ግጥም ለኢየሱስ ️️️📖✍

ተከታታይ መንፈሳዊ ልብወለድ

#ሁለት_ሰይፍ
ክፍል ሶስት (ሜርሲ✍️)


"ኦውው... የአቤነዘር ጓደኛ...ማታ መልእክት ልኮልኝ ነበር እመልሰዋለሁ እያልኩ ተዘናጋሁ::"
"ያ.. አብሮኝ እንዳይመጣ ፕሮግራም ገጠመው::አቅጣጫውን እያጠያየኩ ነበር የደረስኩት::"
"ኦውው.. አስለፋሁህ ይቅርታ::የሚከራየው ቤት ከዚህ ቤት ሶስተኛ ላይ ያለው ነበር::እምም... ቀደም ብትል ጥሩ ነበር::አንድ ሶስት ቀን አለፈው ሰው ከገባባት::"
"እርሊይ..."
"ይቅርታ በጣም::"
ዮሃና መጥታ ከአጠገቧ ትቆማለች::
"እንዴ ናቲ..."
ዞራ አየቻት:-
"ታውቂዋለሽ::"
"እኛ ቸርች ሆኖ እሱን የማያውቀው አለ::ልክ እኛ እዛ ቸርች እንኳን ደህና መጣችሁ የተባለን ቀን ነው እርሱ የተሸኘው::የወጣቶች መሪ ነበር::አንቺ አልነበርሽም ነበር::"
"ኦውው... አንድ ቀን አይተሽኝ ነው ያልረሳሽኝ::"
"መርሳት የማልፈልገውን ሰው አልረሳም::ምን እግርህ ጣለህ እኛ ቤት?"
"እምም... የሚከራይ ቤት አለ ተብዬ ነበር::ተከራይቷል::"
"ኦውው... ብቻህን አንድ ግቢ ነው የምትፈልገው ማለት ነው?"
"አይ እንደዛ እንኳ ሳይሆን.. ሥራዬን ከቤት ሆኘ ስለሆነ የምሰራው..."
"ገባኝ::ግን እዚህ ማንም ነፃነትህን የሚነሳ የለም::ግራውንድ ላይ ከተመቸህ ክፍሎች አሉ::እኛ አንጠቀምበትም::"
"ዮሂ..."
"እህቴ ደግሞ::ለሚታመን ሰው ነው የማከራየው ስትይ አልነበር::"
"አይ... ፍቃድሽ ካልሆነ ችግር የለውም ሌላ ቦታ እከራያለሁ::"
"አይ እንደዛ ሳይሆን::ልንረብሽህ እንችላለን ብዬ ነው::"
"እነማናቸው የሚረብሹት?.. አረ እህቴ... ይሀውልህ ናቲአታስብ::አንድ አንዴ እኔ ብረብሽህ ነው... እባክህን ክፍሉን ልታየው ትችላለህ?..."

*                          *                           *

"ዕቃ ከመግዛት ነው የተረፍኩት::ሙሉ ዕቃ የተሟላለት ቤት ነው::ሳሎን መኝታ ሻወር አለው ሌላ ምን እፈልጋለሁ::"
"አይ ጥሩ አድርገሃል::እዛ መግባትህ የእግዚአብሔር ፍቃድ ይሆናል::አሁን እንዴት እንደምታሳምናቸው አስብ::"
"እምም... እሱም አለ ለካ... አይፈቅዱልኝም በእርግጥ::አሳውቅሃለሁ ለማንኛውም::"
"እንደዋወል.." ስልኩን ከዘጋ በኋላ ወደ ጎን አይኑን ከትራፊኩ ላይ ይጥላል::የፈራው አልቀረም የፊሺካ ድምፅ ይሰማል::
"ፈጣሪዬ... ናቲ መንጃ ፍቃድ ይዣለሁ በለኝ::"መኪናውን ከዳር አቁሞ ሊፈልግ ዝቅ ይላል::

