Telegram-канал "Daily Info" — @Daily_Info24

Daily Info

4 Oct, 17:39

Komishiniin Gamtaa Afrikaa Itoophiyaa, Ertiraa fi Masrii gidduu muddamni hammaachuun akka isa yaaddessuu fi dubbicha hordofaa akka jiru hime.

Biyyooti miseensa gamtichaa tahan sadeen ''gochaaleefi ibsoota muddama hammeessanii nagaa fi tasgabbii naannichaa jeeqanirraa akka of qusatan'' yaadachiiseera.

Biyyooti sadeen kunneen garaagarummaa isaanii qajeelfama Gamtaa Afrikaan ''karaa dippiloomaasii fi mariidhaan akka furan,'' koomishinichi himeera.

Koomishiniin Gamtaa Afrikaa Fulbaana Kamisa kaleessaa 21/2019 A.L.I gara galgalaa ibsa baaseen biyyoota gidduutti karaa marii ''banaa gochuun'' barbaachisummaa qabu jala mureera.

Kaaba Itoophiyaatti waraanni akka haaraa erga jalqabee torbee lamatti siqaa kan jiru yoo tahu naannolee Tigraay, Amaaraafi Affaar fa'itti lolli akka itti fufetti jira.

Koomishiniin Gamtaan Afrikaa ibsa kaleessa baaseen Itoophiyaa, Ertiraa fi Masriin mariidhaan ''muddama jiru qabbaneessuufi mariifi furmaata nagaa buusuuf,'' deeggarsa akka godhu himeera.

Itoophiyaan embaasiishee Asmaraa jiru akka cuftu kan beeksiste yoo tahu dippiloomaatonni 10 sa'atii 48 keessatti Itoophiyaa gadhiisanii akka bahanis ajaja kenniteetti.

Itoophiyaan hariiroo dippiloomaasii Ertiraa waliin qabdu hunda addaan kuttus beeksiisteetti.

Kana malees Itoophiyaan dippiloomaatii Masrii Ahimad Mohiraan Ahimad Soolimaan sa'atii 48 keessatti biyyaa akka bahan yeroo hubachiistu, Masriinis gamasheen deebii kennuun dippiloomaatiin Itoophiyaa Masrii jiran sa'atii 48 keessatti biyyaa akka bahan murteessiteetti.

Qondaaloti Itoophiyaa gareelee hidhattootaa mootummaa federaalaa lolan Ertiraafi Masriin akka deeggaran himuun koomataa turan.

Mootummaan Ertiraas haala kanaan dura hin baratamneen deebii BBCf kenneen walooma gareeleen hidhattoota torba hundeessan deeggaruun himannaa irratti dhiyaate akka hin fudhanne ibseera.

Miidiyaaleen Masrii Itoophiyaan ''kufaatii keessoofi rakkoo yeroo dheeraa biyya keessaaf,'' humnoota alaa gaafatamoo taasisti,'' jechuun himatu.

Waraanni Kaaba Itoophiyaa torbee lama dura yeroo ka'etti durataa'aan Koomishinii Gamtaa Afrikaa Mahaammad Alii Yuusuuf lolli ''hatattamaan akka dhaabbatu,'' ibsanii ture.

Durataa'aan kuni waloomni humnoota hidhataniin uumame ''tasgabbii dhabuu kana hammeessa,'' jechuun ibsaniiru.

Jaarsummaa Gamtaa Afrikaan kan mallattaa'e Waliigalteen Piriitooriyaa mootummaa federaalaa fi TPLF gidduu ''lola dhaabuun nagaa waarawaa fiduuf'' shoora qabu Mahaammad Alii Yuusuf eeraniiru.

Waraanni Tigraayi waggaa shan dura dhiiga dhangalaase Waliigaltee Piriitooriyaan erga goolabamaeen as hojiirra oolmaa waliigaltichaa irratti qondaaloti Tigraayi gaaffii kaasaa turaniiru. Qaawwa uumameef tokko isa kaaniin komata.

Durataa'aan gamtichaa gamasaaniin waliigaltichi ''nagaa waarawaafi tasgabbii Itoophiyaaf dhakaa bu'uuraati,'' jedhan.

44 0 0 1

Daily Info

4 Oct, 17:39

Gamtaan Afrikaa Itoophiyaa, Masriifi Ertiraa gidduu muddamni hammaachuun isa yaaddessuu hime

42 0 0 2

Daily Info

4 Oct, 10:08

Irreecha Hora Harsadee Bara 2019 Baga Geessan .

41 0 0 4

Daily Info

2 Oct, 20:50

Aanga'oonniifi namoonni bebbeekamoo ergaa Irreechaa Baga Geessaniin waan jedhaa jiran

Irreecha malkaa bara 2026 Hora Finfinnee fi Hora Arsadeetti Sambataa fi Dilbata kabajamuuf Ministira Muummee Itoophiyaa Abiy Ahmad dabalatee aanga'oonni olaanoofi namoonni bebbeekamoo ergaa baga geessanii dabarsaa jiru.

69 0 0 4

Daily Info

2 Oct, 19:12

Biyyooti sadeen kunneen garaagarummaa isaanii qajeelfama Gamtaa Afrikaan ''karaa dippiloomaasii fi mariidhaan akka furan,'' koomishinichi himeera.

Waraanni Kaaba Itoophiyaa torbee lama dura yeroo ka'etti durataa'aan Koomishinii Gamtaa Afrikaa Mahaammad Alii Yuusuuf lolli ''hatattamaan akka dhaabbatu,'' ibsanii ture.

Durataa'aan kuni waloomni humnoota hidhataniin uumame ''tasgabbii dhabuu kana hammeessa,'' jechuun ibsaniiru.

