Telegram channel "Afif Taj" — @AfifTajQuran

የባለውለታችን ሐጂ ሰኢድ ሙሐመድ(ረሒመሁላን) ቤተሰብ እንደግፍ

ሀጅ ሰኢድ ሙሀመድ አብዱ(አላህ ይዘንላቸው) ከ 35 አመት በፊት የግል ንግድ ስራቸውን በመተው ወደ በጎ አድራጎት እና የዲን መኻደም ስራ በመግባት ሙሉ ሃያታቸውን ለዚሁ አላማ ሰጥተው ነበር ያለፉት::

በነዚህ እረጅም ዓመታት ከ28 በላይ መስጊዶችን ከ30 በላይ ኢስላማዊ ት/ቤቶችን እንዲሁም ከ317 በላይ የአዳሪ የሂፍዝና የዲን ተማሪወችን የያዙ በአጠቃላይ የሀለቃ ዑለሞችንና ደረሶችን ጨምሮ ከ19,000 በላይ ተጠቃሚ ተማሪዎችን የሚያስተናግዱ ተቋሞችን ለህዝበ ሙስሊሙ አበርክተውልን አልፈዋል::

እሳቸው ወደ አኼራ ሲያልፉ በወር በሳቸው በኩል በሚሊዬኖች የሚቆጠር ገንዘብ ሲያሰባስቡና ዲኑን ሲካድሙ ቢቆዩም ለራሳቸው እና ለቤተሰባቸው ግን ከ40 ዓመት በፊት ነጋዴ እያሉ ከገዟት በአሁኑ ሰዓት ዋጋ ከማታወጣ መኪናቸው እና አሁን ላይ በእድሳት ችግር ምክንያት እየፈረሰች ከምትገኝ የጭቃ ቤት ውጪ ትተው ያለፉት ነገር የላቸውም::

በዚህ ሁኔታ ወደ አኼራ የሄዱት የባለውለታችን ሐጂ ሰኢዶ ባለቤታቸው ምንም አይነት መቸገር ውስጥ መግባት ስለሌለባቸው ለኡማው አይን ሆነው ያለፉትን ሀጂ ሰኢድን ውለታ ቤተሰቦቻቸውን በመንከባከብ ልንመለስ ግዴታችን በመሆኑ ሁላችንም ድጋፍ ልናደርግላቸው እና ልንረዳቸው ይገባል::

ለዚሁ አላማ በማሰብም በታላላቅ መሻይኾች የጋራ አካውንት በተለያዩ ባንኮች የተከፈቱ ስለሆነ ሁላችንም አቅም በፈቀደው ያህል ድጋፍ እናደርግ ዘንድ ጥሪዬን አቀርባለው::