📗ከመፅሐፍት.ዓለም📗

ጥሩ የሚባል ሬስቶራንት ነው በአንዱ ቀን ታድያ
አንድ ሃብታም ሰው ወደዚህ ሬስቶራንት መጣ። ደምበኞችን ጠብ እርግፍ እያለ ሚያስተናግደው ወጣት አስተናጋጅ ወደ ሃብታሙ ሰው ጠጋ ብሎ ምን ልታዘዝ በማለት በሬስቶራንቱ ውስጥ የሚገኙትን ምርጥ የምግብና የመጠጥ አይነቶች በዝርዝር ይነግረዋል።

ሆኖም ግን ባለጠጸጋው ሰው ከማስታወቂያ የፈጠነውን የአስተናጋጁን ሀተታ ከቁብም ሳይቆጠረው ሳንድውች እና ሻይ ብቻ አዘዘ።

አስተናጋጁ በተወሰነ መልኩ ቅር ቢሰኝም የታዘዘውን ወዲያው ያቀርብለታል።
ሰውየውም ከጨረሰ በኋላ ሒሳቡን ጠየቀ።
አስተናጋጁም አሰርቶ ሒሳቡን አሰርቶ ሲመጣ ሃብታሙ ሰው በዓይኑ ውስጥ ሀዘን እንዳለ አስተዋለ።
ጠየቀውም “ሁሉም ነገር ደህና ? ቢለው
"ከባድ ህይወት እያሳለፍኩ ነው" አገልጋዩ መለሰ።

ከዚያም ምንም ሳያስብ ሥራውን ቀጠለ። ወደ ሃብታሙ ሰው ጠረጴዛ ሲመለስ ግን 10,000 ዶላር ከስኒው መቀመጫ ስር አገኘ።
አስተናጋጁ ልጅ ባለጸጋውን ሊደርስበት ሮጠ። ወደ መኪናው እየገባ ነበር።
እሱም “ለምን ይህን አደረግክ ? ” ሲለው
ሰውየው እንዲህ ሲል መለሰ፡- እኔም በአንተ እድሜ ሆኜ “እንደዚህ ባሉ ሬስቶራንቶች ውስጥ እሰራ ነበር። ህይወትን ለማሸነፍ ከባድ ውጣ ውረዶችን አሳልፌአለሁ ሁሉ ነገር ይገባኛል አንድ ሰው በአንድ ወቅት የኮሌጅ ክፍያዬን ሲሸፍንልኝ ለሱ ምንም ማለት ባይሆንም ለእኔ ግን ያቺ ቅፅበት ህይወቴን ለውጠዋለች። ትንሽ ቢሆንም ገንዘቡ እንደሚረዳህ ተስፋ አደርጋለሁ” ከማለቱ
ወጣቱ አስተናጋጅ ሚለውን አጥቶ ፊቱ በእንባ ራሰ
።
በመጨረሻም “ጌታዬ ለበሽተኛዋ እናቴ አሁን ደረስክላት። ” ብሎት ተለየው።

በማግስቱም ይህ ምስኪን ልጅ ባገኘው ገንዘብ አሳክሞበት እናቱ ከበሽታዋ ተፈወሰችለት።

ለናንተ ትንሽ የሚመስላችሁ ማንኛውም ነገር የብዙሃንን መንገድ ታቃናለችና ከልባችሁ በመስጠት ብቻ ካላችሁ በላይ ፀጋ እና በረከቱን መቀበል ትችላላችሁ።

ቅን እንሁን

http://t.me/ewuketmad

በተጋቡ የመጀመሪያው ቀን ማንም እቤታቸው ቢመጣ በራቸውን ላለመክፈት ይስማማሉ ። ከዛ በቀጣዩ ቀን ፣ የባል ወላጆች እነሱን ለማየት መጡ ። ባልና ሚስት ተያዩ ባል ፣ በሩን መክፈት ፈለገ ፣ ግን በስምምነታቸው መሰረት በሩን ሳይከፍት ቀረ ፣ ወላጆቹም ተመልሰው ሄዱ ። ከተወሰነ ቀን በኋላ የሚስት ወላጆች እዛው ቤት ተከሰቱ ።

