(ቀልቤን ባትሰርቀው)
ካፈቀርኩህማ ዘመናት አለፈ
ወተቱም እረግቶ ፣ ለቅቤ ተረፈ

እሳቱም ባነደው ፣ አመድን ወለደ
ደግሼም ሳልጠራህ፣ ኑሮተወደደ

ይኸው በትረካ፣ ስምህን እያወጋሁ
ስንቱን አቀበት ፣ በሀሳቤ ወጣሁ

የሆዴ ማጀትም ፣ ቅኔውን ቢሰፋ
ወርቁን አላገኘ፣ ሚዛንም አልደፋ።

ሰውነቴም ቢሆን አቅሙን ተነጠቀ
ፍቅርህን ተርቦ፣ በናፍቆት አለቀ።

ድሮም እኮ - - -
ያለቤቱ አይነድም እሣቱ
ማሩም ይቀርና ይበዛል እሬቱ

እህልም እኮ ካልዘሩት በወቅቱ
አረም ይከበዋል አያምርም ውጤቱ

ስለዚህ አለሜ - - -
በታሪክ ጀበና ፣ ስማችን ይቀዳ
ከራሳችን አልፎ፣ እንትረፍ ለባዳ

እንኳንስ የሰው ልጅ ፣ የተማረው ቀርቶ
እንስሳም ይኖራል ፣ በህብረት ተስማምቶ

እንደው ምን አለበት ፣ ቀልቤን ባትሰርቀው
አብረኸኝ ብትሆን ልቤን ባሳርፈው።
# ቤዚቾ

የጥበብ ልሳን!

@ArtGosa
@ArtGosa
@ArtGosa