Info Tech

አንደኛው ቡድን ወስጥ ያሉ ተሳታፊዎች ይህን የጽሁፍ መልመጃ ያለ ምንም እገዛ አእምሯቸውን ብቻ በመጠቀም እንዲጽፉ፤ ሁለተኛው ቡድን ወስጥ ያሉት Google የተሰኘውን የኢንተርኔት መረጃ መፈለጊያ ድረገጽ በመጠቀም እንዲጽፉ፤ ሶስተኛው ቡድን ውስጥ ያሉት ደግሞ ቻትጂፒትን በመጠቀም እንዲጸፉ ተደረገ፡፡

ቡድኖቹ መልመጃውን በሚሰሩ ጊዜ አጥኚዎቹ ጭንቅላት ላይ የሚገጠም EEG የሚባል ቴክኖሎጂን በመጠቀም ተፈታኞቹ አእምሮ ውስጥ የሚካሄደውን ኤሌክትሪካዊ እንቅስቃሴ ተከታተሉ፡፡

ከሶስቱ ቡድኖች መካከል ቻትጂፒትን ተጠቅመው የጽሁፍ መልመጃውን የሰሩ ተፈታኞች በአእምሯቸው ውስጥ በጣም አነስተኛ እንቅስቃሴ የነበረ ሲሆን በመልመጃው ላይም ደካማ ውጤት ነበር ያስመዘገቡት፡፡ በወራት ጊዜ ውስጥ ሲታይ የዚህ ቡድን ተሳታፊዎች በእያንዳንዱ መልመጃ ላይ እየሰነፉ ሄደው በቀጥታ እየገለበጡ መሄዳቸውን ጥናቱ ይገልጻል፡፡

ከሌሎች ቡድኖች አንፃር ቻትጂፒቲን የተጠቀሙት የጥናቱ ተሳታፊዎች ተመሳሳይና አዲስ መንገድን ያልተከተለ እንዲሁም ተመሳሳይ ሃሳቦችና አገላለፆች የሞሉት መጣጥፍ መጻፋቸው ተነግሯል፡፡

ከዚህ በተለየ አእምሯቸውን ብቻ በመጠቀም መጣጥፉን የፃፉ ተሳታፊዎች መልመጃውን በሚሰሩበት ጊዜ በአእምሯቸው ውስጥ ከፍተኛ የሆነ እንቅስቃሴ እንደታየ ተገልጿል፡፡ በተለይ ፈጠራዊ ሃሳብ እንዲመነጭ የሚያደርጉ እና ከትውስታ አቅም ጋር የሚገናኙ የአእምሮ ክፍሎች ከፍተኛ እንቅስቃሴ እንዳሳዩ ጥናቱ አመልክቷል፡፡

ጉግልን ብቻ እንዲጠቀም የተፈቀደለት ቡድን ተሳታፊዎችም ከፍተኛ የአእምሮ ውስጥ እንቅስቃሴ አሳይተዋል ቢባልም፣ ከሁሉም የበለጠውን ያዩት ግን ያለምንም እገዛ አእምሮዋቸውን ብቻ ተጠቅመው መልመጃውን የሰሩት ናቸው፡፡ በዚህ መሰረት እንደ ቻትጂፒቲ ያሉ የአርቴፊሻል ኢንተሊጀንስ መሳሪያዎች በተለይ በወጣቶች ላይ የመማር አቅምን እንደሚጎዱ ጥናቱ ጠቁሟል፡፡

AI እና የስራ ተነሳሽነት — የሃርቫርድ ጥናት

ከMIT ጥናት አንድ ወር ገደማ ቀደም ብሎ በሃርቫርድ ዩኒቨርሲቲ የተሰራ ሌላ ጥናት ጀነሬቲቭ ኤአይ ወይም ይዘት አመንጪ አርቴፊሻል ኢንተሊጀንስ መሳሪያዎች ሰዎች በስራቸው ላይ ውጤታማ ወይም ታታሪ (ፕሮዳክቲቭ) እንዲሆኑ እንደሚያግዙ አመልክቷል፡፡ ይሁን እንጂ እነዚህ መሳሪያዎች የስራ ተነሳሽነት እንደሚገድሉ ጥናቱ ጠቁሟል፡፡