ሚስትና ባል ተያዩ ፣ ምንም እንኳ ስምምነት ቢኖራቸውም ፣ ሚስት ስምምነቱን ጥሳ እያለቀሰች ፣ ለባል ቀስ ብላ በጆሮው ፣ እንዲህ አለች "ወላጆቼ ላይ ይሄን ማድረግ አልቻልኩም" ፣ ብላ በሩን ከፈተች ፤ ባል ምንም አልተገረመም ከብዙ አመታት በኋላ ባልና ሚስት- 4 - ወንድ ልጆችን ወልደው አምስተኛዋ ሴት ልጅ ተወለደች ።

አባት ፦ አምስተኛዋ ሴት ልጅ ስትወለድ ፣ ትልቅ ድግስ አዘጋጅቶ ፣ ሰው ጠርቶ ጋበዘ ። ሚስትም በድግሱ ተገርማ ፣ ባልን እስከ ዛሬ አራት ወንዶችን ሥናፈራ ምንም ያልተናገረ ምንም ያልደገሰ ሰው አዲሷ ህፃን ስለተወለደች ለምን እንደዚህ እንደደገሰ ጠየቀችው ?

ባልም እንዲህ ሲል መለሰላት ። ውድ ባለቤቴ ያኔ ትዝ ይልሻል ? የሠርጋችን የመጀመሪያ ሰሞን ለወላጆቻችን በር አንከፍትም ብለን የተነጋገርን ዕለት ፣ አላስችል ብሎሽ ለቤተሰቦችሽ ስትከፍችላቸው ? ለእኔም ''በር የምትከፍትልኝ : ሴት ልጅ እሷ ነች አላት'' ይባላል!

ሴት ልጅ ክቡር ናት!!

http://t.me/ewuketmad

አንተ ያስተኛህውን...

፨፨፨

ፍልስፍና እንግዲህ የኛ የሁላችንም ተግባር ነው..እስካሰብን ድረስ መጠየቃችን እስከጠየቅን ድረስ መልስን መሻታችን...መልሱንም መልሰን መጠየቃችን የሕይወት አዙሪት ነው ።

ሶርያ ውስጥ...

" መምህሩ ክላስ ገብቶ እያስተማረ ነው..ድንገት ጥግ ላይ አንድ ተማሪ ቁጭ ብሎ አንቀላፍቶ ይመለከታል...ከዛም ይህንን ይናገራል..

" ጥግ ላይ ያለህው አጠገብህ የተኛውን አስነሳው "
ይለዋል...

ልጁም ይሄንን መለሰለት...

" አንተ ያስተኛህውን ሥለምን እኔ አስነሳው ዘንድ ትጠይቀኛለህ? "

፧

ብዙ ግዜ እኛ አገር ላይ የምንስተው አስተሳሰብ አለ ። ለተማሪ ማንቀላፋት ተማሪውን ብቻ ተጠያቂ ማድረግ...!! ተማሪን እሚያነቃቃ እና እየገባው እንዲማር እሚያደርግ መምህር ከሌለ ተማሪ ቢያንቀላፋ ምን ይገርማል ። ተማሪ ያልገባውን እንዲጠይቅ የሚያደርግ መምህር በሌለበት ተማሪ ልክ እንደገባው ሆኖ ዝም ማለቱ ምን ያስደንቃል?

፧

ተማሪ አይጠይቅም ማለት ገብቶታል ማለት ብቻ ላይሆን ይችላል ። ወይ እየተማረ ያለው እየገባው አይደለም ወይም መማር አልፈለገም ማለትም ሊሆን ይችላል ። ምህንያቱም ለመጠየቅም በራሱ የተወሰነ መረጃ ወይም መረዳት ያስፈልጋልና ። ትክክለኛ መምህር ማለት ደግሞ የራሱን አስተሳሰብ እኛ ላይ እየጫነ የአስተሳሰቡ ወዛደር የሚያደርገን ሳይሆን እኛም ማሰብ እንደምንችል የሚያሳየን ነው ። ለዛም ነው ሶቅራጥስ...

" ማንንም ስለምንም አስተምሬ አላውቅም የኔ አላማ ማሰብ እንደሚችሉ ማሳየት ብቻ ነው "

ይል የነበረው ።

፧

የኛ የትምህርት አቀራረብ እና አሰጣጥ ላይ ችግር ካለ ተማሪ ለምን አያንቀላፋም...? አንዳንዴኮ የደከመን ሰውነት እንኳን አነቃቅቶ ለትምህርት ዝግጁ እሚያደርግ መምህር አለ...አንዳንዱ ደግሞ የነቃውንም እንዲያንቀላፋ ያደርጋል ። መምህር ራሱን ከመጠየቅ ነው መጀመር ያለበት...የትምህርት አይነት አይደለም የአስተማሪ ልዩነት ነው ተማሪን ለንቃትም ሆነ ለእንቅልፍ የሚዳርገው ።

ራስን መጠየቅ ይቅደም...!!

