😭😭ያስለቅሳል😭😭


ተነሽ እናቴ መንጋለልሽ ምነው
በያ መልሽልኝ ዝምታሽ ለምነው
ለማን አቤት ልበል ደራሼስ ማን ነው
ያለ እናት መቅረቴ ጥፋቴስ ምንድን ነው
ገና ልጅ ነኝ ህፃን ብላቴና
አየሁ እናቴ ተገጭታ መኪና
ህይወቴን ነጠከኝ ቀኔን አጨልመህ
ደስታዬን ነሳኸኝ እናቴን ገለህ
አላስቆምህም ካሳ አልጠይቅህም
የእናቴን ደም ዋጋ ክፈል አልልህም
ብቻ አዝኛለሁ ሃዘን ተሰምቶኛል
የሰው ልጅ ጭካኔ ክፋቱ ገርሞኛል
አልተጠነቀቅክም ዋጋ አልሰጠሃትም
እንስሳ በመሆኗ እንደ ሰው አላየሃትም
ምንም እንኳን ብናንስ ባስተሳሰባችን
የምንወደውን ስናጣ አይቀር ማዘናችን
እባካችሁ ሰዎች ሃዘኔ ይግባችሁ
ጥንቃቄ አድርጉ በየመንገዳችሁ
እንግዲህ ምን ልበል ከማዘን በስተቀር
ሰው ፈረደብኝ ለብቻዬ እንድኖር
በይ እንግዲህ እናቴ አፈሩ ይቅለልሽ
መቼም አረሳሽም # ባይተዋሯ__ልጅሽ
@yefikir_menorya