DEVO Furniture

#ሁሉም_ያልፋል
ጠላት ኢዮብን አብዝቶ ይከሰው ነበር። አብዝቶም ፈተነው።

ሰውነቱን በእከክና በቁስል መታው። ሀብትና ንብረቱን ወሰደበት፤ ልጆቹንም ገደለበት።

ሚስቱም አለችው። ጠላት መከራ አበዛበት፤ አብዝቶ አሳደደው።

ኢዮብ ግን ጨለማው እስኪያልፍ ታገሰ እንጂ እግዚአብሔርን አልበደለም ነበር::
በመጨረሻም የእግዚአብሔር ቀን ሲደርስ መከራው አበቃለት።

ጠላትም እያየ እግዚአብሔር ኢዮብን በእጥፍ ካሰው፤ አብዝቶም ባረከው።
እናም እግዚአብሔር እንደ ሰው አይቸኩልም። እሱ ቀን አለው። እንደ ኢዮብ ለአንተም የሆነ ቀን አለው።

ያም ቀን ሲደርስ ለምንም አይጠቅምም ብለው በናቁህ ፊት እግዚአብሔር ዘይቱን ራስህ ላይ ያፈሳል። በውሸት የፈረዱብህ ላይ እግዚአብሔር በእውነት ሲፈርድባቸው ትመለከታለህ።

ያ ቀን ሲደርስ፥ ሊያጠፋህ ያሳደደህ የነበረው ጠላት፥ በፍርሃት ሲሸሽ ታየዋለህ። ስለዚህ አሁን በሚሆነው ነገር አትገረም፤ አታጉረምርም።

በሚያልፍ ቀን ውስጥ የማያልፈውን ፈጣሪህን አስብ።

ጽኑ፥ አይዞአችሁ፥ አትፍሩ፥ ከፊታቸውም አትደንግጡ፤ አምላክህ እግዚአብሔር እርሱ ከአንተ ጋር ይሄዳል፤ አይጥልህም፥ አይተውህም።
(ኦሪት ዘዳግም 31፥6)
@shegainfom
ፍቅር : ሰላም : ለምድራችን !

እግዚአብሔር ዓሣን ሲፈጥር "ሕይወት ያላቸውን አስገኝ" ብሎ ባሕርን ተናገረው

እግዚአብሔር ዛፎችን ሲፈጥር ደግሞ ዛፍ እንድታበቅል መሬትን ተናገራት

ሰውን ሲፈጥር ግን የተናገረው ለራሱ ነበር

እግዚአብሔርም አለ "ሰውን በመልካችን እንደ ምሳሌያችን እንፍጠር"

ልብ አድርጉ :-

ዓሣ ከባሕር ከወጣ ወዲያውኑ ይሞታል
ዛፍም ከምድር ላይ ከተነቀለም ይሞታል

ሰውም ከእግዚአብሔር ከተለየ ይሞታል:: ባሕር ለዓሣ መሬት ለዛፍ ተፈጥሮአዊ መጠለያቸው እንደሆነ የሰው ልጆች ተፈጥሮአዊ መጠጊያችንም እግዚአብሔር ነው:: የተፈጠርነው ከእርሱ ጋር ልንኖር ነው:: ሕይወት ያለን ከእርሱ ጋር ነውና መኖር የምንችለው በእርሱ ብቻ ነው::

ይህንንም እናስታውስ

ዓሣ ያለ ባሕር ምንም ነው:: ባሕር ግን ያለ ዓሣ ያው ባሕር ነው:: ዛፍ ያለ መሬት ምንም ነው መሬት ግን ያለ ዛፍ ያው መሬት ነው:: ሰው ያለ እግዚአብሔር ምንም ነው:: እግዚአብሔር ግን ያለ ሰው ያው እግዚአብሔር ነው::

ቅዱስ ባስልዮስ እንዲህ እንዳለ :-

"ጌታ ሆይ የአንተ አምላክነት ለእኔ ያስፈልገኛል እንጂ የእኔ ፍጡርነት ለአንተ አያስፈልግህም"

ዲያቆን ሄኖክ ኃይሌ
@shegainfom
ፍቅር : ሰላም : ለምድራችን !

በ 2 ነገሮች ቀንህን ጀምር!

ሁሌም ቅድሚያ የምትሰጣቸው ነገሮች ህይወትህ ላይ ወሳኝ ናቸው። መጀመሪያ ለፈጣሪህ ቅድሚያ ስጥ ምክንያቱም እስካሁን እየተነፈስክ ነው፤ ስለዚህ ከእንቅልፍ እንደነቃህ አመስግነህ ፀሎትህን አድርስ።

ቀጥሎ ለራስህ ቅድሚያ ስጥ ምክንያቱም አንተ ስትኖር ነው ለምትወዳቸው ሁሉ የምትደርሰው፤ ስለዚህ ስለ ህልምህ በማሰብ፣ ስፖርት በመስራት፣ የሚጠቅምህን በማንበብ ቀንህን ጀምር።

በእነዚህ ሁለት ነገሮች ቀንህን ስትጀምር በዚህ አለም የሚገጥምህን የትኛውንም ችግር ታልፋለህ፤ ለምታውቃቸው ብቻ ሳይሆን ለማታውቃቸው ሁሉ ትተርፋለህ። ወዳጄ ቅድሚያ የምትሰጠውን እወቅ!