ለዚህኛው ጥናት ከ3500 በላይ ተሳታፊዎች ተመልምለው በእውነተኛው አለም የሚሰሩ ስራ ተኮር መልመጃዎችን በኤአይ እና ያለ ኤአይ እንዲሰሩ ታዘው ነበር፡፡ መልመጃዎቹም ለሶሻል ሚዲያ የሚሆን ጽሁፍ መጻፍ፣ ሃሳቦችን ማመንጨት፣ የኢሜይል መልዕክቶችን ማርቀቅን የመሳሰሉ ነበሩ፡፡ ከዚያም በስራው ላይ ያሳዩትን ብቃት እንዲሁም ስነልቦናዊ የሆኑ የመነሳሳት እና የመሰልቸት ጉዳዮችን አጥኚዎቹ ገመገሙ፡፡

በውጤቱም፦ ሁለት ተቃራኒ ውጤቶች ተመዝግበዋል፡፡ በአንድ በኩል ተሳታፊዎቹ ጀነሬቲቭ ኤአይን በመጠቀማቸው የአጭር ጊዜ የስራ አፈጻጸማቸው ከፍ ብሏል፡፡ በኤአይ አማካኝነት የተሰሩት ስራዎች ረዘም ያሉ፣ ተንተን ያሉ እንዲሁም አዎንታዊ ቋንቋዎች የሞሏቸው እንደሆነ ታይቷል፡፡

በሌላ በኩል ግን ኤአይን መጠቀም ከብቃት ጋር የተገናኙት ጥቅሞቹ እንዳሉ ሆኖ ስነልቦናዊ ጉዳቶች እንዳሉት ጥናቱ ያሳያል፡፡ ኤአይን በመጠቀም ስራ የሰሩ ተሳታፊዎች ያለ ኤአይ ሌላ ስራ እንዲሰሩ ሲታዘዙ ተነሳሽነታቸው እንደቀነሰና የመሰላቸት ባህሪ እንዳሳዩ ጥናቱ አመልክቷል፡፡ ተነሳሽነት በ11% ሲቀንስ መሰላቸት ደግሞ በ20% ጨምሯል ይላል ጥናቱ፡፡ 

ከላይ ካሉት ውጤቶች በተቃራኒ ከመነሻው እስከ መጨረሻው ምንም የኤአይ እገዛ ሳይጠቀሙ መልመጃውን የሰሩ ተሳታፊዎች ያልተለዋወጠ የስነልቦና ሁኔታ እንዳሳዩ ጥናቱ ጠቁሟል፡፡

ይህ የሃርቫርድ ጥናት የኤአይን ከስራ ብቃት ጋር የተገናኙ ጥቅሞች ለማሳደግ እና ስነልቦናዊ ጉዳቶቹን ደግሞ ለመቀነስ በተለይ ቀጣሪ ድርጅቶች ቢተገብሯቸው ያላቸውን ጥቆማዎች ሰጥቷል፡፡

አንደኛ፦ የኤአይን እና የሰዎችን ድርሻ መደባለቅ ነው፡፡ ለምሳሌ ኤአይን ስራ ለመጀመር እና መነሻ ሃሳብ ለማመንጨት ብቻ በመጠቀም ከዚያ በኋላ ሰዎች የራሳቸውን ፈጠራዎች እንዲያክሉ እና እንዲያስፋፉት ማበረታታት ያስፈልጋል፡፡

ሁለተኛ፦ ኤአይ ላይ ያለው ጥገኝነት የሚያመጣውን ተጽእኖ ለመቀነስ ሰራተኞች በራሳቸው ያለምንም የኤአይ እገዛ የሚሰሯቸውን ስራዎች በመስጠት ተጽእኖውን ማመጣጠን እንደሚቻል ተጠቁሟል፡፡ 

ሶስተኛ፦ ኤአይን በስራ ቦታ መጠቀምን በተመለከተ ግልጽነት ማስፈን አንዱ መፍትሄ ነው ተብሏል፡፡ ሰዎች ኤአይ ሁሉን መስራት እንደሚችል ሲያስቡ ራሳቸውን ከስራው የመነጠል አዝማሚያ ያሳያሉ፤ ስለዚህ ስለ ኤአይ አጠቃቀም ግልጽ በመሆን የኤአይ ሚና የትኛው የሰዎቹ ሚና የትኛው እንደሆነ በማሳወቅ ሰዎች ባለቤትነት እንዲሰማቸው ማድረግ እንደሚጠቅም ተገልጿል፡፡ 

አራተኛው መፍትሄ፦ ድርጅቶች በኤአይ እና በሰዎች የሚሰሩ ስራዎችን በማቀያየር የስራ ብቃትን ጠብቀው የኤአይ ጥገኝነት የሚያመጣውን የስነ ልቦና ጫና መቀነስ ይቻላል፡፡ ተመሳሳይ ስራዎችን በአንድ ላይ ከማከማቸት ይልቅ ኤአይ የሚጠይቁትን ኤአይ ከማይጠይቁት ጋር አንዱ ሌላውን እንዲከተል ማድረግ ይቻላል፡፡

