Gorsa Dura Bu’oota - Barsiisotaa fi akkasumas tajaajiltootaaf

💐 Yeroo baay’ee wanta afaan keenyaan namootatti dubbannuu fi gorsinuun faallaa taanee argamna. Barsiisaan tokko akka barsiisetti hin jiraatu taanaan yookiin iddoo barsiise sana hin fakkaatu taanaan akkasumas jireenyi isaa barattoota isaatiif  fakkeenyummaa gaarii hin qabu taanan barnooti isaa mi'aa kan hin qabnee fi hafuura dhugaa sanatti kan hin jiraanne waan ta'eef sababii kanaafis gatii isa baasisa. Hojii itti dadhabee hojjetu kana irraas bu’aan inni argatu tokkollee hin jiru. 

💐 Amala barsiisaa irraa wanti gadheen mul’achuu hin qabaatu. Namni fuulduratti bahee dhalootatti karaa argisiisu jireenya isaa qulqullinaan eeggachuutu irra jiraata. Yoo kana hin taane immoo amalli inni hamaan suni, hafuuricha hamaa irraa waan ta'eef, dhaloota qaruuf utuu hin taane, gara dhaloota jaamsuutti nama oofa. Waaqayyo nu haa baraaru! Haalli kuni immoo barsiisuu utuu hin ta’in balleessuu waan ta'eef adeemsa keenya sakatta'uun filannoo keenya yeroo hundaa haa ta'u!

💐 Tajaajilli ogummaa miti, beekamtiif miti, ittiin jiraachuuf buddeenaafis miti. Tajaajilli Jireenya. ✅