አቡነ አረጋዊ ጻድቁ መነኩሴ | ዘማሪት ለምለም ከበደ

አቡነ አረጋዊ ጻድቁ መነኩሴ
በሃጢያት እንዳትሞት ሕያዊቷ ነፍሴ
ጻድቁ አማልደኝ በቅደመ ሥላሴ/2/

አዝ

ከእናት ከአባት ፍቅር አቡነ አረጋዊ
አምላክን መርጠሃል አቡነ አረጋዊ
መከራ መስቀል በእውነት ታግሰሀል
በእግዚአብሔር ቸርነት ከሞት ሰውሮሀል

አዝ

ምስጢረ መለኮት አቡነ አረጋዊ
በልብህ ቢሞላ አቡነ አረጋዊ
አረጋዊ ተባልክ ሳለህ ታናሽ ጨቅላ
ጸጋህ ትደርብን ትሁንልን ጥላ

አዝ

ከዳሞት ተራራ አቡነ አረጋዊ
ከማህሌት ከተማ አቡነ አረጋዊ
የጽዮን ዝማሬ ነፍስ ብትጠማ
በዘንዶ ተጉዘህ ሰማህ ያንን ዜማ

አዝ

የህግ መምህር አቡነ አረጋዊ
በረከት አድለን አቡነ አረጋዊ
ከድካም ወደ ሃይልህ በእምነት አሻግረን
ወደ ጌታ ደስታ በምልጃህ አቅርበን

@Orthodox_Mezmur_For_All
@Orthodox_Mezmur_For_All