የተባረከ ሐሙስ ተመኘንላችሁ🙏
@shegainfom
ፍቅር : ሰላም : ለምድራች!

መሞታችን አይቀርምና ከእነዚሁ ሁሉ እንራቅ

▪አትቅና እንደ ቃየል ወንድምህን
ትገላላህ። ዘፍጥረት 4÷1
ቃየል ወንድሙን የገደለው ስግብግብነት ነበር

▪ክፋ ባልንጅራን አትያዝ እንደ ሶምሶን በጠላት እጅ ትወድቃለህ። ፦ መጽሐፈ ምሳሌ 16÷ 15

▪ ዘፍጥረት 3÷1-8 በአባትህ አትሳቅ እንደ ካም ትረገማለህ። እንደ ሴምና ያፌት እንሁን ዘፍጥረት 9÷20 -21

አትመኝ፦እንደ አዳም የዲብሎስ ባሪያ ትሆናለህ።ዘፍጥረት 3÷1-8

እግዚአብሔር ለእኛ አንድ ነገር ሲሰጠን ወይም ሲያድርግልን እንደሚጠቅመን ያውቃል አወቆም ይሰጠናል

▪ እኛ ግን ያለን ትተን የሌለን እንመኛለን ከንቱነት

በሐሰት አትመስክር፦ እንደ ሐማ ባዘጋጀኸው ጉድጓድ ትገባለህ።
፦ መጽሐፈ አስቴር 7÷1

አትስከር አዕምሮ አሳጥቶ የማይገባ ሥራ ትሠራለህ። ዘፍጥረት 19÷30-38

አትዘሙት እንደ ሰሎሞን አምላክህን አስረስቶ ጣዖትን እንድታመልክ ያደርግሃል። ከዚህ ይሰውረን መጽሐፍ ነገሥት ካልዕ 1 11÷1-8

▪ ትዕቢተኛ አትሁን ፦እንደ ሰናክሬም ትወድቃለህ።መጽሐፈ ነገሥት
ካልዕ 2 19÷35

▪ ገንዘብን አትውደድ እንደ ይሁዳ ጌታህን ያስክድሃል። ማቴዎስ ወንጌል፦ 26÷14-16

ቀንድ ነገር ቢሆንም ገንዘብ በመውደድ ከስንት ነገር ርቀናል ከሃገራችን ከቤተሰባችን ከጓደኞቻችን ከልጆቻችን ሞልቶ በማይ ሞላ ሂወታችን......

ሥልጣንን አትውደድ፦እንደ አቤሴሎም በአባትህ ላይ ትነሣለህ፦ መጽሐፈ ሳሙኤል ካልዕ 2 15÷13-17

ዓለምን አትመልክት፦እንደ ሎጥ ሚስት የጨው ዐምድ ሆነህ ትቀራለህ፦ ዘፍጥረት 19÷ 22-23 1ኛ ቆ.ስ 2፥5

ማመናችሁ በእግዚአብሔር ኃይል እንጂ በሰው ጥበብ እንዳይሆን።
1ኛ ቆ.ስ፦ 2፥15

‹‹. . . ሕይወት አዙሪት ናት፡፡ ረጅም ርቀት የተጓዝክ ቢመስልህም የምትጨርሰው ከጀመርክበት ነው፡፡ ራቁትክን ትወለዳለህ እርቃንህን ወደ መቃብር ትወርዳለህ፡፡

በጥርስ አልባው ድድህ እየጋጥክ ትጀምራለህ ፤ ጥርሱን ባረገፈው ድድህ እያልጎጠጎጥክ ትጨርሳለህ፡፡ ዘመንም ተምኔታዊ ነው፡፡ መስከረም ጥቅምት ብሎ ያስጀምርህና መስከረም ብሎ ያመጣብሀል፡፡

ሰኞ ማክሰኞ ብለህ ተጉዘህ እንደገና ሰኞ ትላለህ፡፡ ሕይወት አዙሪት ናት መጀመርያህ መጨረሻህ ነው፡፡ የጀመርክበት አትርሳ መጨረሻህ ነውና የጀመርክበትን አትናቀው፤ ትጨርስበታለህና፡፡

ተራ ሰው ሆነህ ትጀምራለህ ተምረህ ዕውቀት ብትጨምር ፣ ነግደህ ሀብት ብታገኝ ፣ ክቡረ ክቡራን ሆነህ የወርቅ ካባ ብትለብስ የምትጨርሰው እንደ ተራ ሰው አፈር ለብሰህ ነው፡፡››

‹‹ልብ በል! በማወቅ ትጀምራለህ በመዘንጋት ትጨርሳለህ፡፡ ዕውቀት አላመጣህምና ዕውቀት ይዘህ አትሔድም፡፡ በለቅሶ ትጀምራለህ በጭንቅ ትጨርሳለህ፡፡

በሰው እቅፍ ትጀምራለህ በሰው ሸክም ትጨርሳለህ፡፡ ልደትህ ከሞትህ በምን ይለያል? ሞትህስ ከልደትህ በምን ይከፋል?