Jaarsummaa Gamtaa Afrikaan kan mallattaa'e Waliigalteen Piriitooriyaa mootummaa federaalaa fi TPLF gidduu ''lola dhaabuun nagaa waarawaa fiduuf'' shoora qabu Mahaammad Alii Yuusuf eeraniiru.

Waraanni Tigraayi waggaa shan dura dhiiga dhangalaase Waliigaltee Piriitooriyaan erga goolabamaeen as hojiirra oolmaa waliigaltichaa irratti qondaaloti Tigraayi gaaffii kaasaa turaniiru. Qaawwa uumameef tokko isa kaaniin komata.

Durataa'aan gamtichaa gamasaaniin waliigaltichi ''nagaa waarawaafi tasgabbii Itoophiyaaf dhakaa bu'uuraati,'' jedhan.

72 0 0 3

Daily Info

2 Oct, 19:12

Itaamaajor Shuumiin Ittisa Biyyaa Fiild Maarshaal Birhaanuu Juulaa torban darbe gara dhumaa gaaffiifi deebii sabaa-himaalee raayyaa ittisa biyyaa Itoophiyaa waliin taasiseen, "kan lolaa lolaa jirru humnoota humnoota fedhii humnoota alaa raawwachiisuuf walitti qabamanii fi gurmaa'an waliinidha," jedhee ture.

"Shaabiyaa [Ertiraa] fi TPLF Sudaan malee, Masirii malee, akkasumas humnoonni isaanirrayyu darbee jiru isaan hin tumsan taanaan qofaa isaanii gurmaa'aniis ta'u gatii hin qaban. Adda bahanii jennaan ammoo hiikayyu hin qaban," jechuun dubbateera.

Mootummaan Ertiraa gamsaatiin haala kanaan dura hin baratamiiniin deebii BBCf kenneen tumsi garee hidhattootaa torba of keessaa qabu ijaarame deeggaruun himannaa irratti dhiyaate kufaa taasiseera.

Biyyi biraa Itoophiyaan himatte Masiriin ammoo, Itoophiyaan "humnoota alaa kufaatii keessoo isheetiifi gaaga'amashee bubbuleef itti gaafatamoo taasifti" jechuun qeeqxeetti.

Itoophiyaan dippilomaatii Masirii Ahmad Mohaaraan Ahmad Soliimaan sa'aatii 48 keessatti biyyaa akka bahu murteessuu hordofee Masiriinis tarkaanfii deebii kennuu fudhachuu beeksifteetti.

Ministirri Dhimma Alaa Itoophiya aibsa kaleessa baaseen, dippilomaatiin kun biyyaa akka bahuuf kan murtaa'eef "seera dippilomaasii cabsuun" ta'uu eereera.

Masiriin dippilomaatii Itoophiyaa Kaayiroo jiru sa'aatii 48 keessaa akka bahu hubachiifteetti.

Gama kaaniin Ministeerri Dhimma Alaa Itoophiyaa deebii gocha diinummaa fi tuttuqqaa Ertiraan kallattii fi al-kallattiin Itoophiyaa irratti raawwachaa jirti jedheef embaasii biyyattii Asmaraatii qabdu cufuuf murteessuu beeksiseera.

Kana malees, dippilomaatonni Ertiraa 10 Finfinnee keessa jiran gochawwan nageenya biyyattii kallattiin balaarra geessisan keessatti waan hirmaataniif sa'aatii 48 keessatti Itoophiyaa gadhiisanii akka bahan ajajuu Ministeerri Dhimma Alaa Itoophiyaa ibsa fuula miidiyaa hawaasaa isaarratti baaseen ifa godheera.

Ertiraan gamasheetiin 'gocha diinummaa gaddisiisaa ta'edha' jechuun tarkaanfii Itoophiyaa fudhatteef deebii kenniteetti.

Ministirri Odeeffannoo Ertiraa Yamaanee G/Masqal ibsa fuula X isaarratti baaseen, "'Ulaa galaanaa argachuun dirqama' jechuun ulaawwaniifi qarqara galaanaa Ertiraa walabaa weeraruu fedhuun qabatamatti kan waggoota sadan darban Ertiraa irratti jibbinsa walirraa hin cinne labsaafi ifatti waraana labsaa turte," jechuun himateera.

Haala amma jiru kanaanis Ertiraan hariiroo Itoophiyaa waliin qabdu guutummaatti addaan kutuu malee filannoo hin qabdu jedhe Yamaanee G/Masqal.

Ministeerrri Dhimma Alaa Itoophiyaa hariiroo dippilomaasii ilaalchisee seera idil-addunyaa [Vienna Convention] cabsuun dippilomaatonni Ertiraa Finfinnee keessa jiran gochawwan nageenya biyyaalessaa Itoophiyaa yaaddessu keessatti waan hirmaataniif bu'uura Vienna Convention on Diplomatic Relations irratti hundaa'uun Itoophiyaa keessatti hin barbaadaman jedheera.

Itoophiyaan mootummaan Ertiraa gochawwan faallaa sirnaafi naamuusa ittiin bulmaata hariiroo biyyootaa walabaa gidduu ta'e akka dhaabduufis cimsee gaafachuu Ministeerri Dhimma Alaa Itoophiyaa kun cimsee gaafateera.

Itoophiyaan walitti dhufeenya seenaa, aadaa, akkasumas ummataa cimaa Ertiraa waliin qabduuf bakka guddaa qabdi kan jedhe ibsi kun, nagaan waliin jiraachuu, tasgabbii naannichaa, akkasumas walitti dhufeenya gaariin akka jiraatuuf dursa kennitee ejjennoo dhaabbataan hojjetaa turtuu ibseera.

