:
o Ani nama carra dhabeessa
o Nama abdii hin qabne
o Nama ulaagaa hin guunne
o Nama tuffatamaaf gatamaa
o Nama milkaa’inaaf hin uumamnedha jedheen of yaada ture. "Garuu akkas miti: "Har’a yeroon taa’ee yaaduu kufaatiin koo yeroo sanaa milkaa’ina koo har’af sababa ta’eera!. "Ulaagaa guutuu dhabuun koo, tuffatamuuf salphachuun koo gaafasii har’a kabajaan na ga’eera!."Milkaa’inni harki caalu kufaatii keessa darba! Ani har’a: Sooressa beekamaa (1ffaa) Biyya Chaayinaati.
"Kaleessa dhaabbata namaa keessa hojjechuuf jedhee carraan dhabe, har’a geggeessaa Kaampaanii Alibaba.com ti. Jack Ma.

Seenaa kan irraa maal baranna..
Yaada keessan nu barreessaa

Uumama lafarraa keessaa bineensa hojjaan isaa dheeraa ta'e Saattawwaa kan jedhamu ni beekna. Saattawwaan dhalaan yemmuu dhaltu akka beeladoota ykn bineensota biroo ciistee osoo hin taane dhaabbattee miixachuun dhalti. Ilmoon saattawwaa kunis gaafa garaa haadhaa keessaa baatu haati baay'ee dheertuu waan taateef gubbaa sanaa dachee gogaa irratti lafa rukutti. Haatishees ofirra garagaltee ilmoo dhalte kana kalchoodhaan tokkofti. Ilmittiinis dhiitichoo haadhaa jalaa olka'uuf yaaltee miillishee waan hin jabaanneef deebitee kufti. Haatishee garuu ammaa amma deddeebistee dhiitichaa cimaa irraan geessifti. Ilmoon kunis hanguma dhiitamtu ka'uuf tattaafattee dadhabdees kukkufti. Dhiitichaan haadhaas hanga ilmoon kun ol jettee deemtutti ittuma fufa.

Maaliifi sitti fakkaata? Gochi kun gara jabummaadhaa? Lakkii, gochichi gocha jaalalaati. Sababnisaa ilmoon kun miilasheen deemuu bartee warra ishee nyaatan jalaa bahuu akka dandeessuufi. Uumamni hunduu heeraafi hiree uumaan kenneef kan ittiin waliigalu, kan ittiin of oolchu mata mataan qaba jechuudha! Ati hoo jireenya keetif hangam of qaqaaba jirta?

A𝙗𝙟𝙪𝙪 𝙠𝙚𝙚 G𝙖𝙩𝙖𝙘𝙝𝙞𝙞𝙨𝙩𝙪𝙪 𝙞𝙧𝙧𝙖𝙖 𝙚𝙚𝙜𝙜𝙖𝙙𝙝𝙪!

Ani abjuun qaba jettee yoo dammaqxee kaatu, namni hundi harka siif hin rukutu.
Diinni kee inni jalqabaa sammuu keeti. Sammuun kee akka hin dandeenye haalan sitti hima.

Sammuu kee injifattee yemmuu gadi baatu immoo, qaamonni hedduun ati hamileedhan na simatu jettee eegdu waraana sitti banu. Sanuu nama sitti dhiyaatu irraa mormii guddaan si mudachuu mala. Maatii,hiriyaa,fira ta'uu danda'a.

Yeroo kanatti haalota abjuu keessanitti summii darbatam irraa of eegaa,fagaadhaa. Faallaa isaatiin immoo namoota mul'ata keessan deeggaru waliin oolaa.

Abjuu kee namoota si gatachiisan irraa hin tiksitu taanan,cabdee karaatti hafta. Qaama duubatti si harkisu kamuu irraa citii deemi.

