#እሱ እና #እሷ

#እሱ .   .   .
ብትበዪ ፍርፍር
ሥጋሽ ቢወፍር
ብታደርጊ ወርቅ
አየሽኝ እንደ ጨርቅ

#እሷ .   .   .
ታድያ ምን ችግር?
አትበልብኝ ግርግር
ፍርፍር ብበላ  . . .
ሥጋዬ ወፍሮ ቢተላ
ቢኖረኝ ወርቅ
ባደርግህም ጨርቅ
አታስወራኝ ክፉ ክፉ
ትዝብት ነው ደግሞ ትርፉ

#እሱ .   .   .
"ምን ችግር" አትበዪኝ
በግራ ዓይን ተይ አትዪኝ
የኖርናቸው ጊዜያቶች
ያ'ረግናቸው ውብ ክስተቶች
አስቢያቸው ቆም ብለሽ
ከ'ኔ'ጋ' እኮ ትዝታ አለሽ

#እሷ .   .   .
አታስታውሰኝ ያንን ጊዜ
ያየሁበት ጠፍቶ ወዜ
መልኬ ጠፍቶ አንተን መሰልኩ
ከእሳት ከሰል እኔ ከሰልኩ
ያንን ጊዜ ተው አታንሣው
እባክህን ይሄን እርሳው

#እሱ .   .   .
በጊዜ ላይ ሰበብ - ለምን ታደርጊያለሽ?
ያንን ጊዜ ባይኖር መቼ ትኖሪያለሽ?
ይልቅስ ችግሩ ጊዜን አታድርጊ
ባይሆን ይኸው እንደዚህ አድርጊ
ዓይንሽን ልየው - ነይ ከቦታችን
እንግደለው ትዝታችን
ገጥመን አፍ ካ'ፋችን

#እሷ .   .   .
እባክህን ተወኝ ልቤ ልብ ገዝቷል
ያለፈውን ታሪክ በሙሉ ረስቷል
በጻፍክልኝ ቁጥር ድንግጥ ይላል ልቤ
በፈጠረህ ተወኝ ልኑረው ሐሳቤ

#እሱ .   .   . (ለራሱ)
ብትሄድ እኔን ጥላ
ብታለቅስ እሱን ብላ
ለምን ጨርቅ ልሁን - ለምንስ ልጠላ?
ብታንቋሽሸኝም ቅስሜን ብትሰብረው
ክፉ አይወጣኝም-እኔም ዝም ልበል ሐሳቤን ልኑረው!!


@Yoppoem