Komishiniin Gamtaa Afrikaa Itoophiyaa, Ertiraa fi Masrii gidduu muddamni hammaachuun akka isa yaaddessuu fi dubbicha hordofaa akka jiru hime.

Biyyooti miseensa gamtichaa tahan sadeen ''gochaaleefi ibsoota muddama hammeessanii nagaa fi tasgabbii naannichaa jeeqanirraa akka of qusatan'' yaadachiiseera.

52 0 0 3

Daily Info

2 Oct, 19:12

Dursaan TPLF Dabretsiyon waa'ee waraana deemaa jiruu maal jedhe?

Dura ta'aan Dhaabbata Bilisa Baasaa Ummata Tigraay (TPLF) Dabretsiyon Gabremikaa'el torban darberraa kaasee bakkeewwan gara garaatti waraanni haaraan jalqabamuu dubbateera.

Dabretsiyon (PhD) ibsa kenne kanaan ummanni Tgraay haala loltootaa waraana kanaa yoo ibsu humni Tigraay "bakkeewwan gara garaatti lolaa jiraachuu" dubbate.

Dursaan TPLF kun lolichi "bakkaa bakkatti sosocho'uun" akka ta'e eeruun, humnoonni federaalaa "kutaalee Tigraay bakka tokko tokko qabachuu akka danda'an" dubbateera.

Haata'u malee, kun "ta'e jedhamee tarkaanfii istiraateejii" ta'uu isaa ibseera.

Yeroo waraanni kaaba Itoophiyaa cimee itti fufee fi humnoonni federaalaa michoonni isaa bakka hidhattoonni TPLF qabatanii turan gadhiisisanii to'achuu ibsaa jiranitti ibsa kan kenne, Dabretsiyon, "diina kan lollu bakka inni nuuf filatetti osoo hin taane bakka nuti ofiif filannettidha," jedhe.

Dabretshiyon lola kana yeroo waraanni waggaa ja'a dura gaggeeffametti kan ture 'oppresshinii Alulaa', akkasumas muuxannoo qabsoo hidhannoo waggaa 17 dura tureen wal qabsiisuun ibseera.

"Imalichi dheeraa fi aarsaa kan gaafatu ta'ullee, humnoonni Tigraay baayyina loltootaatiin ykn meeshaa waraanaan hin mo'atamne."

Gama kaaniin ajajaan garee TPLF irraa adda bahee gurmaa'e 'Humna Nagaa Tigraay' Birgaader Jeneraal Gabrehigzihaabiheer Bayyanaa ibsa kenneen, "waraanni isaanii fi raayyaan ittisaa Itoophiyaa Tigraay keessatti bakkeewwan hedduu to'ateera," jechuun dubbate.

Itti dabaluun, "yeroo dhiyoo keessatti gara giddu-galeessa Tigraay ni seenna" jechuun milishoonnii fi poolisoonni nagaa mirkaneessuu fi qabeenya namootaa eeguu irratti akka hirmaataniif waamicha dhiyeesseera.

BBCn waan qaamoleen lamaan dubbatan qaama walaba ta'erraa mirkaneessuu hin dandeenye.

Dursaan TPLF Dabretsiyon, yeroo dhiyoo TPLF dabalatee gareen hidhattootaa torba mootummaa federaalaa kuffiisuuf tumsa uummatan ilaalchisee "michoota waliin kan taasifamedha" jechuun ibseera.

Dabretsiyon walitti bu'iinsa kana Galaana Diimaa "to'achuuf" yaalii taasifamuu fi "giddu-seentummaa" Sudaan waliin kan wal qabate ta'uu dabaluun himeera.

"Waraanni kun kan Abiy Ahmad qofaa miti" kan jedhe Dabresiyon Yunaayitid Arab Emireetis (UAE) dabalatee biyyoonni biroon waraana kana keessatti hirmaataniiru jechuun himateera.

Haata'u malee, BBCn himannaa giddu-seentummaa UAE fi qaamolee biroo jedhame kana mirkanneeffachuu hin dandeenye.

Mootummaa Itoophiyaa irraas deebiin ifatti kenname hin jiru.

41 0 0 4

Daily Info

2 Oct, 18:55

Ayyaana Irreechaa Sababeeffachuun Daandiiwwan Cufaman fi Daangaa Sochii Konkolaattotaa

Poolisiin Oromiyaa ayyaana Irreechaa Hora Harsadee Fulbaana 24, bara 2019 magaalaa Bishooftuutti kabajamu sababeeffachuun, daandiiwwan cufamanii fi konkolaattota sochii irraa dhorkaman ifoomseera.

Haaluma kanaan, konkolaattonni fe'umsaa ulfaataa kamiyyuu Fulbaana 22 guyyaa sa'aatii 10:00 irraa eegalee hanga Fulbaana 24, 2019 guyyaa sa'aatii 6:30tti:
Karaa Sulultaatiin gara Finfinnee kan seenan magaalaa Caancoo fi Ficheetti akka dhaabatan,
Karaa Laga Xaafoo Laga Daadhiitiin gara Finfinnee kan seenan magaalaa Shanoo fi Sandafaatti akka dhaabatan,
Karaa Buraayyuutiin gara Finfinnee kan seenan magaalaa Holotaatti akka dhaabatan,
Karaa Sabbataatii gara Finfinnee kan seenan magaalaa Walisootti akka dhaabatan, fi
Karaa Adaamaatiin gara Finfinnee kan seenanii fi Finfinnee irraa bahan daandii saffisaa (qofa akka fayyadaman Poolisiin dhaamsa dabarseera.
Gama biraatiin, taaksiiwwanii fi baajaajonni magaalaa Bishooftuu keessatti argaman Fulbaana 23, 2019 ganama sa'aatii 12:00 irraa eegalee manneen ofiitti akka dhaabbatan (sochii irraa akka of qusatan) ajajameera.