በመጨረሻ ጥናቱ የጠቆመው መፍትሄ፦ ኤአይ መሳሪያዎች ላይ ከልክ ያለፈ ጥገኝነት እንዳይኖር ድርጅቶች ለሰራተኞቻቸው ኤአይን ትርጉም ባለው መንገድ እንዴት መጠቀም እንደሚቻል ስልጠና መስጠት አለባቸው የሚል ነው፡፡

✍ Transit Radio


https://t.me/infoTech_et

የቴሌግራም መስራች እና ኃላፊ ለወለዳቸው መቶ ልጆች ሃብቱን ሊያወርስ ነው
በዓለማችን ታዋቂ ከሆኑ የመረጃ መለዋወጫ መተግበሪያዎች አንዱ የሆነው ቴሌግራም መስራች እና ኃላፊ ፓቬል ዱሮቭ ለወለዳቸው 100 ልጆች 13.9 ቢሊዮን ዶላር የሚገመት ሃብቱን ሊያወርስ እንደሆነ አስታወቀ።
እነዚህ መቶ ልጆች የተወለዱት ከ15 ዓመት በፊት በለገሰው ስፐርም አማካኝነት መሆኑን ተናግሯል።
"ሁሉም ልጆቼ ናቸው እናም እኩል መብት ይኖራቸዋል። እኔ ከሞትኩ በኋላ እርስ በርሳቸው እንዲበጣበጡ አልፈለግም" ሲል ዱሮቭ ለፈረንሳዩ የፖለቲካ መጽሔት ለ ፖይንት ተናግሯል።
ፓቬል በአባትነት እያሳደጋቸው ያሉ ስድስት ልጆችን ከሶስት አጋሮቹ አፍርቷል።
ሆኖም እሱ እንደሚለው "ጓደኛዬን ለመርዳት ከአስራ አምስት ዓመት በፊት ስፐርም የለገስኩበት ክሊኒክ በ12 አገራት ከ100 በላይ ህጻናት በኔ ስፐርም እንደተጸነሱ ነግሮኛል" ብሏል።
ሩሲያዊው የቴክኖሎጂ ባለጸጋ ጨምሮ እንደተናገረው ልጆቹ ውርሳቸውን 30 ዓመት እስከሚሞላቸው ድረስ እንደማያገኙት ለመጽሄቱ ተናግሯል።
"አንደ ተራ ሰው እንዲኖሩ እፈልጋለሁ፤ በራሳቸው ህይወታቸውን እንዲገነቡ፣ በራሳቸው መተማመን እንዲማሩ እንዲሁም መፍጠር እንዲችሉ እንጂ በባንክ አካውንታቸው ላይ ጥገኛ እንዲሆኑ አልፈልግም" ሲል ተናግሯል።

የ40 ዓመቱ ወጣት አሁን ኑዛዜውን ማሰፈር ያስፈለገበት ምክንያት ከስራው ጋር በተያያዘ ያለውን አደጋ በመገንዘብ እንደሆነ ያስረዳል። "ነጻነትን መደገፍ ኃያላን መንግሥታትን ጨምሮ በርካታ ጠላቶችን ያተርፍልሃል" ይላል።
ሚስጥራዊ እና ግላዊነትን በጠበቀ መልኩ መረጃዎችን መለዋወጥ የሚያችለው ቴሌግራም ከአንድ ሚሊዮን በላይ ወርሃዊ ተጠቃሚዎች አሉት።

