Abjuu

Abjuunan si arge
rafeetoo galgala
Teenyee yoo haasofnu
da’oo Odaa jala

Sinsinniin yoo wal-laalan
agartuun keenya lachuu
Gadda fageessanii
yoo oomishan gammachuu

Wanta garaa keenyaa
hundumaa haasofnee
Danqaa nu gidduudhaa
haasawaan furannee

Imaluu eegalle
walitti sissiquu
Keessaa u…utaalaa
gammachuun burraaquu

Gaafan xuuxuuf jedhu
hidhiikee bareedduu
Hirriibaan dammaqe
adda cite hunduu😍