Konkolaattota geejjiba uummataa fi manaa ayyaanichaaf dhufaniif, kallattii ittiin dhufanitti iddoon dhaabbannaa gahaan waan qophaa'eef, iddoowwan kanneeniin alatti daandii irraa fi hoteelota cinaatti dhaabuun guutummaatti dhorkaa ta'uu Poolisiin Oromiyaa akeekkachiiseera.

31 0 0 5

Daily Info

2 Oct, 18:52

Ayyaana Irreechaa ilaalchisee, uummanni garaagarummaa isaa dhiisee araaraa fi tokkummaa cimsatee, beekumsa, humna fi qabeenya qabuun Itoophiyaa ijaaruuf akka tumsuufis waamicha dhiyeesse.

Irreecha bara 2026 waliin walqabatee taateewwan adda addaa magaalota Finfinnee fi Bishooftuu dabalatee kutaalee Oromiyaa adda addaa keessatti gaggeeffamaa jira.

Irreechi Hora Finfinnee Onkoloolessa 3, 2026 ykn ALI Fulbaana 23, 2019 kan kabajamu yoo ta'u, kan Hora Harsadii ammoo Onkoloolessa 4, 2026 ykn ALI Fulbaana 24, 2019 kabajama.

Guyyaa Irreechaa dursuun taateewwan Irreechaan walqabatan ALI Qaammee 1, 2018 irraa eegaluun gaggeeffamaa jiru jedhan Gorsaa Olaanaan Biiroo Aadaa fi Ispoortii Oromiyaa Obbo Birhaanuu Buxee.

MM Abiy, gaaffii uummanni Oromoo afaan, aadaa fi duudhaa isaa guddisuuf qabu guutummaatti deebisuuf, Irreechi Hora Finfinnee gara malkaa isaatti deebi'ee sirnoomuu fi Irreechi Hora Harsadee Bishooftuutti kabajamuu akka fakkeenyaatti kaaseera.

Akkasumas, qaroomina Itoophiyaa ijaaramaa jiru duudhaa ganamaa irratti hundaa'uuf, barnoota Gadaa fi Safuu, Mana Murtii Aadaa, Tajaajila Lammummaa fi sirna nageenyaa akka qaama hojii mootummaa fi hawaasummaa keessatti diriirsamaa jiran ibseera.

30 0 0 3

Daily Info

2 Oct, 18:52

Gaaffiin Oromoo afaan qawweefi keettoo diinaa tahuun deebi'u kana booda abadan hin jiru' - MM Abiy

Ministeera Mummee Itoophiyaa Abiy Ahmed, ayyaana Irreechaa boru kabajamu ilaalchisee ergaa dabarseen, uummanni Itoophiyaa tokkummaa isaa cimsatee nagaa, araaraa fi obbolummaa dagaagfachuu akka qabu waamicha dhiheesse.

Abiy, ergaa isaa keessatti, Irreechi yeroo Oromoon dukkana gannaa keessaa ba'ee Waaqayyoof galata galchuu fi kan dhufuuf abdii qabaachuuf malkaa bu'u ta'uu ibse. Jijjiirama Itoophiyaa keessatti mul'achaa jiru ammoo "birraa" waliin walbira qabee ibse.

Ergaan kun kan dhufe yeroo Itoophiyaan rakkoo nageenyaa fi dippilomaasii keessa jirtutti.

Kaaba Itoophiyaa keessatti, mootummaa federaalaa fi humnoota hidhatanii mootummaa morman gidduutti lolli deebi'ee ka'eera.

Mootummaan Itoophiyaa Ertiraa, Sudaanii fi Masriin humnoota mormitootaa deeggaru jechuun himateera; biyyoonni kunneen garuu himannaa kana haalan.

Haaluma walqabatuun, Itoophiyaan Kamisa darbe imbaasii ishee Asmaraa jiru cufuu fi dippilomaatoonni Ertiraa 10 akka biyyattii keessaa bahan ajajuu beeksifte. Ertiraanis tarkaanfii kanaaf deebii kennuun hariiroo dippiloomaasii Itoophiyaa waliin qabdu addaan kutte.

Itoophiyaan dippilomaati Masrii tokkos sa'aatii 48 keessatti biyyattii keessaa akka ba'u ajajje. Masriinis deebii kennuun, gorsaa Imbaasii Itoophiyaa Kaayirootti argamu tokko akka biyyattii keessaa bahu ajajjeetti. Tarkaanfiiwwan kunneen muddama dippilomaasii biyyoota lamaanii daran hammeessaniiru.

Haa ta'u malee, Abiy ergaa Irreechaa isaatiin araaraa fi tokkummaa irratti xiyyeeffachuun, uummanni Itoophiyaa garaagarummaa isaa marii fi nagaan furuun "qaroomina Itoophiyaa" dhugoomsuu akka qabu waamicha dhiyeesse

Yeroo walitti bu'iinsi naannoo fi muddamni dippilomaasii dabalaa jiru kanatti, Gamtaan Afrikaas Itoophiyaa, Ertiraa fi Masriin of qusachuu fi rakkoolee isaanii karaa marii fi dippilomaasii furuuf waamicha dhiyeesseera.

Haaluma kanaan, Abiy ergaa Irreechaa isaatiin humnooti mootummaa morman gara nagaatti deebi'anii marii fi misooma irratti xiyyeeffachuu akka qaban waamicha dhiyeesseera.

