አዲሱ የሶርያ መሪ ማናቸው?

አቡ ሞሃሙድ አል ጁላኒ በ1982 በሪያድ ሳውዲ አረቢያ ተወለዱ። አባታቸው በፔትሮሊየም መሀንዲስነት ይሰሩ ነበር። ቤተሰቡ በ 1989 ወደ ሶሪያ ተመለሰ። ከዛም በደማስቆ አቅራቢያ ሰፍረዋል። አል ጁላኒ እ.ኤ.አ. በ 2003 ወደ ኢራቅ በመሄድ አልቃይዳውን ተቀላቅለዋል። በአሜሪካ ኃይሎች በ2006 ተይዘው ለአምስት ዓመታት በእስር ቆይተዋል።

ከእስር ከተፈቱ በኋላ በሶሪያ ውስጥ የአልቃይዳ ቅርንጫፍ የሆነውን የአል-ኑስራ ግንባርን የማቋቋም ኃላፊነት ተሰጥቷቸው ነበር። ይህም በተቃዋሚዎች ቁጥጥር ስር ባሉ አካባቢዎች ፣በተለይም ኢድሊብ አካባቢ ነው።እ.ኤ.አ. በ2013 አል-ባግዳዲ ቡድናቸው ከአልቃይዳ ጋር ያለውን ግንኙነት ማቋረጡን ቢያስታውቅም አል-ጁላኒ ግን ለውጡን ውድቅ አድርገውታል። እ.ኤ.አ. በ 2016 አሌፖ በአል-አሳድ ጦር እጅ ስትወድቅ እና የታጠቁ ቡድኖች ወደ ኢድሊብ ሲያመሩ አል-ጁላኒ ቡድናቸው ስሙን ጀብሃት ፋቲህ አል ሻም ብሎ መቀየሩን አስታውቋል።

እ.ኤ.አ. በ2017፣ አል-ጁላኒ ቡድናቸው ኤችቲኤስን ለመመስረት ወደ ኢድብሊብ ከሸሹ ሌሎች በርካታ የታጠቁ ቡድኖች ጋር እየተዋሃደ መሆኑን አስታውቋል። የኤችቲኤስ አላማ ሶሪያን ከአል አሳድ መንግስት ነፃ ማውጣት ፣የኢራን ሚሊሻዎችን ከአገሪቱ ማባረር እና በእስላማዊ ህግ ትርጓሜ መሰረት መንግስት መመስረት ነው ሲል በዋሽንግተን ዲሲ የሚገኘው የስትራቴጂክ እና አለም አቀፍ ጥናት ማዕከል አስታወቀ።