Seenessa Waloo Ijaarsa Biyya Sabdaneettiif!
= = =
Seenaa ijaarsa biyyaa keessatti biyyi tokko kabajamtee, sodaatamtee jiraachuuf uummanni biyya sanaa seenaa, siyaasaa, diinagdeefi hawaasummaa keessatti seenessa waloo eenyummaa isaa ibsu kan waliin itti boonu qabaachuu qaba.
Biyyoota akka biyya keenyaa eenyummaa, Afaan, Amantaa, Aadaafi Duudhaa garaagaraa qaban keessatti walitti dhufeenya hawaasaa cimsuun biyya sabdaneetti tokkummaan obbolummaa keessatti dagagee ijaaruuf seenessa hundi kooti jedhu jiraachuun dhimma murteessadha.
Kunis walqixxummaafi hirmaannaa haqa qabeessa hawaasa keessatti dagaagsuun biyya jabduu waan hundaan badhaate uumuu keessatti shoora olaanaa qaba.
Kanaaf seenessi biyya ijaaruufi tokkummaa jabaa lammilee gidduutti uumuuf yaadama gumaacha olaanaa qabu waan ta'eef ijaarsa biyyaa keessatti seenessi waloo xiyyeeffannoo olaanaa barbaada.
Ijaarsa Itoophiyaa keessatti waggoota dheeraaf hojiirra oolaa kan ture seenessa qeenxee Afaan tokko, aadaa tokkoofi Amantaa tokkoo yaadama jedhuun sabdaneessummaa kabaja dhorkuun eenyummaa tokkoon saboonni, sablammootniifi uummattootni akka bulan dirqisiifamaa turuun ni yaadatama.
Qabsoo diddaa garbummaa uummanni Oromoofi saboonni biroo geggeessaniin sirni qeenxee akka hin deebinetti burkutaa’ee jira.
Injifannoo bara 2010 hordofee jijjiirama dhufeen dhimmi cabiinsa siyaasa Itoophiyaa suphu seenessa waloo ijaaruu ta'uu hubatamuun, barii jijjiiramaa irraa eegalee seenessa waloon Itoophiyaan biyya hundaan hundaaf hundarraa ijaaramaa jirtu yoo ta'u, sirni qeenxee erga burkutaa’e asis dhaadhessitoonni sirna qeenxee ilaalchaafi gochaan har’as imala seenessa waloo kabaja sabdaneessummaa olkaase danquuf halkaniifi guyyaa carraa argame hundaan of mul’isaa jiru.
Haa ta'u malee akeekni finxaalessitoota sirna seenessa qeenxee yoo danda’an biyya diiguu yoo dadhaban imala eegalame danquu waan ta'eef, sirni murna qeenxeen hogganamu kun waan burkutaa’eef ilaalchi seenessa qeenxees humna sabdaneessummaan burkataa’ee biyyi obbolummaan sabdaneessaa keessatti dagagee hundaan, hundarraafi hundaaf ni ijaaramti.
Odeeffannoo Dabalataa Argachuuf;
https://www.facebook.com/oromiabc------
Telegram:
https://t.me/Oromiacommunicationaffairsbureau------
Twitter:
twitter.com/OromiaBureau------
YouTube:
https://www.youtube.com/@BKONews------
TikTok:
tiktok.com/@oromiacommunicationbureu------
kallachaOromia:
https://m.facebook.com Whapp:
https://whatsapp.com/channel/0029VbAXcNtAu3aRrGAUuV28