Itoophiyaa Afrikaaf fakkeenya taatu ijaaruu akka barbaadu kan ibsu bulchaan Itoophiyaa kun gareewwan karaa nagaatiin gara biyyaatti deebi'uu barbaadanif "balballi nagaa" banaa ta'uu irra deebi'ee mirkaneesse.

"Oromoon qabsoosaatiin bilisoomeera. Gaaffiin Oromoo afaan qawweefi keettoo diinaa ta'uudhaan deebi'u kana booda abadan hin jiru." jedha MM Abiy.

Hidhattoonni Itoophiyaa keessa jiran torba, tumsa maqaa "Wal-ta'iinsa Ofbaraaruu" jedhu hundeessuun, mootummaa MM Abiy Ahmad aangoorraa fonqolchuuf waliigalle jedhaniiru.

Itoophiyaa keessatti humnoota mootummaa waliin lolaa kan jiran Waraana Bilisummaa Oromoo (WBO), TPLF fi Faannoo dabalatee, hidhattoonni torban kunneen tumsa kana tolfachuu isaanii ibsaniiru.

WBO'n Oromiyaa keessa socho'uufi waggoota saddeettan darban keessatti humnoota mootummaa waliin lolaa kan jiru yoo ta'u, tumsa humnoota kana waliin tolfate hordofee, namoota siyaasaa, kanneen WBO deeggaruun beekaman dabalatee, hawaasa Oromoo heddu biratti mormii fi mufii kaaseera.

Gama biraatiin ammoo, tumsa WBO'n hidhattoota akka TPLF fi Faannoo waliin tolfate kan deeggaran jiru. Isaanis tumsi kun sirrii ta'uu fi WBO'n kana gochuun isaa bu'aa malee kasaaraa akka hin qabne ibsu.

Abiy Ahimad ammoo garaagarummaa fi gaaffilee siyaasaa karaa marii fi nagaan furuun akka barbaachisu ergaa isaa keessatti ibseera.

56 0 0 3

Daily Info

1 Oct, 16:19

Finfinneetti halkan waarii dho'insi dhaga'amuu jiraattonni himan

Namoonni Finfinnee bakka gara garaa jiraatan BBC Amharic dubbise kaleessa halkan sa'aatii 6:00 booda dho'nsa jabaa dhaga'uu dubbatan.

Burqaan Oduu Rooyitars gamasaatiin maddeen dippilomaasii eeruun Finfinnee keessatti Roobii halkan waarii dho'insi dhaga'amuu gabaaseera.

Namoonni BBC Amharic dubbise Finfinnee naannawaa Gootaraa fi Beeteel jiraatan dho'insa kana kan dhaga'an halkan waarii booda sa'aatii 6:20 irratti ta'uu dubbatan.

Jiraataan naannawaa Gootaraa jiraatuuf sababa nageenyaaf jecha akka maqaan isaa hin eeramne gaafate halkan waarii sa'aatii 6:20 irratti osoo taa'anii hojii hojjechaa jiranii "dho'insa guddaan gamoo keessa jiran sochoose" dhaga'uu dubbate.

"Dho'insi kun jabaa ture, alaarmiin konkolaataallee akka iyyu taasiseera," kan jedhu jiraatan kun, dho'insa kana kan dhaga'e tilmaamaan halkan waarii naannoo sa'aatii 6:20 hanga 6:30 gidduu akka ta'u BBC Amharic'tti dubbateera.

Waan uumame kana qulqulleeffachuuf manasaa keessaa akka ba'e kan dubbatu namni kun sochii adda ta'e akka hin argiin hime.

Dho'insi kun kallattii Xoor Hayiloochiirraa ta'uufi Aratanyaa Kifila Xoor irraa ta'uu isaa garuu yaalii qulqulleeffachuuf taasiseen hin milkoofne jiraataan kun.

Dargaggeessi biraa naannawaa Beeteel 'geemii taphataa' turre jedhe gamasaatiin inniifi hiriyyoonni isaa halkan keessaa sa'aatii torba irratti dho'insa dhaga'uu fi naannoo mana jireenya isaaniitti waan dhiyaatuuf bakka Waajirri Muummee Raayyaa Ittisa Itoophiyaa itti argamu naannawaa Xoor Hayilooch ta'uu akka danda'u dubbate.

Gareen mootummaa waliin hiriiruun lolaa jiran Kibxata baatirii diroonii qabeenyummaan isaa kan TPLF jedhan booji'uu isaa ibsaniiru.

BBCn meeshaa diroonii gareen hidhattootaa booji'uu himan qaama walaba ta'erraa qulqulleeffachuu hin dandeenye.

Kamaniin balaa ilaalchisuun xiinxala kennu 'Verisk Maplecroft' keessatti xiinxalaa dhimma Afrikaa kan ta'e Ediwaard Baak, humnoonni mormitootaa humna Finfinnee irratti haleellaa raawwachuu argachuun isaanii "taatee haala siyaasaa akkaan jijjiiru" akka ta'u Rooyitarsiif ibseera.

Haalli kun magaalaan guddoon kun ejjennoo mootummaan dhiibbaa waraanaa issaa bilisa jedhu kan dadhabsiisu ta'uu isaatiin ol, ol aantummaa humna qilleensaa humnoonni federaalaa qaban daangessa jechuun dubbate.

Waraanni Kaaba Itoohiyaatti aggoota lamaaf gaggeeffameef lubbuu namoota kuma dhibba hedduutti lakkaa'amu galaafate erga waliigaltee Piritooriyaatiin dhabbatee booda waggoota afuriif hanga tokko nagaan bu'ee ture.

