አስገራሚ የጉዞ እውነታዎች


• አብራሪዎችና ረዳት አብራሪዎች፣ ከበረራ በፊት አንድ አይነት ምግብ አይበሉም።


ይሄ የሚደረገው በምክንያት ነው፡፡ አብራሪዎችና ረዳት አብራሪዎች ከበረራ በፊት አንድ ዓይነት ምግብ ከበሉ ድንገት የምግብ መመረዝ (ወይም ከዚያም የከፋ) ቢከሰት አውሮፕላኑን ማን ሊያበረው ነው? ስለዚህ አንድ አይነት ምግብ አይመገቡም። አያድርስና ከሁለት አንዳቸው ቢታመሙና አቅም ቢከዳቸው (መታጠቢያ ቤት ቢቀሩ) ሌላኛው አብራሪ ሃላፊነቱን ሊረከብ ይችላል።


• የህንድ ባቡሮች በየቀኑ ወደ 23 ሚሊዮን ገደማ መንገደኞችን ያጓጉዛሉ።

ይሄ ማለት ምን መሰላችሁ? በየቀኑ አጠቃላይ የአውስትራሊያ ህዝብን ያጓጉዛሉ እንደማለት ነው፡፡


• ሳኡዲ አረቢያ ወንዝ የሚባል የላትም፡፡


በአረብ ባሕረ- ገብ መሬት ውስጥ ያለችው ሳኡዲ፤ ቋሚ ወንዞች የላትም። አንድም ወንዝ ከማይፈስባቸው 17 የአለም ሀገራት አንዷ ነች።

• ሩሲያ ቢራን ከአልኮል መጠጥ የመደበችው እ.ኤ.አ በ2011 ዓ.ም ነው፡፡


በሚያስገርም ሁኔታ፣ ከዚያ በፊት ከ10 ፐርሰንት በታች የአልኮል መጠን ያለው ማንኛውም መጠጥ እንደ ‘የምግብ ነገር’ ይቆጠር ነበር፤ በአገረ ሩሲያ፡፡