በፕሪሚየር ሊጉ ማንቼስተር ሲቲ ከአስቶንቪላ፤ ክሪስታል ፓላስ ከአርሴናል ዛሬ ይጫወታሉ።

17ኛ ሳምንት የእንግሊዝ ፕሪሚየር ሊግ መርሐ-ግብር ዛሬ ይጀምራል።

ማንቼስተር ሲቲ ከአስቶንቪላ እንዲሁም ክሪስታል ፓላስ ከአርሴናል የሚያደርጓቸው ጨዋታዎች ይጠበቃሉ።

በከፍተኛ የውጤት ማጣት ቀውስ ውስጥ የሚገኘው ማንቼስተር ሲቲ ወደቪላ ፓርክ ተጉዞ ከቀኑ 9:30 ላይ ከአስቶን ቪላ ጋር በሚያደርገው ጨዋታ ከባድ ፈተና እንደሚጠብቀው ይገመታል።

በአውሮፓውያኑ የገና በዓል ሰሞን ጨዋታዎች ምሽት 12 ላይ ቀጥለው ሲካሔዱ÷ ብሬንትፎርድ አራተኛ ደረጃ ላይ የሚገኘው ኖቲንግሃም ፎሬስትን በሜዳው ሲያስተናግድ ኒውካስትል ዩናይትድ በበኩሉ ወደፖርትማን ሮድ ሜዳ ተጉዞ ኢፕስዊች ታውንን ይገጥማል።

በተመሳሳይ ሰዓት ዌስትሃም ዩናይትድ ከብራይተን ሆቭ አልቢዮን በለንደን ስታዲየም ጨዋታቸውን ያደርጋሉ፡፡

በሌላ በኩል ምሽት 2:30 በለንደን ደርቢ ክሪስታል ፓላስ ከአርሰናል በሴልኸርስት ፓርክ የሚጫወቱ ሲሆን÷ መድፈኞቹ ከመሪው ሊቨርፑል ያላቸውን የ6 ነጥብ ልዩነት ለማጥበብ ወደሜዳ ይገባሉ ።

ሁለቱ ቡድኖች በእንግሊዝ የካራባኦ ዋንጫ ሩብ ፍፃሜ ግጥሚያ ረቡዕ ታሕሣሥ 9 በኢሚሬትስ ስታዲየም ተጫውተው አርሰናል 3 ለ 2 አሸንፎ ወደግማሽ ፍጻሜው ማለፉ ይታወሳል።
https://t.me/Tamrinmedia