Mootummaan federaalaa fi aanga'oonni Tigraay ibsa yeroo gara garaatti baasaniin wal gaarerfannaan gidduu isaaniitti yeroo hammaataa deemetti Maqalee fi Tigraay bakkeewwan kaan keessatti haleellaan diroonii gaggeeffamuu gabaafameera.

TPLF torban darbe keessa garee hidhattoota abiroo ja'a waliin tumsa 'Tibibbir La Hilliwuna' jedhu hundeessuu erga ibsanii booda naannawaa daangaa Amaaraa fi Affaar keessatti waraanni jalqabeera.

Naannoo Tigraay keessatti ammoo tajaajilli bilbilaa fi interneetii Ethio Telecom addaan citeera.

Humnoonni Federaalaa naannoowaan Tigraay kibbaa to'achuu isaanii yoo ibsan, TPLF fi michoonni isa ammoo gama naannoo Affaariin bakka to'atan qabaachuutu himama.

Magaalota Affaar humnoonni TPLF akka to'atan himan keessaa jiraattonni kumaan lakkaa'aman buqqa'uu isaanii dhaabbileen namoomaa ibsaniiru.

Mootummaan naannoo Affaar magaalota daangaa Tigraay irraan jiran Erbeetii fi Abhaalaa deebisanii to'annoo isaanii jala galfachuu dubbateera.

Dura ta'aan Komishinii Gamtaa Afrikaa Maahimud Alii Yusuuf muddamnii fi gaarerfanaan waraanaa kaaba Itoophiyaatti dhalate "akkaan akka isaan yaaddesse" ibsuun, walitti bu'iinsi kun "hatattamaan akka dhabbatuuf" akeekkachiisaniiru.

90 0 0 2

Daily Info

30 Sep, 20:01

Humni Nageenyaa Tigraay Iddoowwan Hedduu To'achuu Beeksise; Hoggantoonni TPLF Gara Eertiraatti Baqachuun Dhaga'ame

Humni Nageenyaa Tigraay (Tigray Peace Force) ibsa haaraa baaseen, waraana guyyoota saddeet dura Fulbaana 12 eegaleen, har'a Fulbaana 20, bara 2019 haleellaa raawwatame qofaan iddoowwan hedduu humnoota TPLF irraa bilisa baasuu isaa ifoomseera. Iddoowwan to'ataman kunniinis: Magaalaa Maayicaaw, carcar, Makoonii, Xaa'idaa Mayidaa, Hadaa Algaa, Kikiftoo, Hugumbirdaa, Haashangee, Waarabaayyee, fi Maay Maa'idoo (guutummaatti) yoo ta'an, waraanni kun amma ammaattis itti fufaa akka jiru humnichi ibseera.

Haaluma wal qabateen, Raayyaan Ittisa Biyyaa naannoo Tigraay keessatti hojii seera kabachiisuu fi to'annoo isaa cimsatee itti fufuun, gara magaalaa guddoo naannichaa Maqaleetti imalaa yeroo jirutti, hoggantoonni TPLF biyya gadhiisanii ba'uun isaanii dhaga'ameera. Ragaaleen bahaa jiran akka agarsiisanitti, hoggantoonni kunneen kaleessa waaree booda gara magaalaa daangaa Eertiraa Sanaafeetti seenaniiru.

Torban darbe naannawa Raayyaa, Allaamaaxaa fi Saqoxaa keessatti sochiin waraanaa TPLF deebi'ee haareffamuu hordofuun Raayyaan Ittisa Biyyaa tarkaanfii waraanaa fudhachuu eegaleera.

Hoggantoonni garee kanaa sababa imala baqaa irra turaniif guyyootaaf odeeffannoo tokko osoo hin kennin callisanii turaniiru. Gareen kun yeroo jalqabaatiif kaleessa galgala ibsa baaseen “sirna karoora sanyii duguuggaa qabu waliin wal'aansoo gochuun of-ittisaa jirra" jechuun ibsus; qabatamaan lafarratti haalli jiru garuu faallaa kanaa ta'uu fi Raayyaan Ittisa Biyyaa yeroo gara Tigraay seenu hawaasa irraa simannaa ho'aan akka taasifameef gabaafameera.

91 0 0 3

Daily Info

29 Sep, 14:37

OpenAI moodeela haaraa baasee ture yaaddoo nageenyaaf jecha haqe

OpenAI sodaa balaaf jecha moodeela hubannoo namtolchee haraa GPT-6.1 Astra akka hin gadhiisne Kibxata har'aa namni ChatGPT hojjete mirkaneesse.

Sirni AI haaraa gadhiifamuuf ture silaa marsariitii ofiisaatiin mil'achuun dalagaa raawwachuu danda'a, appiis ofiisaatiin fayydamuu danda'a. ''Ulaagaa nageenyaa dhaabbatichi kaa'e guutuu hin dandeenye,'' jette hoggantuun nageenya sirna OpenAI Saachi Jeen.

Kana malees OpenAI taateewwan mudataa jiran irratti ibsa kennaa jira.

Dhihoo dhimmoota mudatan keessaa moodeeliin kuni marsariitii mootummaa Awustiraaliyaa eeyyama tokko malee seenuu danda'uusaati.

Modeelonni AI biroonis akkasuma dalagaalee hin eeyyamamneef raawwachuun balaa teeknolojiin kuni fiduu danda'urratti falmiin akka jabaatu taasisaa jira.

