በደቡብ ክልል በኮንሶ ዞንና በሁለት አጎራባች ወረዳዎች ታጣቂዎች ባደረሱት ጥቃት 15 ሰዎች ሲገደሉ በርካቶች መቅሰላቸውን የአካባቢው ነዋሪዎች ገለፁ ።

በርኖስ ሚዲያ /ህዳር /9/2013 ዓ.ም

የአካባቢው ነዋሪዎች እንዳሉት ጥቃቱ ባለፉት ሁለት ተከታታይ ቀናት የተፈጸመው በኮንሶ ዞን ፣ በአማሮ አና በቡርጂ ልዩ ወረዳዎች ውስጥ በሚገኙ የገጠር ቀበሌዎች ውስጥ ነው።

በአካባቢዎቹ ጥቃቶች መፈጸማቸውን ያረጋገጡት የደቡብ ክልል ሰላምና ጸጥታ ቢሮ ሃላፊ አቶ አለማየሁ ባውዴ በሰውና በንብረት ላይ የደረሰው ጉዳት መጠን እየተለየ ይገኛል ብለዋል።

በአሁኑወቅት መንግስት ጥቃቱ ወደ ተፈጸመባቸው ቀበሌዎች የፀጥታ አባላትን ያሰማራ ሲሆን የድርጊቱን ፈጻሚዎች ለይቶ ለመያዝም ከህብረተሰቡ ጋር ውይይት እየተካሄደ እንደሚገኝ ሃላፊው ተናግረዋል።

ዘገባው የዶቼቬሌ ነው።
@bernosmedia24