Dur, naannoo harargetti, intaltti duraa takka gaafa umriin isii 16 guute, hiryyoota isii, warra marsaa gadaa tokko keessatti waliin dhalatan wajjin hiriyyummaa uumatti.warri shamaranii, warri sadarkaa kana keessa jiru maqaa warri baaseef irra maqaa hiriyummaa kan " aaddee "
Jedhu ykn akka naannoo carcaritti maqaa " 'gooyduu' jedhu kanaan wal waamu.
Meseensi aaddee waliin jedhu, warri daadaa takkaa kun hedduu tahus akkuma walitti dhihaataniin nama lama- sadii tahuun aaddummaa cimsatu.
Gaafa magaalaa dhaqn tahee, yeroo migira buqqifatan uffanni sadeeta isaanii haa tahu Gumeefi kulkultaan, callee mormaatiif foroorii gurraa wal fakkaata. Kan biraa dhisii dhawaan naannoo isaanii cifraan takkittii.
Isaan keessa gaafa maatiin isaanii takka wadaaja tahuu, haajaan wahii takka itti galtee hiriyyoonni kun walitti dhufuun bishaan waraabuun haa tahu, mooyyee talaantaluun aantummaa hiriyyummaa wal garsiifatan.
Akkana jechuudhaaniis talaantala mooyyee keessatti walitti qoosuun wal jajjabeessu:-
" dukko, dukkanaan hin dulanii,
Ji'aan hin godaananii
Dukkogaa, jaarsii jaartii lamaa
Takka irra jaalataa
Rabbiin waa sin dhiisuu
Dukkogaa, way sumaan gaafataa.
Sa mooyyeen maaluma na seete,
Tan nyaattee dhuuyne na satee,.
Sa mooyyeen maaluma na seete
ta tumtee daayne na seete....
Hiriyyoonni kun akka afoola gara garaa keessatti hubanutti irra caala gaafa migira guuruuf ykn buqqifachuuf deeman weedduu gara garaatiin akka wal faarsaa turaniifi naatoo Waliif qaban heellee keessatti bifa adda addaatiin Waliif ibsu
Fakkeenyaaf ;-
" hogogorraa suutaan migiraa
Suuta deemii aaddee qoree sidiraa.
Hadaamii hin daraarinii
Hadaamii hin daraarinii
Aaddee hirriyyoo qoree sin waraaninii
Qoreen sin waraaninii......
.... itti fufa...
@etbisahusen