Hamma abjuu fi mul'ata kee galmaan geessutti kutannoo jabaadhan itti fufi. Yoo injifatte hunduu harka siif rukuta,suuraa si waliin ka'a.

maddii kanaan dubbiserraayyi

Dandeettii sammuu (Intelligence Quoteint) fi bilchina miiraa (Emotional Intelligence) qaban irratti hundaa'uun namoota bakka afuritti qooduu dandeenya. Isaanis akka armaan gadiitti ilaalla:

1⃣. Namoota Dandeettii Sammuu Xiqqaa fi Bilchina Miiraa Xiqqaa Qaban:
⏩Namoonni akkanaa namoota rakkisoodha. Dandeettii yaaduu xiqqaa qaban irratti bilchinni miiraa isaanii yoo xıqqaate akka malee ulfaata. Naannoo keessa jiraatanitti rakkina uumuun beekamu. Qaama rakkinaa malee qaama furmaataa ta'uu hin danda'an.

➡️Qabxiin xiyyeeffannoo isaanii dhimma namoota dhuunfaan waan wal qabatuuf, yeroo mara waa'ee namoota dhuunfaa haasa'u. Namoota hamachuu fi walitti buusuun beekamu. Namoota gidduutti diinummaa babal'isu. Baratanii of jijjiiruuf fedhii dhabuu isaaniitti dabalee haalota isaan mudataniif deebiin isaan kennan deebii isaanis ta'e uummata isaanii hin gargaarredha. Itti yaadanii dubbii ogummaa hin dubbatan; akka feeteen dubbatanii namoota miidhu. Deebii namoota biraa argataniinis akka malee miidhamu.

➡️Yeroo hundumaa namoota komachuun beekamu. Nama jajan hin qaban. Namoota akkanaa waliin mana tokko jiraachuun, waajjira tokko waliin hojjechuun, gaa'elaan itti hidhamuun, hariiroo kamuu waliin qabaachuun gatii guddaa nama baasisa. Of eeggannoo guddaas nama gaafata.
➡️Walumaa galatti, namoota namummaa (personality) negetiivii qabaniidha. Baay'ee wanti nama gaddisiisu immoo namoonri hedduun sadarkaa kana irra jiraachuu isaaniiti.

Boordii Daayirektarootaa Dhaabbata guddaa Breakthrough Trading S.C

⭐️Ubuntu School of Life Founder and Breakthrough Trading S.C board Dr. Ewunetu Hailu
⭐️Dr. Kenenisa_Lemi Former Jimma University Vice President and currently Secretary General of Ethiopia chamber of Commerce and Breakthrough Trading S.C board
⭐️ Dr. Hana Yeshinegus
⭐️ Dr. Nugusu Legesse
⭐️ Dr. Yosef Negasi

Namoota channel bituu barbaadaniif Karri keenya banadha na qunnama na biraa argattu!
@joshuasmrt
@joshuasmrt

Gaafa waan haaraa eegaltu..!


Dhugaan ati beekuu qabdu, yeroo ati waan haaraa eegaltu, namni si deeggaru muraasa yookiin dhabamuu danda'a. Wanti kun hin fayyaduu, ni ulfaataa, miidhaa qaba, karaan kun sirrii miti, siif hin milkaa'u jedhanii sitti iyyu. Sababni isaa ofiif sammuu waan ati hojjechuuf kaate hojiitti hiikuu miti yaada isaayyuu hin qabani. Inumaayyuu akka ofiitti waan si ilaalaniif waan isaaniif hin danda'amneef atillee waan hin dandeenye isaanitti fakkaata.

Inni kan biraan namni hedduun duubakee ilaalee, kufaatii kaleessa si muudate, qabeenyaafi fira kee ilaalee waan si tuffatuuf akka ati homaa hin dandeenyetti si tilmaamu. Gaafa waan haaraa eegaltu kun sin muudatu taanaan, wanti ati eegalte haaraa miti jechuudha.

Wanti haaraan gaafa eegalamu, namoonni muraasni si hubatu, hedduun si jalaa callisu. Warri biroon immoo si qeequ, abdii si kutachiisuuf watwaatu.

