Walaloon Jaalala

Harree ta'i jedhe
Anis nan ta'eefii
Kosaa kosii isaa
Anatti fe'uufii
Farda ta'i jedhe
Fardas uman ta'ee
Dudga koorra taa'ee
Gaara bu'ee ba'ee
Hin beeku miilana
Hoolaa ta'i jedhee
Na qaluufii laata?
Anoo sossodaadhee....
#
Walaloo Tsaggaayee G/Madin afaan amaariffaan barreesse irraa kaachuun akka hiiketti

@Walaloon_Jaalala

🪙USDT

🪙NOT COIN

🐹HAMSTER

🤩Dogs

Keessattuu Ton space irraa baasachuu warreen dadhabdaniif

Gurguruu kan barbaaddan hundumaaf


➡️🎲 @Walaloo_bot

Hiriyyaa tokko tokko....

Akka waan nuti miinuu
Akka waan lubbuusaa
Harka irratti baatuu

Waa'ee isaa nu dhoksee
Waggoota hedduudhaaf
Nu waliin osoo jiraatuu

Gaafa tokko dhibee tasaan
Osoo yaala hin argatiin
Bakka ciiseetti du'ee

Isas ta'ee dhibeesaas
Osoo nuti hin bariin
Kunoo bol'a bu'ee

Ta'us waa barreerra...

Du'u isaatti gaddinullee
Dhumni keenya achumaa
Turrus ni godaannaa

Garuu erga isaatii
Diinota keenya irraa
Hiriyyaa sodaannaa

🖋️ Amaanu'eel Waqturaa
@Walaloon_Jaalala

Geggeessaan jiruu keenyaa
Rabbi taanaan maleessaa
Osoo akka namaatii
Du'uun keenya kaleessaa

Ogummaaf dandeettiinkoo
Nan oolchineem miliqsee
Guddaatu na gargaaree
Uumaa kootu na tiksee

Qajeelummaaf aaga koo
Miti anaan kan na turse
Galatoomi Gooftaakoo
Sin waama hunda dursee

Hawwii Gannanaa
@Walaloon_Jaalala

Akkan ta'e akka lama
Kan natti hime qalama

Tokko;
Kan jooree jaawwaru
Ardii gamaa bulu
Uumama kota'ee,
Dhugaa dhugaan guulu,
Tokko;
Isa atuu beektu,
Si faana dubbatu,
Soorgoo jiruu,
Si faana hubatu!
Sookoosaa dhokfatu!

(!)
Raajii qalamaa,
Qalamnikoo boo'ee,
Boo'ichi qalamaa,
Jaalalaan na mo'e!
.....

Gadaa Getaachoo
@Walaloon_Jaalala

Uumama guuttatteef,
Hin dhaltu gaangeeni
Olkaastee lallabdeef,
Hin galtu gadheeni!
Gaangeen gaangeedhuma -
maseena qaamaati - makaa mana lamaa
Gadheen gadheedhuma -
maseena yaadaati - ittiin namaaf gama!
***
October 16, 2021
Kanaa'ol Badhaadhaa
@Walaloon_Jaalala

"Waa'eenkoo si dhibee,
Kanati naaf naatu,
Dhugaa ijaa gantee,
Gaafa...
Onnee faana kaatu"
Yoon jedhu....
An onneen amana,
Onnee faana baheen,
Onnee faana gala!
Mirkana jireenyaa
Dhugaat' onnee jala!
.....

Gadaa Getaachoo
@Walaloon_Jaalala

SI kadhachaan jiraa?

Iji Koo kan taate
dinqisiifattuu miidhagina Kee
Gara Koo hin ilaaltu
hin ijaajji bakkee
Anaanis Wal hin beektu
qaata na dagattee
Osoon Ani jiruu
horma alaa filattee
Amma yaa giiftii Koo
si'i moo ija koon komadhaa?
Isa na fuudhee deemee
na dhaabe karaa baldhaa
Iji Koo homa Nan goone
Situ naan godaane
Dhukkubaan natti buute
Akkan horma hin laalle
Calliseetan aadaam
Keessa kootti dhoksee
Kophan ciniinsifadhaa
Gola onnee Koo ciisee
Maali yaa bareedduu ?
maali yaa jaalallee?
Kan sif jilbeefate
ana malee hin agarree?
Kan anatti buutee
anarraa garmaamtu
Onnee homaa hin beekne
jaalalan kan miitu
Lakkii itti dhiisii
Jaalalaf bitamii
Sakallaa keessa koos
Atumti naf furii
Jedhee sitti himeera
Ani gaafa duraa
Sin jaaladhe malee
SI KADHACHAAN JIRAA?

