📌♻️መልካም ስነምግባር በኢስላም ያለው ቦታ

♻️🔺ኢስላም በአላህ፤ በመልኣኮቹ፤ በመልዕክተኞቹ፤ በመጨረሻው ቀንና በውሳኔ (በቀደር) ማመን ብሎም የተለያዩ የአምልኮት ተግባራትን (ሶላት፣ ፆም፣ ዘካና የመሳሰሉትን) መስራት እንደሚያዝ ሁሉ መልካም ስነምግባር እንዲኖረንም ያዘናል፡፡

♻️🔺በኢስላም ውስጥ ከተውሂድ ቀጥሎ ትልቅ ቦታ የሚሰጠው ጉዳይ መልካም ስነምግባር ነው።

🔺ትክክለኛ ተውሂድን የያዘ ሰው ስነምግባሩ እጅግ ያማረ ነው፡፡

🔺ከጌታው ጋር ያለውን ግዴታ ጠንቅቆ በመረዳቱ ከሰዎች  መካከልም ስለሚኖረው ግንኙነት ጌታው ባስቀመጠለት መስመር ይጓዛል፡፡

♻️🔺 ተውሂደን ጠንቅቆ የተረዳ ሰው እውነትን በመናገር፣ ታማኝ በመሆን፣ ለፍጥረታት በማዘን፣ ይቅር ባይ በመሆን፣ ታላቅ እና ታናሹን በማክበር፣ምላሱን
በመጠበቅ፣ለሌሎች ቅን በመሆን ባጠቃላይ በመልካም ስነምግባር የታነፀ ይሆናል፡፡

🔺✅ አንዳንድ ሰዎች ወደ ተውሂድ ጥሪ እናደርጋለን ቢሉም ኢስላማዊ ስነምግባራቸው እጅግ
የላዠቀ ሆኖ ይስተዋላል፡፡ እስልምና አምልኮን ለአላህ ብቻ በማድረግ ምሶሶውን ቢያቆምም ያለመልካም ስነምግባር ሙሉ አይሆንም፡፡

♻️🔺ስነምግባሩ ያልተስተካከለ ሰው እምነቱ
ላይ ችግር እንዳለበት ኢስላም ያስተምረናል፡፡ እውነተኛ አማኝ ምጡቅ ሥነ-ምግባር ይኖረዋል። በመሰረቱ፤ የእምነት ሥነ-ምግባር ዓላማ የሰው ልጅ ወደ ምርጥ የአላህ አገልጋይነት ማሸጋገር ነው።
ﻳَﺎ ﺃَﻳُّﻬَﺎ ﺍﻟَّﺬِﻳﻦَ ﺁﻣَﻨُﻮﺍ ﺍﺗَّﻘُﻮﺍ ﺍﻟﻠَّﻪَ ﻭَﻛُﻮﻧُﻮﺍ ﻣَﻊَ ﺍﻟﺼَّﺎﺩِﻗِﻴﻦَ ‏[

“እናንተ ያመናችሁ ሆይ! አላህን ፍሩ ከዉነተኞቹም ጋር ሁኑ” (አት-ተወባህ )✍

t.me/aymi22