የአዲስ አበባ መሠረተ-ልማት ጉዳዮች ቋሚ ኮሚቴ ከአዲስ አበባ ሪጅን ማስተባበሪያ ቢሮ ጋር ውይይት አደረገ

የአዲስ አበባ መሠረተ ልማት ጉዳዮች ቋሚ ኮሚቴ ከአዲስ አበባ ኤሌክትሪክ አገልግሎት ሪጅን ማስተባበሪያ ቢሮ ጋር በትላንትናው እለት ውይይት አደርጓል።

በውይይቱ የአራቱም ሪጅኖች የ2017 በጀት አመት የመጀመሪያ ሩብ አመት ዕቅድ አፈጻፀም ሪፖርት የቀረበ ሲሆን ተቋሙ ከኮሪደር ልማት ጋር በተያያዘ የተገኙ ተሞክሮዎችን እና መሻሻል ያለባቸውን ነገሮች ተነስተዋል።

በተጨማሪም የቋሚ ኮሚቴው አባላት በኢትዮጵያ ኤሌክትሪክ አገልግሎት ደንቦች እና አሠራር ላይ ግንዛቤ ማስጨበጫ እንዲሰጣቸው ባቀረቡት ጥያቄ መሠረት የግንዛቤ ማስጨበጫ ስልጠና ተሰጥቷቸዋል፡፡

በመጨረሻም የቋሚ ኮሚቴው አባላት በአገልግሎት አሰጣጥ በተለይ በኃይል መቆራረጥና በስነ-ምግባር ችግሮች ዙሪያ ጥያቄዎችን አንስተው ምላሽ ከተሰጣቸው በኋላ የቀጣይ የመፍትሔ አቅጣጫዎች አስቀምጠው ውይይቱ ተጠናቋል፡፡

ተቋማችንን የሚመለከቱ ወቅታዊና ትኩስ መረጃዎች ወዲያውኑ እንዲደርሳችሁ እነዚህን የትስስር ገፆቻችንን ይወዳጁ፡
ፌስቡክ፡ https://www.facebook.com/EEUOfficial/
ቲዊተር፡ https://twitter.com/EEUEthiopia
ቴሌግራም፡ t.me/eeuethiopia
ዩቱዩብ: https://www.youtube.com/c/EthiopianElectricUtility
ድረ-ገፅ፡ http://www.eeu.gov.et