Hundeessaa OpenAI Saam Altmaaniifi hogganaan Antirooppiik Daariyoo Amoodii dabalatee hogganooti AI ijoo saffisa indaastiriin kuni guddachaa jiru irraan kan ka'eefi yaaddoo irratti ka'aa jiruun suuta akka itti adeemamu gorsu.

Murtoon OpenAI kuni jalqaba Wall Street Journal kan gabaafame yoo tahu dhaabbanni AI sababa yaaddoo nageenyaaf moodeela haaraa baasuu dhiisuuf murteessuun waan hin baratamne dha.

Moodeeliin haaraa kuni ''daangaa barbaadamu keessatti turuu, eeyyama hojjechuu fi hojii hojjete tokko irratti akkaataan fayyadamaatti deebisu irratti,'' ulaagaa guutuu hin dandeenye jette Jeeyin.

Moodeeliin dhaabbata kanattis tahe yeroo fayydamaa bira gahu balaa kan hhin qabne tahuusaa mirkaneessuu qabna. Tahus yeroo fayydamaaf dhiyeessinu ulaagaan akkaan jabaa tahaa dhufa,'' jette.

Moodeeliin GPT-6 Astra jedhamu kan Fulbaana keessa gadhiifame gochaa tokko ofiin raawwachuufi sababaafi bu'aan waa shallaguu danda'a. OpenAI kuni bu'aa ''qorannoo waggaa dheeraafi tattaaffi jabaa dha,'' jedheera.

OpenAI Saan Firaansiiskootti kora ogeessota saayinsii kompiitaraa Kibxata har'aa geggeessa.

Kora kanarrattis dhimmoota ifa akka godhu eegama. OpenAI haaraa Astra jedhamu dhimmoota ifatti bahan keessaa tokko tahuu waanti mirkanaa'e hin jiru.

Dhaabbanni teeknolojii kanaa taateewwan jajjabaa mudatan hordofee to'annoo inni nageenya irratti qabu gaaffii keessa seeneera.

128 0 0 2

Daily Info

29 Sep, 14:36

OpenAI moodeela haaraa baasee ture yaaddoo nageenyaaf jecha haqe

79 0 0 3

Daily Info

29 Sep, 13:28

"Uummata koo yoon arge nan fayya"- Artist Kadir Martuu

Walleewwan warraaqsaa, jaalalaa fi qabiyyeewwan adda addaa of keessaa qabaniin kan beekamu Artist Kadir Martuu, waggoota 10 oliif biyya alaa erga turee booda gara biyyaatti deebi'eera.

Artist Kadir Martuu wayita gara biyyaatti deebi'u buufata xiyyaaraa idiladdunyaa Booleetti artistootaa fi hiriyoota isaan simatameera.

Jalqaba wayita biyyaa ba'u gara Ameerikaa imaluu kan hime Artist Kadir Martuu, achii booda gara UK imaluun yeroo dheeraaf achi jiraataa ture.

''Amma waggaa 12 booda gara biyya kootti deebi'eera,'' jedhe.

Artist Kadir Martuu UK magaalaa Maanchistaritti dhukkubsatee hospitaalatti yaalamaa akka ture Caamsaa 2025 keessa gabaasnee turre.

Dhibeesaarraa fooyya'us ammallee wal'aansa fayyaa hordofaa akka jiru hime.

Kan isa yaalchisaa jirus kubbaaniyyaa abbaa qabeenyaa beekamaa Oromoo Yaadataa Juneeyidii kan ta'e Biraayitan Mootarsi jedhamu ta'uu hime.

''Garuu hunda caalaa an ergan ummata kiyyaan walargee nan fayya. Dhukkubi kiyya miidhaa saba kiyyaati. Gammachuun saba kiyyaa fayyaa naaf kenna,'' jedhe.

Artist Kadir Martuu kanaan dura BBCtti wayita dubbatu eelaa fi dararaa bara dheeraaf isa mudateen miidhamuu ibsee ture.

''Dhibeen waggaa 20 oliif obsee qabadhee jirutu jira. Wayyaaneetu na cabsite,'' jechuun ka'umsa dhibee isaa dubbata.

Artist Kadir erga Artist Daawitee Mokonnin waggaa 27 booda biyyatti debei'ee booda innis gale.

Artist Daawwitee waliin waggoota dheeraaf hiriyoota akka ta'an kan himu Artis Kadir, sagantaa Artist Daawwiteen qopheessu keessattis akka qooda fudhatu himeera.

Artist Daawwiteen Irreecha baranaa irratti konsertii muuziqaa akka qopheessaa jiru BBCtti himeera.

Artist Kadir Martuus gamasaan sagantaa kanarratti akka qooda fudhatuu fi isa booda indastirii muuziqaa Oromoof gumaachuuf karoora qabaachuu hime.

''Muuziqaan qoricha kiyya, fayyaa kiyya. Waan hunda isiittin obsa,'' jechuun wallee hojjechuuf karoora akka qabu ibse.

Artist Kadir yeroo hedduu karaa miidiyaa hawaasummaa dhimma biyyaa kaasuun ajandaa ta'uun beekama.

Gara biyyaa deebi'uuf karoora akka qabus yeroo dubbatu dhagahama.

Garuu wayita artistoonni Oromoo cunqursaa fi dhiibbaa sirna mootummaa himachuun biyyaa baqatanii turan biyyatti deebi'an inni booddeetti hafeera.

''An dhibees nan qaba. Ammoo hamma asii sirreessanii haala mijeessanitti ture. An lammii biyya saniiti [UK]. Isaan ammoo nama dhukkubsatu laayyootti gadi hin lakkisan. Isuma kanatu na turse,'' jechuun sababa barfatee galeef ibse.

