🔷  የረመዳን ወር መግባቱ የሚታወቀው በጨረቃ ነው ።

   እስልምና የየአንዳንዱ ዒባዳ መመሪያ መለያ ያደረገለት ሲሆን ማንም በመሻርና በማፅደቅ እጁን ማስገባት የማይችልበት ከየትኛውም እምነት ለየት የሚያደርገው በመሎኮታዊ ድንጋጌዎች የተገደበ ነው ::
   ከእነዚህ መመሪያዎች አንዱ የረመዳን ወር መግባትና መውጣት ( ማለቅ ) የሚታወቀው በጨረቃ መታየት መሆኑ ነው ::
    አላህ በተከበረው ቃሉ ይህን አስመልክቶ እንዲህ ይላል :–

" فَمَن شَهِدَ مِنكُمُ الشَّهْرَ فَلْيَصُمْهُ ……"
                   البقرة  ( 185)
" ከእናንተም ወሩን ያገኘ ሰው ይጹመው "፡፡

    የረመዳን ወር መግባቱ የሚታወቀው ጨረቃ በመታየቱ መሆኑን የአላህ መልእክተኛ መናገራቸውን አስመልክቶ ዐብዱላሂ ኢብኑ ዑመር የአላህ መልእክተኛ እንዲህ ብለዋል ይላል : –

    وعن ابن عمر – رضي الله عنهما – قال:  أن رسول الله – صلى الله عليه وسلم – قال
" إذا رأيتموه ( هلال رمضان )  فصوموا،  وإذا رأيتموه ( هلال شوال ) فأفطروا،  فإن غم عليكم فاقدروا له "

          أخرجه الإمام البخاري 
  
      " ( የረመዳን ወር ጨረቃን ) ባያችሁት ጊዜ ፁሙ,  ( የሸዋልን ወር ጨረቃ ) ባያችሁት ጊዜ አፍጥሩ,  ከተሸፈነባችሁ ወስኑለት ( የሻዕባንን ወር 30 ቀን ሙሉ) "

     የረመዳን ወር መግባቱ አንድ ታማኝ የሆነ ሰው ጨረቃን አይቻለሁ ብሎ ከመሰከረ ረመዳን የሚያዝ ይሆናል ።
     ይህም የአላህ መልእክተኛ - ሶለላሁ ዐለይሂ ወሰለም - አብዱላሂ ኢብኑ ዑመር  - ረዲየላሁ ዐንሁማ - ጨረቃ ማየቱንን ነግሯዋቸው ፆም እንዲያዝ ማዘዛቸው የሚያመላክት ሲሆን  በሌላም ጊዜ አንድ የገጠር ሰው ማየቱን ነግሯቸው አዘዋል ::
    ማለቁ ደግሞ ሁለት ሰው መመስከር አለበት የአላህ መልእክተኛ ሁለት ሰው ከመሰከረ ፁሙ አፍጥሩም ብለዋል መግባቱ ከዚህ የወጣው ቅድም ባልነው የኢብኑ ዑመርና የገጠሩ ሰው ምስክርነት ነው ። በመሆኑም ሙስሊሞች ፆማቸውን የሚዙትም ሆነ የሚፈቱት ጨረቃ ሲታይ ነው ::
   ምናልባት ደመና ሆኖ ጨረቃ ማየት ካልተቻለ ሻዕባንን 30 ቀን መሙላት እና ረመዳን አንድ ብሎ መጀመር ነው :: ሌላው አንድ ሀገር ላይ ጨረቃ ከታየ ሌላው ሀገር መፆም ግድ ይለዋል ወይ ? የሚለው ነው ።
   ለዚህ ከዑለሞች የተሰጠው መልስ ሀገሮቹ የተቀራረቡና የጨረቃ መውጫቸው ተመሳሳይ ከሆነ አንድ ላይ መፆም አለባቸው የተራራቁና የጨረቃ መውጫቸው ( መጣሊዓቸው ) የማይገናኙ ሀገሮች የራሳቸውን እይታ ይከተላሉ የሚል ነው ::
       በአንድ ሀገር ጨረቃ ከታየ የጨረቃ መውጫ መስመራቸው የተቀራረበና አንድ የሆኑ ሀገሮች መፆም ይኖርባቸዋል ። ከላይ እንዳልነው የረመዳን ወር ጨረቃ መግባቱ አንድ ታማኝ ( ዐድል) የሆነ ሰው ከተናገረ የሚመለከታቸው አካላት ምስክርነቱን ተቀብለው ፆም እንዲጀመር ማድረግ ይኖርባቸዋል ። ይህ ብይን ዐድል በሚለው መስፈርት እንጂ ከዚህ አገር ከሆነ በሚል ስላልሆነ የጨረቃ መውጫ መስመራቸው በሚገናኙ ሀገራት ውስጥ የትም ቢታይ ሊሰራበት ይገባል ።
     ጨረቃ ያየ ሰው ምስክርነቱ ተቀባይነት ባያገኝ ምን ያደርጋል በሚለው ነጥብ ዑለሞች የተለያየ እይታ አላቸው ።

አንደኛ – ብቻውንም ቢሆን መፆም አለበት ሸዋልም ካየ ከጀማዓ እንዳይለይ በድብቅ ማፍጠር አለበት ።
      ይህ የኢማሙ ሻፍዕይና የኢብኑ ሐዝም እይታ ሲሆን ኢማሙ አሕመድም ቀውል አላቸው ።

ሁለተኛ – ረመዳንን ይፁም ማፍጠሩ ግን ከሰዎች ጋር መሆን አለበት ።
      የአቡ ሐኒፋና ኢማሙ ማሊክ እይታ ሲሆን ኢማሙ አሕመድም ቀውል አላቸው ።

ሶስተኛ – በእይታው መስራት የለበትም ። ከሰዎች ጋር ፆሞ ከሰዎች ጋር ማፍጠር አለበት ።
    አንደኛው የኢማሙ አሕመድ ቀውል ሲሆን ሸይኹል ኢስላም ይህን መርጧል ።

http://t.me/bahruteka