ሕይወት መጀመርያና መጨረሻዋ አንድ ነው፡፡ ከፀሐይ በታች አዲስ ነገር የለም፡፡ ልብ በል የዓለም ከንቱነት ግን ውበቷ ነው፡፡

ዓለም አዲስ ነገር ቢኖራ እኛን እንዴት በጸጸተን፡፡
@shegainfom
ፍቅር : ሰላም : ለምድራችን !

መፅናት አለብህ!

ልጅ እያለን ለመራመድ ስንሞክር ብዙ ጊዜ ደጋግመን እንወድቅ ነበር፤ ከዛ ሰዎች ይስቁብናል በኛ ሁኔታ ይዝናኑ ነበር፤ "ደጋግሜ እየወደኩ ነው...በዛ ላይ የሰው መሳቂያ ከምሆን ባልራመድ ቢቀርብኝስ?!" ብሎ ያቆመ ህፃን ልጅ ግን የለም።

አሁንም በኑሮ ራስህን ለመቻል ወይ ለማደግ ስትሞክር የሚገጥምህ ነገር ከባድ ይሆናል፤ በብዙ አቅጣጫ ገፍቶ የሚጥልህ ነገር በዝቶ ይሆናል፤ አሁንም እንደ ልጅነትህ ተስፋ ቆርጠህ ካላቆምክ ህይወትን ማሸነፍህ አይቀርም! ወዳጄ አስቸጋሪ ቢሆንም፣ ፈታኝ ቢሆንም የጀመርከውን ጥግ ለማድረስ መፅናት አለብህ!

የተለየ እሮብ ተመኘንላችሁ🙏
@shegainfom
ፍቅር : ሰላም : ለምድራችን !

#ዛሬም ነገም ሁሌም #ተመስገን......
▹ጌታ ሆይ፣ለሊቱ የነጋው በአንተ ነው ተመስገን።

▹ጌታ ሆይ፣ተኝተን የተነሳነው በአንተ ነው ተመስገን።

▹ጌታ ሆይ፣ወጥተን የገባነው በአንተ ነው ተመስገን።
▹ጌታ ሆይ፣ሠርተን ያገኘነው በአንተ ነው ተመስገን።
▹ጌታ ሆይ፣ጤናን ያገኘነው በአንተ ነው ተመስገን።

▹ጌታ ሆይ፣ተርበን የጠገብነው በአንተ ነው ተመስገን።
▹ጌታ ሆይ፣ተጠምተን የረካነው በአንተ ነው ተመስገን።
▹ጌታ ሆይ፣ታርዘን የለበስነው በአንተ ነው ተመስገን።

▹ጌታ ሆይ፣ዕድሜ የተጨመረልን በአንተ ነው ተመስገን።
▹ጌታ ሆይ፣ቀን የተጨመረልን በአንተ ነው ተመስገን።

▹ጌታ ሆይ፣የሚያስጨንቁ ለሊቶች ያለፉት በአንተ ነው ተመስገን።
▹ጌታ ሆይ፣የቆምነው በአንተ ነው ተመስገን።

▹ጌታ ሆይ፣በእግራችን የተራመድነው በአንተ ነው ተመስገን።
▹ጌታ ሆይ፣በአይናችን ያየነው በአንተ ነው ተመስገን።
▹ጌታ ሆይ፣በጆሯችን የሰማነው በአንተ ነው ተመስገን።

▹ጌታ ሆይ፣በእጆቻችን የሰራነው በአንተ ነው ተመስገን።
▹ጌታ ሆይ፣በአንደበታችን የተናገርነው በአንተ ነው ተመስገን።
▹ጌታ ሆይ፣በአይምሯችን ያሰብነው በአንተ ነው ተመስገን።

▹ጌታ ሆይ፣የምንተነፍሰውን አየር አስገብተን ያስወጣነው በአንተ ነው ተመስገን።
▹ጌታ ሆይ፣ሁሉም ነገር ያለፈው በአንተ ነው ተመስገን።

▹ጌታ ሆይ፣ከቃላት በላይ ነህ ከአእምሮ በላይ ነህ ከግምት በላይ ነህ ተመስገን።
▹ጌታ ሆይ፣ያልጠፋነው ከምህረትህ የተነሳ ነው ተመስገን።

▹ዛሬም ተመስገን ነገም ተመስገን ለዘላለምም ተመስገን አሜን።
@shegainfom
ፍቅር : ሰላም : ለምድራችን !