አንድ አዛውንት ገበሬ እና አንድ ወጣት ፕሮፌሰር በባቡር ጉዞ ላይ ይገናኛሉ። በጉዞው የተሰላቸው ፕሮፌሰር ጊዜ ማሳለፊያ እንዲሆናቸው በማሰብ ከገበሬው ጋር አንድ ጨዋታ ለመጫወት ይወስናል።

ፕሮፌሰሩም የጨዋታውን ህግ ለገበሬው አብራራ "ጥያቄ እጠይቆታለሁ፤ መልሱን ካላወቁ 5 ብር ይሰጡኛል። ከዛ እርሶም ጥያቄ ይጠይቁኛል፤ መልሱን ካላወኩት 500 ብር እሰጦታለሁ።"

ገበሬው በእሺታ አንገታቸውን ነቀነቁ።

ፕሮፌሰሩ: "በምድር እና በጨረቃ መካከል ያለው ርቀት ምን ያህል ነው?"

ገበሬው: በዝምታ ከኪሳቸው 5 ብር አውጥተው ከሰጡት በሗላ ጥያቄያቸውን አስከተሉ "ተራራ ሲወጣ አራት እግር ሲወርድ ደግሞ ሶስት እግር ያለው እንሰሳ ምንድን ነው?"

ፕሮፌሰሩ ደነገጠ! ምክንያታዊ የሆነ መልስ አሰበ፤ ስልኩን ጎሩጎረ ግን መልስ ማግኘት አልቻለም። በመሸነፍ ስሜት ቅጣቱን 500 ብር ለገበሬው ሰጣቸው።

ገበሬውም ብሩን ተቀብለው ምንም ሳይሉት ጋደም ይላሉ። የሽንፈት ስሜት እና መልሱን የማወቅ ጉጉት ውስጡን የበላው ፕሮፌሰር እንደ መበሳጨት እያደረገው "እና እንሰሳው ምንድን ነው?" ሲል ገበሬውን ይጠይቃል።

ገበሬውም ለአፍታ በምጸት ፈገግታ ካስተዋሉት በሗላ...አምስት ብር ሰጥተውት መልሰው ጋደም አሉ።

ትዕቢት የውድቀት መጀመሪያ ነው! ትልቅ ነገር አውቃለሁ ብሎ የሚታበይ ትንንሽ ነገሮችን ለማስተዋል አይቻለውም።

ትህትና የዕውቀት መጀመሪያ ነው!