ቋንቋዬ ነሽ ድንግል

ቋንቋዬ ነሽ ድንግል መግባቢያዬ
መልስ የማገኝብሽ ከጌታዬ /2/
በአንቺ ቀርቤአለሁ ከአምላኬ ፊት
ቤቴ ሞልቶልኛል በበረከት/2/

አዝ

በምን ስራዬ ነው ከፊቱ የቆምኩት
መቼ በቅቼ ነው ስሙን የጠራሁት
አስታራቂ እናት አንቺን ስለሰጠኝ
ስለ ቃልኪዳንሽ አቤት ልጄ አለኝ /2/

አዝ

ቅድስና ሕይወት ከእኔ ተሰውሮ
በውሸት በሃሜት አንደበቴ ታስሮ
በእመ አምላክ ምልጃ አዲስ ሰው ሆኛለሁ
እንደ መላእክቱ ይኸው እዘምራለሁ /2/

አዝ

ስለ እመ አምላክ ብሎ ያፈረ የለም
ባንቺ ያልከበረ ሰው አይገኝም
እንደ ባለማዕረግ እኔም ሰው መባሌ
አንቺን አግኝቼ ነው ድንግል መሰላሌ (2)

አዝ

ሰላም ለኪ ብዬ ስጀምር ጸሎቴን
ሐሴት ይመላዋል መላው ሰውነቴን
እንደ ቅዱስ ኤፍሬም በምስጋናሽ ልጽና
በእጆችሽ ያለው አምላኬ ነውና /2/

ሙ/ስ ዲ/ን ሉዑልሰገድ ጌታቸው
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️