ይችላል ሚካኤል

የቀደመው እባብ ከላይ የተጣለው
በዚህ በምድር ላይ ኃይል ስልጣን ካለው
የእግዚአብሔር መላእክማ
ቅዱስ ሚካኤልማ
አለልን በፊቱ አለልን በግርማ

አዝ_
ዓለምን ከያዛት ከላይ የወደቀው
ወጥመድ እየሰራ ምድሩን ካስጨነቀው
ድል ያደረጉትማ ሰፍረዋል ፊታችን
የማይደፈር ነው የእሳት ነው ቅጥራችን
     የእግዚአብሔር መላእክማ
     ቅዱስ ሚካኤልማ
      አለልን በክብር አለልን በግርማ

አዝ_
ሊውጥን ከዞረን  የወደቀው ዘንዶ
ሊያድነን ይሰፍራል ሚካኤልም ወርዶ
ወጥመድ ሊያደርግብን ዳቢሎስ ከቻለ
የሚሰብረው መልዕክ በዙሪያችን አለ
      የእግዚአብሔር መልዕክማ
      ቅዱስ ሚካኤልማ
      አለልን በክብር በግርማ

አዝ_
በሰማይ ተዋግቶ ድል የተደረገ
ሰይፍና መከራን ችሎ ካደረገ
ይችላል ሚካኤል ከእሳቱ ሊነጥቀን
የሚነካን የለም የንጉስ ልጆች ነን
     የእግዚአብሔር መልዕክማ
     ቅዱስ ሚካኤልማ
     አለልን በክብር አለልን በግርማ 

አዝ_
ከእግዚአብሔር ሊለየን ሰይጣን ከደከመ
በሀሰት ሊከሰን በፊቱ ከቆመ
ብርሃናዊ መልዕክ ሚካኤል ይደርሳል
በምልጃ በኃይሉ ክሱን ይሰርዛል
     የእግዚአብሔር መልዕክማ
     ቅዱስ ሚካኤልማ
     አለልን በክብር አለልን በግርማ


ሊቀ መዘምራን ቴዎድሮስ ዮሴፍ