በፈረንሳይ ከቀረበበት ከባድ የወንጀል ክስ ጋር በተያያዘ ምንም አይነት ጥፋት እንዳልፈጸመም በድጋሚ ተናግሯል።
ኃላፊው መተግበሪያውን ወንጀል ለመከላከል ተገቢውን የመከላከል ስራ አልሰራም በሚል ባለፈው ዓመት በፈረንሳይ ክስ ተመስርቶበታል።
ከአደንዛዥ ዕጽ ዝውውር፣ የህጻናት ወሲባዊ ጥቃት ይዘት እና ማጭበርበር ጋር በተያያዘ ከህግ አስከባሪ አባላት ጋር እየተባባረ አይደለም የሚለውን ኃላፊው አጣጥሏል።
ቴሌግራም ከዚህ ቀደም በቂ የቁጥጥር እና የክትትል ስርዓት አልዘረጋም የሚለውን አልተቀበለውም።
ክሱን "ፍጹም እርባና የሌለው" ሲል የቴሌግራም ኃላፊው ለመጽሄቱ ተናግሯል።
"ወንጀለኞች የእኛን ጨምሮ ሌሎች መረጃ መለዋወጫ መተግበሪያዎችን ስለሚጠቀሙ እነዚህን መተግበሪያዎች የሚያስተዳድሩትን ወንጀለኛ አያደርጋቸውም" ሲል አክሏል።
በሩሲያ የተወለደው ፓቬል ቴሌግራም መቀመጫውን ባደረገበት ዱባይ ውስጥ ነው ነዋሪነቱ።
ፓቬል የፈረንሳይ እና የተባበሩት አረም ኤምሬትስ ጥምር ዜግነት አለው።
የሩሲያው ማህበራዊ ሚዲያ ቭኮንታኬ መስራች የሆነው ፓቬል ከዚህ ቀደም ክሬምሊን ጽሁፎችን ሳንሱር እንዲያደርግ የቀረበለትን ጥያቄ ውድቅ በማድረጉ ከዚህ ማህበራዊ ሚዲያ መባረሩን ተናግሯል።
ፓቬል ቴሌግራምን የመሰረተው በአውሮፓውያኑ 2013 ሲሆን መተግበሪያውም በሩሲያ ውስጥ ተወዳጅ ሆኖ ቆይቷል።
ቴሌግራም እስከ 200 ሺህ አባላት ያሉትን ቡድኖችን መመስረት ይፈቅዳል።

ይህም ተቺዎች የተሳሳተ መረጃ በቀላሉ እንዲሰራጭ እንዲሁም ለሴረኞች፣ የናዚ ደጋፊዎች፣ ህጻናት ደፋሪዎች እንዲሁም ከሽብር ጋር የተያያዙ ይዘቶች እንዲሰራጩ በር ከፍቷል ይላሉ።

Via bbc

የሚጠቀሙት የግል ዋይፋይ #WiFi ደህንነቱ ያሳስቦታል?  ጥቂት የጥንቃቄ መንገዶችን እንጠቁምዎ

ብዙ ጊዜ ለቤት ዉስጥ አገልግሎትም ሆነ ለመስሪያ ቤት ያስገጠምነዉ ዋይፋይ (WiFi) እኛ ላሰብነዉ አገልግሎት እየሰጠ ከሆነ ስለ ደህንነቱ ብዙም ግድ አይሰጠንም፡፡ ነግር ግን ይሄ ተግባር ፍፁም ስህተት የሆነና ብዙ ችግሮችን ሊያስከትል የሚችል ልምድ ነው፡፡
ለዋይፋዮቻችን ተገቢውን የደህንነት ስርዓት ተግባራዊ የማናደርግ ከሆነ የሳይበር ወንጀለኞች አውታረ-መረቡን /networks/ በመጠቀም ምስጥራዊ መረጃዎችን መመንተፍ እና ዋይፋዩን በሚገባው ፍጥነት እንዳንጠቀም ሊያስተጓጉሉብን ይችላሉ፡፡ 

በመሆኑም ከአገልግሎት መስተጓጎል እና ከጠላፊዎች ለመጠበቅ የሚከተሉትን አማራጮች መጠቀም ይመከራል፡፡
1. ጠንካራ የይለፍ ቃል /password/ ይጠቀሙ
የዋይፋይ ራውተሮች ሲመረቱ ነባሪ መጠቀሚያ ስም /default username/ እና ምስጥራዊ የይለፍ-ቃል ይኖራቸዋል። የራዉተሩ አምራች ከታወቀ እነዚህን የዲፎልት መጠቀሚያ ስሞችን እና ምስጥራዊ የይለፍ-ቃላትን ለመገመት በጣም ቀላል ነው፡፡ በመሆኑም ለግል ዋይፋዮቻችን ደህንነት ለማረጋገጥ/default username/  በመቀየር  ጠንካራ የይለፍ-ቃሎችን መጠቀም ይገባል፡፡

2. የበይነ-መረብ አገልግሎት መስጫ መለያ ይቀይሩ /SSID/
እያንዳንዱ ራውተር ከነባሪ መጠቀሚያ ስም ማለትም “ነባሪ” /default/ ጋር ስለሚመጣ የአውታረ መረባችንን አገልግሎት መስጫ መለያ ስም /SSID/ መለወጥ ያስፈልጋል። ይህንን በራውተራችን ገመድ አልባ መሰረታዊ ቅንብር ገጽ /wireless basic setting page/ በመሄድ መጠሪያውን በመለወጥ የዋይፋያችንን ተገማችነት በማስቀረት ለጥቃት እንዳንጋለጥ ማድረግ እንችላለን፡፡

