የኢትዮጵያ ብሔራዊ ባንክ ትላንት ይፋ ባደረገው፣ ሁለተኛው የፋይናንሺያል ስቴቢሊቲ ሪፖርት መሠረት የባንኮች operational risk ከጊዜ ወደ ጊዜ መጨመሩንና ከአመት በፊት በአጠቃላይ ከባንክ ዘርፉ ላይ የተሰረቀው የገንዘብ መጠን 1 ቢሊዮን ብር የነበረ ሲሆን አሁን ላይ ይኸው ገንዘብ ወደ 1.3 ቢሊዮን ብር ከፍ ማለቱን፣ እንዲሁም በስርቆቱ 28 ባንኮች (ሁሉም ሊባል በሚችል መልኩ) መጎዳታቸውን ገልጿል።

በእነዚህ ስርቆቶች እና ማጭበርበሮች ውስጥ የባንኮች የውስጥ ሰራተኞች ጭምር የተሳተፋበት ሲሆን ስርቆቶቹ በዋናነት ሀሰተኛ የገንዘብ ኖቶችን፣ ሀሰተኛ ቼክ፣ ሀሰተኛ የባንክ ጋራንቲን፣ የተሰረቁ የኤቲኤም ካርዶችን፣ ሀሰተኛ የስልክ ጥሪዎችንና መልእክቶችን በመጠቀም የተከናወኑ መሆናቸውን ብሔራዊ ባንኩ የገለጸ ሲሆን ባንኮች ከጊዜ ወደ ጊዜ የፋይናንስ አካታችነትን ለማሳካት በሚተገብሯቸው የቴክኖሎጂ ውጤቶች ምክንያት ስጋቱ እየጨመረ እንደሚሄድ የገለጸ ሲሆን ባንኮች እኒህን ስጋቶች ለመቀነስ ፖሊሲና ስትራቴጂ ቀይሰው እንዲሰሩ አሳስቧል።