አምስቱ አዕማደ ምሥጢራት

ቅድስት ቤተክርስቲያናችን እምነቷን የምትገልጽበት ለሰዎችም የምታስተምርበትና የምትመስከርበት አምስት እዕማደ ምሥጢራት አሏት።

"ናሁ ኅቡዓ ነገረ እነግረከሙ” እነሆ ኅቡዕ (ምሥጢር) እነግራችኋለሁ ፩ ቆሮ: ፲፭: ፶፩ (15፡51) እንዳለ እነዚህ አምስቱ ምሥጢራት አምስቱ ኅቡዓት ተብለውም ይነገራሉ፡፡ አምሰቱም ነገረ መለኮት ናቸው።

#አምስት፡- ቁጥራቸውን ይገልፃል

#አዕማድ፡- ማለት ምስሶዎች ማለት ነው። አንድ ቤት ሲሠራ ሊቆምና ጠንካራ ሊሆን የሚችለው በአዕማድ (ምሰሶዎች) ነውና። ለሃይማኖታችንም መሠረታዊ ምስሶዎች አሏት።

#ምሥጢር፡- ለወዳጅ የሚገለጽ ነገር ሲሆን ለሚያምኑ ሁሉ የሚገለጽና በእምነት ብቻ የሚረዱት በመሆኑ ምሥጢር ይባላል።

አምስቱ አዕማደ ምሥጢራት የሚባሉትም፡-

1.ምሥጢረ ሥላሴ
2.ምሥጢረ ሥጋዌ
3.ምሥጢረ ጥምቀት
4.ምሥጢረ ቊርባን
5.ምሥጢረ ትንሣኤ ሙታን ናቸው።

አንድ ክርስቲያን እነዚህን ጠንቅቆ ከተረዳ መሠረቱ ጠንካራ ዐለት ይሆናል። ለዚህም ነው ቅዱስ ጳውሎስ በ1ኛ ቆሮ.፲፬:፲፱ (14፥19) ላይ "ወባሕቱ በቤተ ከርስቲያን እፈቅድ ኀምስቲ ቃላተ እንግር በልብየ ከመ ለባዕዳንሂ እምሃር እስመ ይኄይስ እምእእላፍ ቃል በነገረ በሐውርት” “አምስት ቃላት በእእምሮዬ ልናገር እወዳለሁ"ብሎ የአምስቱን አዕማደ ምሥጢር በአውነት ለምአመናን ያስተምር የነበረው።

#በቀጣይ ግልጽ በሆነ መንገድ አጠር አጠር አድርገን ምሥጢረ ሥላሴን እናያለን