ተቐዳዳሚት ብሽክሌታ ጋንታ መስፍን ኢንዳስትሪያል ኢንጂነሪንግ ፅጌ ካሕሳይ ብሓፈሻዊ ውፅኢት ተዓዋቲት ውድድር ብሽክሌታ ቱር ትግራይ ኮይና ብጋንታ መስፍን ኢንዳስትሪያል ኢንጂነሪንግ ተዓዊታ።

ብምኽንያት ዓለም ለኸ መዓልቲ ደቂ ኣንስትዮ ክካየድ ዝቐነየ ውድድር ብሽክሌታ ትግራይ ሎሚ ኣብ ከተማ መቐለ ብዝተኻየደ ውድድር መፈፀምታ እንትረክብ ተቐዳዳሚት ብሽክሌታ ጋንታ መስፍን ኢንዳስትሪያል ኢንጂነሪንግ ፅጌ ካሕሳይ ብሓፈሻዊ ውፅኢት ተዓዋቲት ውድድር ብሽክሌታ ቱር ትግራይ ኮይና።

ተቐዳደምቲ ብሽክሌታ መርሃዊት ሓዱሽ ካብ ጋንታ ትራንስ ኢትዮጵያ ሰርካለም ታየ ካብ ጋንታ መቐለ 70 እንደርታ ካልኣይን ሳልሳይን ደረጃ ብምሓዝ ዛዚመን።

ጋንታታት መስፍን ኢንዳስትሪያል ኢንጂነሪንግ፣ ትራንስ ኢትዮጵያ ፣ መቐለ 70 እንደርታ ን ጋንታ ኣማኒን ብቕደም ሰዓብ ካብ ቀዳማይ ክሳብ ራብዓይ ደረጃ ዝሓዛ ጋንታታት እየን።

ኣብቲ ውድድር ዝተሳተፈት ኬንያዊት ጋንታ ብሽክሌታ ኣማኒ ፉሉይ ሽልማት ተበርኪቱላ እዩ።

ብመወላይነት ባንኪ ወጋገን ፋብሪካ ልስሉስ መስተ ሞሃን ዝተኻየድ ውድድር ብሽክሌታ ቱር ትግራይ ካብ ከተማ ሸራሮ ብምብጋስ እዩ ሎሚ ሰንበት ኣብ ከተማ መቐለ መፈፀምታ ረኺቡ። #TigrayTv

@ASCENTIG