Suuraa yaadaa kaaseen
Qalbii koon dararama
Karoora jiruu baaseen
Ofii kootti araarama

Garaa koo dadhabeen
Taa'ee kana sii sarara
Kuuluma ija keetu
Laphee koo marara

Yaanni qalbiin duule
Hafee hafus haafa
Bararaa oolli allaattii
Reeffa taanaan lafa

Galaanni inni guute
Utaalus lafa yaa'a
Ati qalbiitti na buute
Kanaafan ala taa'a

Yoo lapheen jaalattu
Teessee dhaabitti duuta
Hixaa yoo sitti fidan
Jaalala filtee fuuta...

Utuu akkakoo ta'ee
Wanta il-qalbii qaru
Garaan ofii danda'ee
Nama haqaan dharu

Lammiin sitti jiguurra
Gaarri sitti jiguu wayya
Kan jaalala dhukkubsate
Jaalala argatu in fayya

@wiirtuu_wolaloo
@wiirtuu_wolaloo

👍   ❤    🗨️         ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