Maarree sammuun kee gabrummaa jala jira taanaan hin dandeessu yoo jedhee dhibaa'aan mogolee si buusu harka marattee teessa yoo ta'e eessaan waan haaraa hojjettee milkooftaa? Kara kamiinis gulantaafi ejjennaa isa gara mul'ata kaayyatteetti si geessuu deemtaa? Akkamiin kaayyoo kee galman geessee seenaa kee galmeeffatta?

Lafa kanarratti waan ofiikee yaadde gaarii fi qajeelaa taanaan namni ni dandeessaafi hin dandeessu jedheef osoo hin taane, waan ofiif nan danda'a jette hojjedhu. Waa'ee keef ragaan si caalu hin jiru. Waan hojjechuu dandeessu kan beeku oollaakee osoo hin taane si mataa keeti. Eeyyee ati galma gahuuf murtee kee malee wacni nama biraa homaa si hin fayyadu.
Kanaafuu harka namaa ilaaltee raafamuu irra kutannoon gara yaaddetti imaluu siif wayya.

Warri gaafa waa eegaltu si tuffataniifi si jalaa callisan warra si deeggaran caalaa si hordofu. Yoo kufte sitti qoosuuf afaan bananii si eegu. Gaafa ati waan yaadde milkiin raawwatte, warri callises, warri hin dandeessu jedhes, warri jaaadhu ni dandeessa jedhes, hunduu harka siif reeba.

Gaaf sana naannoonkee jajuun marfama. Weedduun gara dhaba. Si qofaatu addunyaaf jira siin jedhu. "Hayyuu, beekaa, goota..... "jedhee namni hundi si waliin dhaabbachuuf kaata. Kun hunduu soba, fakkeessaadha, goyyoomsaafi raffisaadha.

Gaafa dura mogolee si buusuuf deemanis ofin jibbin, gaafa yaa'iin ba'ee si weeddisus sittin hoo'in. Hojiikee hojjedhu. Hin raafamin. Waan xiqqootti quuftee hin rafinis.

"Ka'eetan bariin sokke
Firakoo marii dhoksee...!"
jedha geeraraan. Homaaf osoo gurra hin kennin deemee faachaan gale. Gaafa gale gootummaan geerara.

Santu akka!

Ogummaawwan gurguddoo jireenyi si gaafattu keessaa inni tokko namoota sirrii ofitti marsuudha. Namoota gatii mul'ata kee haala ati keessa jirtuun hin madaalle, namoota egeree keetti amanan, namoota galma gahumsa keef waan danda'an hundaan si deggeran, namoota si jabeessan si barbaachisa.

Namoota akkanaa hedduu naannoo keetii argachuu dhiisuu dandeessa. Muraasuma yoo argatte garuu baay'ee si fayyadu. Namoota mul'ata kee hin deggere kumootaan marfamuu irra namoota si waliin dhaabatan namoota shan of duubaa qabaannaan ati carra-qabeessa.

Namoonni ati guyyaa guyyaatti yeroo waliin dabarsitu jireenya kee irratti dhiibbaa guddaa uumu. Hammuma yeroo wajjin dabarsaa deemtu yaadota isaaniin mo'amaa deemta. Deemsa keessa gara yaada isaaniitti qajeelta. "Hiriyyoota kee natti himi, eenyu akka taaten sitti himaa!" kan jedhamu kanaaf.

Hiriyyoonni kee kallattii jireenya kee bocuu irratti ga'ee guddaa taphatu. Jireenya keetti marsanii kan jiran namoota mul'ata hin qabne yoo ta'an, atis gara mul'ata-dhabdummaatti deemta. Namoota mul'ataa fi kaayyoo qabaniin yoo marfamte immoo atis gara mul'ata keetti imala taasistuuf galtee guddaa isaan irraa argatta. Kanaafuu, namoota guyyaa guyyaatti yeroo waliin dabarsitu filachuu irratti of eeggannoo guddaa taasisuutu si irraa eegama! Via Ebisa Bayissa Kitaabicha irraa kan fudhatame!
#Finfinnee_Atoobustaraa_ Mana_Kitaabaa_Shawaatti_argattu!