*                            *                            *

"በዛ ላይ ቆንጆ ነው..."
"ምን አልሽ!?"
"ቀልዴን ነው አረ::"እጇን ከፍ እያደረገች::
"ለቀልድም ቢሆን..."
"አረ አምላኬ መች ነው እንደዚህ አንባገነን የሆንሽው::"
"ዶክተሩ ያለውን በደምብ ሰምተሻል::በፍፁም መጠጥ አጠገብ መድረስ የለብሽም::ጨጓራሽ በጣም ተጎድቷል::"
"እሺ... እሞክራለሁ::"
"እሞክራለሁ አይደለም ታደርጊዋለሽ!" ትላለች ድምፁአን ከፍ አድርጋ::
"እህቴ እየጮህሽ ነው::"
"ልጩህ::ጮኬም በገባሽ::"
"እህቴ ከአይንሽ እንባ እየፈሰሰ ነው እያለቀስሽ ነው?"
ፊቷን ወደ አስፓልቱ አድርጋ በእጇ እንባዋን ትጠርጋለች::
"መች ነው እራስሽን መበቀል የምታቆሚው?... ቆይ እንዳጣሽ ትፈልጊያለሽ?... እናታችን እጄን ይዛ ነው ቃል ያስገባችኝ::"
"እህቴ.. ይቅርታ::" ስታቅፋት ሳራም ታቅፋታለች::
ድምፅ ሰምታ ዘወር ስትል ማክቤል ከመኪናው ውጭ ሆኖ መስታወቱን እያንኳኳ አይታ ፈገግ ትላለች::
"ማክ... " ዮሀና ዘወር ብላ ታየው እና ትስቃለች::
"በሩን ክፈቺለት::" ከኋላ ሲገባ ቦርሳውን አስቀምጦ በየተራ ይስማቸዋል::
"ክላስ ቆንጆ ነበር ማክ.."
"አዎ... ተሻለሽ አንቺ?"
"አንተም ሰምተህ ነበር!?"
"ባትሄጂ ማታ ጥሩ እራት ትበይ ነበር::አያምሽም ነበር::"
"የእኔ ነብስ::ሁለተኛ አልሄድም ጥያችሁ::አሁን ቤት ሄደን ቆንጆ እራት እንሰራለን::"
"እንዴ... ዛሬ ፒዛ አልጋበዝም?"
"ትጋበዛለህ አረ... እሱ ግን መክሰስ ነው::እራት እኔ ነኝ ቆንጆ አድርጌ የምሰራው::"
"ምን... እራት ላይ እንቁላል ልታበይን?"አለች ሳራ::
"እየተሰደብኩ ነው!?"
ማክቤል እና ሳራ ተያይተው ይሳሳቃሉ::

*                         *                                *

ናትናኤል ከእናቱ ሕይወት እና አባቱ ኪሮስ ጋር እራት በአንድ ጠረጴዛ እየተመገበ በየመሃሉ ቀና እያለ ይመለከታቸዋል::
ኪሮስ አስተውሎት ኖሮ ከወንበሩ ደገፍ ብሎ ይመለከተዋል::
"የሆነ ነገር ልትነግረን ፈልገሃል አይደል?"
ደንገጥ ብሎ ቀና ብሎ ይመለከተዋል::ሕይወትም መመገቧን አቁማ ታየዋለች::ከዚህ በላይ እንደማያስኬደው ስላወቀ ለመናገር ይወስናል::
"ምን መሰላችሁ አባዬ.... አድጌባችሁ አይደለም::እናንተ ላይ ማደግ አልፈልግም::ይሄን ስወስን ሁለት ዓመት እርቄያችሁ ቆይቼ እንደገና ልርቃችሁ ፈልጌ ሳይሆን...."
"ናቲ... ምንድነው ዋናው ጉዳይ?" አለ ኪሮስ ቆጣ እንዳለ::
"ቤት ተከራይቻለሁ::" ፊታቸው ሲለዋወጥ አስተዋለ::

   Like🥰 Comment📩 Share💫
ቀጣዩ  እንድለቀቅ

ይቀጥላል...

ግጥሜን  ለኢየሱስ
   💙እወዳችኋለሁ 💙
---------------------------------------------------------
SHARE
| @GITIM_ALEM |
| @GITIM_ALEM |
--------------------------------------------------------
SHARE
   Contact me  @abu_ND8

ያዕቆብ 4 ፥14፤ ሕይወታችሁ ምንድር ነው? ጥቂት ጊዜ ታይቶ ኋላ እንደሚጠፋ እንፍዋለት ናችሁና።

ክርስትናን ያለ ኢየሱስ እንዳትጀምሩት ድካምነው የሚታተርፉት

ኢየሱስ የዳዊት ልጅ(የይሁዳ ነገድ) መባሉ በዮሴፍ በኩል ነው ወይስ በማርያም????🤔

መጽሐፍ ቅዱሳችን የኢየሱስ ክርስቶስን የትውልድ የዘር ሐረግ እየቆጠረ ከአብርሃም ጀምሮ እስከ ኢየሱስ ክርስቶስ ልደት ያለውን በመተንተን በመጽሐፍ ቅዱሳችን በማቴ 1 ላይ በሰፊ ይናገራል ። ታርኩም የኢየሱስን ልደት እና የዘር ሐረግ ቆጠራውን ሲጨርስ በማርያም ላይ ሳይሆን በዮሴፍ ላይ ይቋጫል ። ይህም ለብዙዎች ጥያቄ ፈጥሮባቸዋል ጥያቄውም አንድ ታርኩ በዮሴፍ ላይ ማለቁ ሁለት ዮሴፍ ከኢየሱስ ዘር ጋር አለመነካካቱ ለብዙዎች ጥያቄ ይፈጥርባቸዋል ። ታዲያ ኢየሱስ እንደት የይሁዳ ዘር ተባለ??
ማቴዎስ 1፥15፤- ኤልዩድም አልዓዛርን ወለደ፤ አልዓዛርም ማታንን ወለደ፤ ማታንም ያዕቆብን ወለደ፤
16፤- ያዕቆብም ክርስቶስ የተባለውን ኢየሱስን የወለደች የማርያምን እጮኛ ዮሴፍን ወለደ።