✍️ kenenisa Ajema
@Walaloon_Jaalala

#Eenyutu naf deebisa?🤔

Jalqaba waan hundaa
Addaamin kan uumee
Addunyaa bareeddu
Gannat keessa kuule
Jireenya bareedaa
Akka jiraatuf Turee
Daandi qajeelarra
hamaa irraammoo goree
Addaamis fudhatee
Gammachuun guutame
Jireenya mataasaa
Jiraachuf dirqame
Garuu oole hin bullee
Gammachuun boora'e
Yaada tokko yaadet
Garaansa roora'e
"Ijaan ishee hin argu
Harkaan hin qabadhu
Yeroof bakka hin qabu
Takkaa ishii hin dagadhu
Garaa kootu yaada
Gubbaa koorra darbee
Osoo oole hin buliin
Laphee kootti darbe
Maqaa ishii hin beeku
Eenyu jedhee waamu
Akkamittin Ibsuuf
Jaalala Koo danuu
Jedheeto tarreesse
Yaadota keessa Isaa
Gaffii natti ta'ee
Eenyutu naf deebisa?"
Jedhee itti cimnaan
Boo'icha fudhate
Gammachuu godaantes
Yaaddodhaan guutate
Waaqayyoos hubate
Gaffii garaasa
"Ilma Koo hin dhiphatiin
Anatu siif deebisa"
Jedhee irraa haxa'e
Imimmaan Isa hudhe0
Cinaacha bitaas
Keessa isaati fuudhe
Gammachuu garaasa
HEWAANIN Uume

Kenenisa Ajema
@Walaloon_Jaalala

An sin dhiibu, an sin jibbu
Siif - homaa, anaaf- irbuu!

Ati fagaadhu, koochoo baasi
Hoolaa Waaqaa qooqa raasi!
Bakka feetetti dhiyaadhu
Akka jettetti jiraadhu
Naan haa hanqatu
Siif haa bal'atu
akkisaa
barrisaa!

Silas nu nama
Namuu,
walii lama
gamaaf gama!
Tokko in horda tokko in dhaaba
Sirni uum-jiruu wal daddarba
Kanatttuu,
ati baay'ee.. an of-sin qaba
akka eebbaa akka adabaa!

An sin balfu,cita mormaa- akka ormaa
Fira ormaakoo, an kan siif homaa!
....
Kanaa'ol Badhaadhaa
@Walaloon_Jaalala

Chaanaala miseensa 3k ol qabaattanii wave keenya keessa akka siniif galu warreen feetan @Walaloo_bot irraan nu qunnamaa

Gaaf gaaf.....

Duratti kan eegdu,
Dudduuba siqata,
Guddaadha kan jettu,
Hundarra xiqqata!

Gaaf gaaf.....

Hantuutaan firooma,
Adurreen manakee,
Diina sitti ta'a,
Guddisni harkakee

Gaaf gaaf......

Harki gabaabbateet,
Hiixachuun sitti cima,
Korojoo hormaatti,
Hawwiinkee dhidhima.

Gaaf gaaf.....

Gadaa
@Walaloon_Jaalala

A k k a s ➡️ A k k a s i i n

Fuula jireenyaa irratti,
Tibba siqiqiin namatti gamu
Daddaqama le'ii jireenyaan,
Ergeramee hamileen samu

Ofiif uumamaan ganamanii,
Si'a keessi ofii saakamu
Gaadiin mogolee rigamanii,
Ala dhadhaabbati ofii daakamu

Abdiin dagalee jireenyaa,
Dagalfata gidiraatti yeroo si gatu
Firiin milkii quuqee ifa labse
Cillima summaa'een si'a gatatu

Kun murtii labsii waaqaa
Seemaa diriirfame miti
Yoos gabaa jireenyaatti bahii
Obsa ittiin keessa hulluuqxu biti!

Jireenyi:-
Takka sabbata siif hiikkataa
Takka milkooma si jala lufa
Takka fulla'aa, takka gufachaa
Jireenya jiraachuun itti fufa!

Beeki,
Sirna leetoo keessatti hiraaruun
Kitaaba jireenya keenyaa, miti azala
Akkas akkasiin jireenya jiraachuutti
Hadhooftuu dhudha'aa dhaqqabu ajala!

Carroo Hundasaa
@Walaloon_Jaalala