ቀን 18/2017 ዓ.ም
    
         🔥 አስደናቂ የድል ዜናዎች 🔥

ታህሳስ 18/2017 ዓ.ም አይበገሬዎቹ የጣና ገላውዴዎስ ረመጦች ከአርብ ገበያ በሁለት አቅጣጫ የመጣን ወራሪ ሠራዊት አሳሩን ሲያሳዩት ውለዋል።

በአርበኛ ማሩ ቢተው አጋፋሪነት የመጀመሪያው ቤላ አቦን ለመያዝ ለመያዝ መነሻውን አርብ ገበያን አድርጎ እንቅስቃሴ ቢያደርግም ቅስሙም ተሰብሮ እቅዱም ፈርሶ በመጣበት እግሩ ፈርጥጦ ተመልሷል።

ከረፋዱ 3:00 ሰዓት የጀመረው የዚህ ግንባር ዓውደ ውጊያ ልዩ ቦታው "አለቃ ጎራ" የተባለ ቦታ ላይ እስከ ምሽት 12:00 ሰዓት ድረስ ዘልቆ በጠላት ኃይል ላይ ከፍተኛ ኪሳራ ለማድረስ ተችሏል። በዚህም መሠረት ከ80 በላይ የአገዛዙ ጦር እስከ ወዲያኛው ሲሸኝ፣ በርካታ ቁስለኛም የተመዘገበበት ነበር። ሁለተኛው ግንባር ከአርብ ገበያ ተነስቶ ወደ ሳና ከተማ የተንቀሳቀሰን ወራሪ ሠራዊትም በተመሳሳይ በጣና ገላውዴዎስ ነበልባሎች ተለብልቦ ተመልሷል።

በጥቅሉ የአርብ ገበያው አውደ ውጊያ ጠጅ መረር፣ ቅምጦ፣ ሳና ሚካኤል፣ መንታ ውሃ፣ ኪዳነ ምሕረትና ሌሎችም ጎጦች ላይ ሰፊ ዓውደ ውጊያ ተከናውኖ የአማራ ፋኖ በጎንደር ጣና ገላውዴዎስ ክ/ጦር ድንቅ ኦፕሬሽን በጠላት ላይ ሁሉን አቀፍ የበላይነትን መቀዳጀት ተችሏል።

በተመሳሳይ ታህሳስ 18/2017 ዓ.ም የአማራ ፋኖ በጎንደር ጉና ክ/ጦር እስቴ ዴንሳ ብርጌድ እና አንዳቤት ብርጌዶች በጠላት ላይ ድልን ተቀዳጅተዋል። ከእስቴ ከተማ በ3 ኪ.ሜ ርቀት ላይ በተደረገው ውጊያ የእስቴ ዴንሳ ብርጌድ ነበልባሎች የአገዛዙን ጥምር ጦር በወጉ ሲበልቱት ውለዋል።

የከተማው ፖሊስ አዛዥ ሳይቀር በመንገድ መሪነት በተሳተፈበት በዚህ ውጊያ አይበገሬዎቹ የፖሊስ አዛዡን አጃቢዎች፣ ከ30 በላይ ሚሊሻ፣ በርካታ ወራሪ ሠራዊቱን እስከወዲያኛው ሲሸኙ የወረዳው ም/ፖሊስ አዛዥና በውል ያልታወቁ ባንዳ አመራሮችም ክፉኛ ቆስለው በማጣጣር ላይ ይገኛሉ። ሌላኛው የአንዳቤት ብርጌድ ክንደ ነበልባሎችም አለም በር እና ቀጭን ሜዳ ላይ ጠላትን ሙትና ቁስለኛ አድርገውታል።

ሌላው የአማራ ፋኖ በጎንደር ዞዝ አምባ ንጉሥ ክ/ጦር፣ አግኝቸው ብርጌድ ከእብናት ተነስቶ የጀግናው አስቻለው ደሴ መካን የሆነችውን ሰላማያ ከተማን ለመያዝ ከፍተኛ ኃይል ጭኖ ቢንቀሳቀስም የአርበኛ ዮናስ አያልቅበት ልጆች ልዩ ቦታው አድራቆ ላይ በፈጸሙት ፋታ የማይሰጥ መብረቃዊ ጥቃት ወራሪውን ሠራዊት ብትንትኑን አውጥተው ወደ መጣበት መልሰውታል።

በመጨረሻም የአጼ ፋሲል ክ/ጦር እና አሳምነው ብርጌድ ለ2:00 ሰዓታት የቆየ ዓውደ ውጊያን አድርገው በርካታ የአገዛዙ ጥምር ጦር ከፍተኛ ኪሳራን አድርሰው ወጥተዋል። በሌላ በኩል የአሳምነው በርጌድ፦ ንሥር ሻለቃ አለም በር ከተማ ላይ አስደናቂ ኦፕሬሽን በመፈጸም በርካታ ሚሊሻን ደምስሳ በጀግንነት ወጥታለች።

ኅልውናችን በተባበረ ክንዳችን!!!
የአማራ ፋኖ በጎንደር የሚዲያና ሕ/ግንኙነት መምሪያ

የአማራ ፋኖ በጎንደር ዋና ሰብሳቢ
       አርበኛ ባዬ ቀናዉ

https://t.me/fanozgonder