ምንጭ ፦
📰 philosophical world
ግኝት :- ከፍልስፍና ዓለም

ይቀላቀሉን
👇👇👇👇👇👇👇👇👇👇👇
http://t.me/ewuketmad

ያወቅነው ግን ያላወቅነው!
===============



- አንድ ሰው ከብዙ ዓመታት በኋላ ከቀድሞ የትምህርት ቤት ጓደኛው ጋር በመንገድ ይገጣጠማል፣ ለማመን እስኪያዳግተው ድረስ ጓደኛው አዲስና የቅርብ ሞዴል የሆነች መኪና እንደያዘ ይመለከታል። ታዲያ ወደቤት ሲመለስ ፊቱ በሃዘን ተሞልቶ ይተክዝና ያዝን ጀመር። እርሱ ወደ ኋላ እንደቀረ/እንደከሰረ አስቧልና። ይሁንና ያላወቀው ነገር ቢኖር፥ ጓደኛው የመኪና ሾፌር ሲሆን፣ ለመስክ ሥራ በአለቃው መኪና መላኩን ነው።
*
- ሮዛ ሁልጊዜም ፍቅር አትሰጠኝም/አታቀማጥለኝም/ በሚል ሰበብ ከባለቤቷ ጋር ትጋጫለች። ይኸውም፤ በመኪና ካደረሳት በኋላ እንደጓደኛዋ ሄለን ባል ከመኪና ወርዶ፡ ዞሮ፡ በር ከፍቶ እርሷን አለማውረዱን እንደምክንያት ታነሳለች። ሮዝ ያላወቀችው ነገር፡ የነሄለን መኪና፡ የፊት በሩ ላይ ብልሽት ስላለው ከውጪ ካልሆነ በስተቀር ከውስጥ መከፈት አለመቻሉን ነው።
*
- አንዲት ሴት ከረጅም ጊዜ ቆይታ በኋላ፣ የብዙ አመት ጓደኛዋን ልትጎበኝ በሄደችበት፡ ሶስት የሚያማምሩና ለዓይን የሚያሳሱ ልጆች ሲቦርቁ ዐይታ ስሜቷ ይረበሻል። የመጀመሪያ ልጇን ከወለደች በኋላ ለረጅም አመታት ሌላ ልጅ ለማርገዝ ብትጥርም ሳይሳካ /እየጨነገፈ/ ቀርቷልና። ይሁን እንጂ ያላወቀችው ነገር፡ የጓደኛዋ ልጅ በካንሰር በመያዙ መኖር የሚችለው ለአንድ አመት ብቻ ሲሆን ቀሪዎቹ ሁለቱ ልጆች ደግሞ የማደጎ ልጆች ናቸው።
* * *

ህይወት ሁሉንም አንድ ዓይነት በሆነ መንገድ የምታስተናግድ መድረክ አይደለችም። ካወቅነው ይልቅ የማናውቀው ብዙ ነው። ዐይነቱና መጠኑ ይለያይ እንጂ ሁሉም ሰው የራሱ ጉድለት አለው። ይሁንና ደስታ የምርጫ ጉዳይ በመሆኑ ሁሉም ሰው ግን በህይወቱ ደስተኛ አይደለም።

ይኸውልህ፤ ኤሊ ምን ዓይነት ሸክም እንደተሸከመች ካወቅክ ለምን በጥንቃቄ እንደምትራመድ አትጠይቅም። ከሚታየው ምቾት ባሻገር የማይታዩ ብዙ ሸክሞች፣ ከሚማርኩ ፈገግታዎች ጀርባ ብዙ የልብ ቁስልና ህመሞች እንዳሉ እወቅ። ከሩቅ ያማረ ኑሮ ሁሉ የስኬት ምልክት፣ ከውጭ የሚታይ አንጸባራቂ ነገር ሁሉ ወርቅ አይደለምና። ስለዚህ ያወቅነው 'ደስታውን' ሲሆን ያላወቅነው ደግሞ 'ጉድለቱን/ችግሩንና ድካሙን/' ነው።

"ለምን እኔ ብቻ?" እያልክ ትጠይቅ ይሆን?