       Galatoomaa
        

👉 Ofiif dhimmi!
👉Yaadaa fi mul'ata keetif eeggannoo barbaachisaa godhi!
===========================
■ Namoonni gatii gaarii ofiif kennan yeroo hundaa addunyaa mataa isaanii keessa jiraatu. Waan isaan biratti fudhatama argate jajanii jaallachuun, wanta isaan biratti kiiloo hin kaafne tuffatanii dhiisu. Tuutni gurmaa'ee waan harka irratti reebeef yaadota hin keessummeessan; koreen hundaa'ee yaadota kuffiseefis waliin yaadatti dugda hin galan. Koreen ajandaa isaas, miseensi gurmii isaas of mataa isaaniiti.

■ Wanti nama ajaa'ibu garuu nama akkasii taatee gaafa of argitu jibbitoota baay'ee qabaachuu kees duukaa of argita. Ilkaan isaanii addaatee seeqaa jiraachuu qofa argitee duukaa hin qasaatu taanaan, hojiiwwan gowwummaa isaaniif duukaa harka hin reebdu taanaan, akkuma isaanii beekumsa xiqqoon qalbii kee buuftee akka nama fiixee beekumsaa irra gaheetti hin burraaqxu taanaan maalif si jaalaturee?

■ Isheen oftuultuudha siin jedhanii? Inni gara jabeessa siin jedhanii? Eeyyeen, isaan akkasuma jedhu. Kuustuun yaadannoo sammuu isaanii jechoota negatiivii qofaan guutamee waan jiruuf, jechoota isaan gad jijjigsan sanaan haamileen si hin bu'in! Otuu ati isaan fakkaatteetta ta'ee sababii si jibbaniif hin qaban ture.

■ Waan isaan gochuu hin dandeenye gochaa jirta. Lafa abjuu isaanii dursitee gonfattee jirta. Jaallattoota keen jajamuu kee arganii quba of nyaataa jiru. Daandii ittiin gara qileetti si darbatan dhabanii rakkatan. Kanaaf si jibbu, kanaaf jechoota negatiivii sirratti haasawu.

⁃ Yeroo ati haasaaf kaatu gurra qabatu!
⁃ Yeroo si argan daandii sirraa jal'ifatu!
⁃ Carraa eeggatanii sobaan dhugaa sirratti bahu!
⁃ Biqiltuuwwan kee irraa amma danda'anitti burqituuwwan gogsuuf yaalu!

⁃ Isaan wallaalota,
⁃ Isaan jibbitoota,
⁃ Isaan warra kufaatiif mallatteessaniidha.
⁃ Isaan koree jibbiinsaati,
⁃ Isaan gurmii mul'ata sakaalanidha.

➾ Ati immoo abbaa kaayyooti,
➾ Ati immoo abbaa mul'ataati.
➾ Ati nama yaada mataa kee hordofuun galma kee isa guddaa sanaaf aggaamudha.

● Maalif isaan dhaggeeffattaree?
● Maalif jechi isaanii kaayyoo keetti shakkii uumuree?
● Maalif miirri kophummaa sitti dhagahamaree?
● Maaf miira jibbamuu keessummeessiftaree?
● Maalif kolfa gowwummaa isaaniitti aartee of miitaree?
● Maalif ofitti banbanuun karoora isaanii milkeessitaafiree?

Isaan hin dhaga'in! Daandii sirrii irra waan jirtuuf itti fufi! Baay'ina jibbitoota kee hin lakkaa'in! Gochaa gowwootaatti hin aariin! Fuuldura isaaniitti fuula kee hin gurraachessin! Atiif isaan dachee tokko irra jiraattu malee addunyaa tokko keessa hin jirtan.

Dubbisa gaarii