የፆም መሰረቶች ሁለት ናቸው
1–ኒይያህ(ማሰብ)
2–ፀሃይ ወጥታ እስክትጠልቅ ድረስ ፆምን ከሚፈቱ(ከሚያበላሹ)ነገሮች መቆጠብ።
ኒይያህ ዋና ቦታዋና ወቅቷ መቼ ነው?
ኒይያህ በእያንዳንዱ አምልኮ ውስጥ ዋና መሰረት(ሩክን)ነው፣የትኛውም ዒባዳ ያለ ኒይያህ ትክክለኛነቱ አይረጋገጥም።
  የኒይያህ ቦታዋ ልብ ላይ ሲሆን፣በምላስ ግልፅ ማድረጉ ለልብ ስለሚያስታውሰው ይወደዳል።
  በፆም ላይ መነየት ማለት[በቀኑ ክፍል የአላህ ትእዛዝ መሆኑን አውቆ፣ፆምን ከሚያስፈቱ ነገራቶች እንደሚተው ቁርጥ ባለ መልኩ ማሰብ ነው]፣አንድ ሙስሊም ይህንን ካሰበ በቂው ነው፣ነገ ግዴታ የሆነብኝን ፆም ለመፆም አስቤያለው ብሎ በምላሱ ግልፅ ቢያደርገው ደግሞ ከዚህ ቀደም እንደገለፅነው የሚወደድ ተግባር ይሆናል ማለት ነው።
  የኒይያው ጊዜ ፀሀይ ከገባችበት ሰአት አንስቶ ጎህ ከመቅደዱ(ከንጋት)በፊት እስካለው ወቅት ነው።
⇨⇒በረመዷን ፆም ወቅት ለእያንዳንዱ ቀን መነየት ግዴታ ይሆናል?ወይስ ለወሩ ሙሉ አንዴ መነየት ይቻላል?
  በእያንዳንዱ የረመዷን ቀን መነየት ግዴታ ነው፣ምክንያቱም እየአንዳንዱ ቀን እራሱን የቻለ የአምልኮ ቀን ነው፣ኒይያውም ትክክለኛ ንጋት ከመውጣቱ በስተፊት ባለው የሌሊት ክፍል ውስጥ መገኘት ይኖርበታል፣የአላህ መልእክተኛ
በሀዲሳቸው እንዲህ ብለዋል
(من لم يبيت الصيام من الليل،فلا صيام له)رواه النسآئي.
(ፆምን(ኒያውን)በሌሊቱክፍል ያላሳደረ፣ለሱ ፆም የለውም)ነሳኢይ
በሌላ ዘገባ
(من لم يجمع الصيام بالليل قبل الفجر فلا صيام له)رواه أبو داوود والترمذي
(ፆምን(የፆሙን ኒይያ)ከንጋት በፊት በሌሊቱ ክፍል ያለደሰበሰበ ለሱ ፆም የለውም)አቡ ዳውድ እና ቱርሙዚይ
  ከእንቅልፉ ነቅቶ ሱሁር የተመገበ እንደነየተ ይያዝለታል።

⇨⇒ከነየቱ በዃላ በሌሊቱ ክፍል መብላት እንዴት ይታያል?ኒይያውንስ ማደስ ይኖርበታል?
   ከነየተ በዃላ በሌሊቱ ክፍል መመገብም ሆነ መጠጣት ምንም ችግር የለውም፡፡