3. አውታረ-መረባችንን መመስጠር
የዋይፋይ ራውተራችን ከመረጃ ጠለፋ እና የአገልግሎት መስተጓጎል ለመከላከል የአውታረ-መረብ ምስጠራን መተግበር አስፈላጊ ነዉ፡፡

4. ሎጊንግ መፍቀድ (Enable Logging)
ሎጊንግ አማራጭን ስንፈቅድ (Enable) የዋይፋይ ኔትዎርካችንን እንዳይጠለፍ ለማድረግ ከሚያግዙ መንገዶች አንዱ ነዉ፡፡ በዋይፋይ ራውተራችን ውስጥ ያለው የመለያ ባህሪ ሁሉንም የአይፒ አድራሻ ይመዘግባል፡፡ እንዲሁም ሁሉንም የግንኙነት ሙከራዎች ዝርዝር ይሰጣል። ምንም እንኳን ይህን ተግባራዊ ማድረግ ዋይፋያችንን ከጠላፊዎች የማይጠብቅ ቢሆንም ማንኛውንም አጠራጣሪ እንቅስቃሴ ለመከታተል ይረዳናል፡፡ ይህንን ስርዓት "Enable" ማድረግ ይገባናል፡፡

5. የዋይፋይ ሲግናል ማስተካከል
የዋይፋይ ሲግናላችን ጠንካራ እና በአጭር የቆዳ ስፋት ብቻ የምንጠቀም ከሆነ የዋይፋዩን ሲግናል አቅም መቀነስ ይኖርብናል፡፡ ይህን ለማድረግ የራውተራችንን ሞድ 802.11n ወይም 802.11b ምትክ 802.11g መጠቀም ይመከራል፡፡

6. የራውተራችንን ፈርምዌር ማዘመን
ራውተራችን ፈርምዌር /Firmware/ ጊዜው ያለፈበት እና በወቅቱ ያልዘመነ ከሆነ ለአንዳንድ የደህንነት ሰጋቶች የተጋለጠ መሆኑ አይቀርም፡፡ ምንም እንኳ የዘመናዊ ራውተሮች ፈርምዌር በራሳቸው የሚያዘምኑ ቢሆንም እርግጠኛ ለመሆን በየጊዜው መዘመናቸውን ልናረጋግጥ ይገባል፡፡

7. የራውተራችን ፋየርዎል ማንቃት መጠቀም
የራውተራችንን ፋየርዎል /firewall/ ተግባራዊ ማድረግ ወይም ማንቃት ይኖርብናል፡፡ ይህን በማድረጋችን ሊከሰት ከሚችል ተጨባጭ የሳይበር ጥቃቶች እራሳችንን መከላከል ያስችለናል፡

via ethio cyber

Best telegram bots part 4

@zoombot ከቴሌግራም ሳትወጡ zoom meeting ማድረግ የሚያስችላችሁ የtelegram bot ነው።

@LivegramBot በተለያዩ ምክንያቶች ሰዎች inbox እንዳያወሩን ከፈለግን የራሳችንን bot ከዚህ bot ጋር በማገናኘት ሰዎችን live በሰራነው bot ከኛ ጋር እንዲገናኙ ያስችላል።

@ONLYOFFICE_bot ያለምንም ተጨማሪ መተግበሪያ እዚሁ ቴሌግራም ላይ word document, spreadsheet, presentation ያሉ ቀላል ፋይሎችን የምትሰሩበት bot ነው።

@Mad_AI_bot ከchat gpt 4 ጋር የተቀራረበ ምላሽ የሚሰጥ telegram chat bot ነው።

@FunnyJinnBot ከጓደኞቻችሁ ጋር የምታወሩበት group ላይ Add ካደረጋችሁት በኋላ የደራ ጨዋታ ይፈጥርላችኋል።

@OpenHaaretzBot አንዳንዴ article ማንበብ ፈልጋችሁ ስከፍቱት ክፍያ እየጠየቃችሁ ከተቸገራችሁ ይህንን bot በመጠቀም በርካታ Articlesን unlock ማድረግ ትችላላችሁ።

©bighabesha_softwares

👌ለዩንቨርሲቲ ና  ለ ሃይስኩል  ተማሪዎች   ብቻ የተከፈተ በኢትዮጲያ የመጀመሪያው ቻናሎች ❤️❤️

Sex or Love❤️😋