ያሬዳዊ ግጥም) ያሬድ ከበደ

ያልተነገረለት

★★★
ባክሱም ራስ ጥበብ
እንደ ሮሃ አለት ቀርፆን በራሱ ልክ
★★★
ድምበር አሻጋሪው
ነፃ አውጪው ሙሴያችን እምዬ ምኒልክ
★★★
ለእናት ሀገር ፍቅር
ከላይ በተቸረው ብርቱ ጥንካሬ
★★★
ያንገቱን ማህተብ
ልቡ ላይ አትሞ የእምነት ቃል ፉካሬ
★★★
ጥንት አባቶቻችን
የከፈሉት ዋጋ የተቀዳጁት ድል
ወስዶኝ ወደ ትናንት
★★★
በድል የተፃፈ
ቱባ ታሪክ ነበር ያለፉት ዘመናት
★★★
ድል አድራጊው ጀግና
በደል እንዳይቆየን ብርቱ ፀፀት ተርፋን
★★★
ነጭ የበላይነት
ያልነገሰበትን አወረሰን ዙፋን
★★★
ከንግስናው በላይ
ከዙፋኑ ግርጌ አንድነት የዘራው
★★★
ኢትዮጵያ እንዳትፈርስ
ወገን እንዳይጠፋ ሞቶ ለባንዲራው
★★★
በደምና ባጥንት
መሰረት የጣለ የአፍሪካ ቀንዲል
★★★
ለጥቁር ህዝብ ታግሎ
ከባርነት ግዞት ካንገቱ ቀና እንዲል
★★★
ዛሬም ነገም አልፎ
ልክ እንደ ትላንቱ ታሪክ እንዲወሳ
★★★
ቅኔው ሲፈታለት
ብድር መላሽ አርጎት ዉለታ እንዳይረሳ
★★★
ህያው ፅኑ እምነትህ
ያላመነ ልቡን በፀሎት አግዛው
★★★
ማርያምን ነው ምልህ
የዛሬውን ትውልድ ዳግም አንተ ግዛው