Baankii Daldala Itiyoophiyaa

Bu'aa qabeessummaa diinagdee fiduun toora xiyyeeffannaa karoora ittaanuu akka ta'e, pirezidaantiin baankiin daldalaa Itoophiyaa Abbee Saanoo beeksisan.
. CBE'n gamaggama raawwii ji'a jahaa kan 2024/25 kallattii kaa'uun xumure.
***
Pirezidaantiin baankii daldalaa Itoophiyaa Abbee Saanoo kallattii hojii fuula duraa kennan.
Haaluma kanaan, bu'aa qabeessummaa diinagdee fiduun toora xiyyeeffannaa karoora ittaanuu akka ta'e, pirezidaantiin baankiin daldalaa Itoophiyaa Abbee Saanoo beeksisan.
Kana dhugoomsuuf immoo qabeenya maddisiisuun murteessaadha jedhan.
Distiriiktonnii fi dameeleen baasii xiqqeessuun, hojii fooyyee qabu hojjachuu qabu jedhan.
Qabeenya dorgomtummaa guddaa qabu, sharafa alaa maddisiisuun dhimma filannoo biraa hin qabne waan ta'eef, xiyyeeffannaan hojjatamuu akka qabus hubachiisan.
Tiraansfoormeeshiniin gara dijitaalayizeshiniitti jalqabame, daran cimee itti fufuu akka qabu dhaamaniiru.
Tajaajila liqiitiin maamila baay'ee bira gahuuf, yeroo dhihootti hojiirra kan Oolu ta'uu ibsaniiru.
Hundaa ol roga hundaan milkaa'ina dhugoomsuuf, maamiloota sirnaan tajaajiluun, murteessaa ta'uu, pirezidaantiin baankii daldalaa Itoophiyaa Abbee Saanoo hubachiisan.
Gamaggamni raawwii hojii baatii jahaa guyyoota lamaaf, waajjira muummeetti gaggeeffame xumurame.

Ji’oota jaha keessatti karaa filannoo dijitaalaa CBE'n tiraanzaakshiniin raawwatame birrii tiriiliyoona 5.4 ol akka ta'e, baankiin daldalaa Itoophiyaa beeksise.
*
Addunyaa dijitaalaa kana keessatti dorgomtummaa gama kanaan jiru mo'achuuf, tajaajilli baankii hundi gara dijitaalaan ta'uu akka qabu, pirezidaantiin baankii daldalaa Itoophiyaa Abbee Saanoo beeksisan.
Akka gabaasni Pirezidaantii Ittaanaa dijitaal baankii obbo Wagaayyoo Gabramaariyaam dhiheessan agarsiisutti, walakkeessa waggaa 2017 tti, tiraanzaakshiniin karaa filannoo dijitaalaa raawwatame birrii tiriiliyoona 5.4 ol ta'uu ifoomsera.
Kunis lakkoofsa waliigalaa daldala baankichi gaggeessu keessaa tilmaamaan harka 80 bakka bu’a.
Raawwiin kun hawaasni filannoowwan dijitaalaatti haalaan fayyadamaa akka jiru kan agarsiisu yoo ta’u, bara darbe yeroo walfakkaatuun lakkoofsaan harka 80, maallaqaan ammoo harka 90 ol ta’uu ibsameera.
Dijitaal Itiyoophiyaa dhugoomsuudhaaf, tattaaffii akka biyyaatti taasifamaa jiru keessatti, Baankiin Daldalaa Itoophiyaa adda durummaan hojjachaa akka jiru ibsame.