Wal'aansa fayyaa hordofaa akka jiru kan ibse Artist Kadir ji'oota lamaaf erga biyya turee booda gara UK akka deebi'u hime.

''Ji'a lama akkana turee nan deebi'a. Uummata koo ilaallaan fayyaas nan argadha. Asis achis nan jiraadha.''

Artist Kadir Martuu ijoollummaasaarraa eegalee jireenya qormaataan guutame akka dabarse BBCtti hime ture.

''Haadha kiyya ijoollummaattin dhabe. Abbaan kiyyas qabsoo kana keessatti maraatee dhabame. Waggaa soddoma guutuu takkaa jireenya waan jedhame argeeyyuu hin beeku,'' jechuun haala keessa darbee ibse.

Artist Kadir Martuu artistii walleewwan kilippiin hojjetamaniin uummata Oromoo biratti jaallatamudha.

Walleewwan warraaqsaanis beekamtii horateera. Inni garuu ''beekamtii waan jedhamu kanallee an quba hin qabu. An Oromoo jechuu qofan quba qaba,'' jedhe.

Jijiirama siyaasaa amma biyyattii keessatti dhufe dhugoomsuu keessatti wareegamni inni kaffalaa ture qooda olaanaa akka gumaache amana.

''Gaafa qabsoo eegalle wanti amma arginu kun tokkollee hin jiru. An miidhamee kun hundi dhufuutti ofiinan boona.''

Artist Kadir Martuu walleesaan nama fudhatamummaa guddaa qabuudha, garuu addunyaa hojii malee addunyaa faayidaa argee akka hin beekne dubbata.

''An dalaguu malee waa'ee addunyaa kanarraa quba hin qabu. Takkaa maallaqa Oromoorraa guurradhee hin beeku. Qabsoo Oromoof wama kiyyan itti fixe.''

Artist Kadir Martuu Harargee Bahaa magaalaa Qobbootti dhalate, haati isaa ji'a ja'atti irraa boqotan. Abbaa fi haatisaas loltuu turan.

''Haati tiyyas bosonatti qabsoorratti wareegamte,'' jedhe

101 0 0 3

Daily Info

29 Sep, 13:28

"Uummata koo yoon arge nan fayya"- Artist Kadir Martuu

98 0 0 2

Daily Info

28 Sep, 19:52

Tigraayitti Akkawontii Cufame Akkamitti Banattu: Baankiin Daldalaa Itoophiyaa Maamiltoota Herreegni Baankii Isaanii Naannoo Tigraayitti Cufameef Dameewwan 12 Finfinneetti Ramade

Sababa rakkoo nageenyaa kaaba biyyattiitiin wal qabatee herreegni baankii maamiltootaa dameewwan Baankii Daldalaa Itoophiyaa naannoo Tigraayitti argaman keessatti ugguramee ykn cufamee ture akka gadhiifamuu fi tajaajila kennu, baankichi dameewwan filataman kudha lama (12) magaalaa Finfinnee keessatti qopheessuu isaa ifoomseera.

Akka ibsa baankichaatti, tarkaanfiin kun maamiltoota sababa dhabamuu tajaajilaatiin rakkachaa turaniif furmaata hatattamaa kennuu fi gara tajaajila idilee isaaniitti akka deebi'an taasisuuf kan yaadamedha.

Haaluma kanaan, maamiltoonni kanaan dura naannoo Tigraayitti herreega baankii banatanii turan hundi, tajaajila herreega isaanii uggurame kana bansiifachuu fi sochoosuuf qaamaan argamuun dameewwan magaalaa Finfinnee keessatti ramadaman kanneen akka damee Finfinnee, Qaallittii, Taklahaymaanoot, Nifaas Silk, Sharaatan, Kiiloo Ja'a (6 Kilo), CMC, Tafarraa Daggifee, Marii, Xamanjaa Yaazhii, Teelee Madhaani'aalamii fi damee Xoor Hayiloochii deemuun tajaajilamuu akka danda'an baankichi hubachiiseera.

103 0 0 7

Daily Info

28 Sep, 19:47

Godinaalee ja’an caaseffama haaraa Mootummaa Naannoo Oromiyaa:

1. Godina Baha Oromiyaa: Godina Harargee Bahaafi Haragee Lixaa

2. Godina Kibba Baha Oromiyaa: Godinoota Arsii, Arsii Lixaa, Baalee, Baalee Bahaa, Magaalaa Asallaafi Magaalaa Dodolaa

3. Godina Kibba Oromiyaa: Godinoota Booranaa, Booranaa Bahaa, Gujii, Gujii Lixaa, Magaalaa Bulee Horaa, Magaalaa Mooyyaleefi Magaalaa Shaakkisoo

4. Godina Kibba Lixa Oromiyaa: Godinoota Buunnoo Beddellee, Iluu Abbaa Boor, Jimmaa, Magaalaa Aggaaroo fi Magaalaa Mattuu

5. Godina Lixa Oromiyaa: Godinoota Horroo Guduruu Wallaggaa, Qellem Wallaggaa, Wallagga Bahaa, Wallagga Lixaafi Magaalaa Najjoo

6. Godina Giddu Galeessa Oromiyaa: Godinoota Shawaa Bahaa, Shawaa Kaabaa, Shawaa Kibba Lixaa, Shawaa Lixaa fi magaalota Amboo, Baatuu, Hoolataa, Mojoo, Sandaafaa Bakkee, Shanoofi Walisoo hammatee bifa haaraan gurmaa’aniiru.

106 0 0 4

Daily Info

Гео и язык канала

Категория

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

Daily Info

2 740

Популярное в канале

Язык сайта

Daily Info

Гео и язык канала

Категория

2 740

Популярное в канале