ድንቅ ታሪክ እነሆ !!

አንድ ንጉስ በከተማው ውስጥ የሚገኙ እድሜ ጠገብ ሽማሌዎች እንዲሁም አሮጊቶች #እንዲገደሉ ትዕዛዝ ያስተላልፋል። ከነዋሪዎቹ መካከል አንድ ወጣት ሽማግሌ አባቱን በጣም ይወደው ነበር። ወጣቱም ይህን አስከፊ የንጉሱን ትዕዛዝ በሰማ ግዜ አባቱን ለመሸሸግ በማሰብ በሚስጥር ሰርቶት የነበረው የመሬት ስር ቤት ውስጥ አባቱን ሸሸገው።ወታደሮቹም ለፍተሻ መጡ። ቤቱ ውስጥ በደንብ ቢፈልጉም ማንንም ስላላገኙ ትተው ተመለሱ።

ቀናቶች አለፋ...።ንጉሱም ይህ ወጣት ሽማግሌ አባቱን እንደደበቀ ይሰማል።ይህንንም ሊያውቅ የቻለው በሰላዬቹ አማካኝነት ሲሆን ይህንን ወጣት አስሬ አባቱንም ከምገድለው ለምን አልፈትነውም ብሎ በማሰብ፤ወታደሮቹን በጠዋት ወደ ልጁ ቤት በመላክ እንዲህ እንዲሉት አዘዛቸው።ንጉሱ "ተሳፍረህና እየተራመድክ እንድትመጣ ያዝሃል" ወጣቱም ግራ ገባው😳 ወደ አባትየውም በመጓዝ አማከረው። አባትየም የመገረም ፈገግታን ፈገግ ካሉ በኋላ እንዲህ አሉት "ትልቅ ክይዘራ ይዘህ ና እና እሱ ላይ ተደግፈህ እየተራመድክ ሂድ" አሉት። ወጣቱም የተባለውን አድርጎ ሄደ። ንጉሱም በወጣቱ ብልጠት ተገርሞ "ሂድ ተመለስ ነገ ጠዋት ደግሞ ጫማ ለብሰህና በባዶ እግርህ ና" አለው።ወጣቱም ወደ አባቱ ዘንድ በመጓዝ ነገሩን አጫወታቸው። አባትየውም "ጫማህን ስጠኝ" አሉት። የስረኛውን የጫማ ሶል አወለቁት እና "ይህንን ንጉሱ ዘንድ ለብሰህ ሂድ" አሉት።ወጣቱም የተባለውን አደረገ።

በድጋሚ ንጉሱ በወጣቱ ብልጠት እጅግ በጣም ተገረመ።ከዚያም እንዲህ አለው"ሂድና ነገ ጠዋት ጠላትህንና ወዳጅህን ይዘህ ና" አለው። ወጣቱም ስለጉዳዩ አባቱን አማከረ። መፍትሄ የማያጡት አባት እንዲህ ሲሉ ጠቆሙት " ነገ ስትሄድ ሚስትህንና የቤትህን ውሻ ይዘህ ሂድ ንጉሱ ዘንዳም ስትደርስ ሁለቱንም ደብድባቸው"  አሉት። ወጣቱም"እንዴት!?" አለ። እሳቸውም ይሁን አድርግ ሚፈጠረውን ትመለከታለው አሉት።

ወጣቱም ወደ ንጉሱ ዘንድ በጠዋት ተጉዞ ንጉሱ ዘንድ እንደቁረበም ሚስቱን ደበደባት(መታት)። እሷም በጣም ጮኅች። እንዲህም አለችው "እኔን በመምታትህ ትፀፀታለህ። ብላው ለንጉሱ አባትየውን ደብቆ እንዳለ ተናገረች😂" ትታው ጥላው ሄደች። በመቀጠልም ውሻውን መታው። ውሻውም ሮጦ ሸሸ።ንጉሱም ተገረሞ "እንዴት ታማኝ ወዳጅና ጠላት!?" አለ። ወጣቱም ልጅ ለውሻው ምልክት ሲሰጠው ውሻው እየሮጠ መጣና በደስታ ይታሸው ጀመር። ወጣቱም ለንጉሱ እንዲህ አለው "ይህ ውሻ ለእኔ ታማኝ ወዳጄ ነው። ጠላቴ ደግሞ ወዳጄ የመሰለችኝ ናት" አለው

ንጉሱም በጣም ተደነቀ።ማን እንደመከረውም ሲጠይቀው አባትየው መሆኑን ነገረው። ንጉሱም ለወጣቱ እንዲህ አለው። "ነገ ጠዋት አባትህን ይዘህ ና" ወጣቱም ወደ አባቱ ዘንድ ሄዶ የሆነውን ተረከለት።በጠዋትም ወደ ንጉሱ ዘንድ ሄዱ። ንጉሱም ይህን ሽማግሌ አባት የራሱ #አማካሪ አድርጎ ሾመ። ወጣቱም ከመሞት በአባቱ ምክንያት ተረፈ።


ጭብጡ ምንድነው!? አባት እድሜው የፈለገ ቢገፋም እሱ ዋጋውን የማናውቅለት ትልቅ ፀጋ ነው። የሱን ቦታ የምንረዳው ምናልባት ሲለየን ነው።

━━━━━━✦✗✦━━━━━━━
https://t.me/+tv1OFMgzPx4zZGU0
F O L L O W       M O R E .   .   .
https://www.instagram.com/kebrarawboy?r=nametag

https://vm.tiktok.com/ZMj2aEbhT/