እኩዮቼ አግብተዋል።
እኩዮቼ ልጆች አፍርተዋል።
እኩዮቼ ጥሩ ሥራ ይዘዋል።
እኩዮቼ ስኬት ተጎናጽፈዋል።
እኩዮቼ ውድ ቤትና መኪና አሏቸው።
እኩዮቼ በማኅበረሰቡ የተከበሩ ናቸው።
እኩዮቼ እንዲህ ናቸው፤ እንዲያ ናቸው...!!!

ትክክል ብለሃል። ይሁንና ይህንን ጨርሰህ መርሳትህ ያሳፍራል...

እኩዮችህ ሆነው በህይወት የሌሉትን።
እኩዮችህ ሆነው በህመም የሚሰቃዩትን።
እኩዮችህ ሆነው በአእምሮ መታወክ በማህበረሰቡ እንደ እብድ የተቆጠሩትን።
እኩዮችህ ሆነው መንገድ ዳር የሚያድሩትን።
እኩዮችህ ሆነው ወላጅ አልባ የሆኑትን።
እኩዮችህ ሆነው የለት ጉርስ ያጡትን።
እኩዮችህ ሆነው አንተ የምትኖረውን ኑሮ የሚናፍቁና ባንተ ህይወት የሚቀኑ መሰል የሰው ዘርን...ረስተሃል።

ምናልባት የምትፈልገው ስፍራ ላይ አልተቀመጥክ ወይንም የምትመኘውን ነገር አላገኘህ ይሆናል፡ ይሁን እንጂ ከብዙዎች በላይ ደስተኛ ነህ። ስለዚህም ፈጣሪህን ባለህ ነገር አመስግን።

አንተ ለብቻህ የሆነብህ ነገር የለም። አንተ ጋር የጎደለህን ሌላው ጋር ስታይ 'ሁሉ የሞላለት' መስሎህ ነው። ባወቅኸው ልክ የሰውን ህይወት አትመዝን፣ የራስህንም አታቃል። ያወቅክ የመሰለህ ያላወቅኸው ብዙ አለና። ስለዚህ በምንም አይነት የህይወት ትግል ውስጥ ብትሆን ደስታን ምርጫህ አድርግ። ሰላምንም ውደዳት። ሁልጊዜም በፈጣሪህ ደስ ይበልህ!

Credit Samuel geda

http://t.me/ewuketmad

ፀሃይ vs አምፖል
ፀሃይ እሷ ወደ ፈለገችበት የሰውን ጥላ ታንቀሳቅሳለች ሰውየው ቆመም ሄደም። አምፖል ግን ሰውየው የራሱን ጥላ እንደፈለገው ተንቀሳቅሶ መቀየር ይችላል። አንተም እንደ ፀሃይ ሁን በዙሪያህ ያሉትን ሰዎች አንተ በምትፈልገው አይነት ባህሪ ቅረፃቸው።


rel='nofollow'>Http://t.me/ewuketmad

✔️ ሞቶ ማሸነፍ ✔️

ፈሪ ሸሽቶ ሲድን ባፉ ሊሾምበት፣
ሺ ገዳይ ነኝ ይላል ሺ ሟች በሌለበት፣
በየጦሩ ሜዳ በየትግሉ አቀበት፣
ጀግናው ሞቶ አልቆ ማን ይመስክርበት...?
የኋሊት ተሂዶም ፋኖ በዋለበት ሬሳ ቢቆጠር፣
የሞተ ካለ እንጅ በቃላቱ ጠጠር፣
አንድም ሰው ላይገኝ የሱ ጦር የወጋው፣
አላዩም ብሎ ነው ለቀሪ ሚያወጋው።
እኛም ሁልጊዜ…
የተረፈ አግንነን የሞተ እየረሳን፣
ፈሪ በምላሱ ሠላም ከሚነሳን፤
ገዳይ ብቻ ማድነቅ እንዳይሆንብን ሱስ፣
ሞቶ ማሸነፍን እንማር ከእየሱስ!!

ተፃፈ በክቡር ዶ/ር ቴዎድሮስ ካሳሁን (ቴዲ አፍሮ)

ፍቅር ያሸንፋል!!


rel='nofollow'>Http://t.me/ewuketmad