╔═══════════════╗
ጀነት ዉስጥ ሳገኝህ እንዳዉቅህ
╚═══════════════╝
በሕይወቴ የእውነተኛን ደስታ ትርጉም ለማግኘት ብዙ ኳትኛለሁ። ውድና የቅንጦት ነገሮችን አሳድጃለሁ። ትላልቅ ፕሮጀክቶችን በቁጥጥሬ ስር አድርጌያለሁ ትልቅ የእግር ኳስ ክለብን ገዝቼ የዓለም ሰዎች ወደርሱ የሚተሙበትን ውብ መዝናኛ ገንብቻለሁ። ግና ደስታን ማግኘት ህልም ሆኖ ቀረብኝ።
አንድ ታማኝ ጓደኛዬ የአዕምሮ ዕድገት ውስንነት ላለባቸው ህጻናት መንከባከቢያ ማዕከል ተንቀሳቃሽ የመጫወቻ ወንበሮችን ገዝቼ ስጦታዬን እኔ ራሴ ለሕጻናቱ በእጄ እንዳበረክት ጠየቀኝ። ሄድኩኝ። ወንበሮቹንም ለእያንዳንዱ ህጻናት አደልኩኝ። በዚህም በህጻናቶቹ ፊቶች ላይ ትልቅ ደስታ አየሁ።
ወንበሮቹን ካደልኩበት ቅጽበት ጀምረው በግቢው ውስጥ እየተሽከረከሩባቸው መፈንደቅ ይዘዋል። በታላቅ የመዝናኛ መስክ ዉስጥ እንዳሉ በሙሉ ልባቸው እየተፍነከነኩ ይስቃሉ።
ከዚሁም ሁሉ በላይ እዉነተኛዋ ደስታ በልቤ ውስጥ ልትሰርጽ ሌላ ክስተት ተፈጠረ።
ፕሮግራሙ ተጠናቆ ወደ ቀሪ ጉዳዬ ለመመለስ ከማዕከሉ በመውጣት ላይ ሳለሁ ከልጆቹ መሀል አንደኛዉ እግሬን ያዘኝ። እግሬን ከእጆቹ በቀስታ ለማላቀቅ ስሞክር ጭምድድ አድርጎ ይዞኛል። ዓይኖቹም ፊቴ ላይ በትኩረት አነጣጥረዋል። ወደታች አጎንብሼ
"ከመሄዴ በፊት ሌላ እንዳደርግልህ የምትፈልገዉ ነገር አለ?" ስል ጠየቅኩት።
በዚህ ጊዜ የደስታን እውነተኛ ትርጉም ያወቅኩበትና ሕወቴን ሙሉበሙሉ የቀየረልኝ መብረቃዊ ምላሽ ተከተለኝ።
"ጀነት ውስጥ ሳገኝህ እንዳስታውስህና በጌታዬ ፊትም ዳግም እንዳመሰግንህ የፊትህን ቀለምና ቅርጽ (መልክህን) በአዕምሮዬ ቀርጬ መያዝ ፈልጌ ነው" አለኝ።
ለሌሎችም ሼር በማድረግ ተደራሽነቱን እናስፋ በእናንተ ሰበብ አንድ ሰው ቢቶብት ወይም ወደ መልካም ነገር ቢመራ እኩል አጅርን ይጎናፀፋሉ
#share #ሼር
#join
@Ertugrulbeyseries