እና እዚህ ጋር ታርኩ የሚያበቃው በዮሴፍ መወለድ እንጂ በማርያም አይደለም ።
ግን ከኢየሱስ የዘር ግንድ ጋር ግንኙነት ያላት ማርያም ናት። ዮሴፍ የማርያም ፍቅሬኛ(እጮኛ) እእንደነበር መጽሐፍ ቅዱሳችን ይናገራል ። የመጽሐፍ ቅዱስ አዋቂዎቹ ይህንን የዮሴፍ ታርክ ከኢየሱስ ውልደት ጋር የምሚያገናኙበት ብዙ መንገድ አለ አንደኛውና ዋነኛው መንገድ ማርያም እና ዮሴፍ የአንድ ቤተሰብ ልጆች እንደነበሩ ያነገራል ማለትም ዮሴፍ የማርያም የአጎቷ ልጅ እንደነበረ ነው። ማርያምና ዮሴፍ ሁለቱም የሚመዘዙት ከዳዊት ነገድ ነው ይህም ዳዊት የይሁዳ ነገድ ነው ኢየሱስም በማርያምና በዮሴፍ በኩልም በሁለቱ የሚመዘዘው ከይሁዳ ነገድ ነው።

ራእይ 5 ፥ 5 :- ከሽማግሌዎቹም አንዱ፡— አታልቅስ፤ እነሆ፥ ከይሁዳ ነገድ የሆነው አንበሳ እርሱም የዳዊት ሥር መጽሐፉን ይዘረጋ ዘንድ ሰባቱንም ማኅተም ይፈታ ዘንድ ድል ነሥቶአል፡ አለኝ።

ይሄ ኢየሱስ ነው የይሁዳ ነገድ 🦁አንበሳ የተባለው

✍️በአማኑኤል ነጋሽ(አቡ) የቀረበ


ግጥሜን  ለኢየሱስ
   💙እወዳችኋለሁ 💙
---------------------------------------------------------
SHARE
| @GITIM_ALEM |
| @GITIM_ALEM |
--------------------------------------------------------
SHARE
   Contact me  @abu_ND8

ተከታታይ መንፈሳዊ ልብወለድ

#ሁለት_ሰይፍ
ክፍል ሁለት(ሜርሲ✍️)

"ማክቤል.." በዝግታ ዘወር ብሎ ይመለከታት እና ዓይኑን አንገቱን ይመልሳል::በእፎይታ ትተነፍስ እና ከሶፋው ላይ ከአጠገቡ ትቀመጣለች::
"ጨረቃዋ ደስ ትላለች አይደል?"
"እማዬ ሁሌ ማታ ማታ እዚህ መቀመጥ ትወድ ነበር::"
ትመለከተዋለች::
"ለምን ቆንጆ እራት አንሰራም?"
"ላዛኛ ነው?"
"ኦፍኮርስ.... የፈለግከውን::"
እጁን ይዛ ይነሳሉ::

*                                *                              *

"እና አቤኒ... እንዴት ነው ቸርች... የወጣቶች መሪ መሆን..."
"ለአንተ አልነግርህም መችም ፈታኝ መሆኑን ::ግን እግዚአብሔር ይመስገን እሱ ከድካምህ በላይ ያደርግሃል::"
"እሱ ነው ትልቁ ነገር::" አስተናጋጁ ያዘዙትን የቤቱን እስፔሻል ኮምቦ ከፊታቸው ያስቀምጥ እና ከመሶቡ ከትሪው ላይ አድርጎላቸው::
"መልካም እራት::"ብሏቸው ሲሄድ አፀፋዊ ምስጋናቸውን ሰጥተውት ወደ ምግቡ ይመለከታሉ::
"በጣም የናፈቀኝ ምግብ::"
"ምሳ መጋበዙ ባይፈቀድልኝም እራቱ አይቅርብኝ ብዬ ነው::እንፀልይ::"
"ያ.."አይኑን ሲጨፍን አቤነዘር ይፀልይ እና እየተጫወቱ መመገብ ይጀምራሉ::በመሃል ናትናኤል አሰብ ያደርግ እና:-
"እኔ ምልህ አቤኒ... የሚከራይ ቤት እየፈለግኩህ ነበር እና አሪፍ ደላላ የምታውቀው ካለ..."
"ለማን ነው የምትፈልገው?" ግራ እየተጋባ ጠየቀው::
"ለእራሴ ነዋ ሌላ ለማን ይሆናል::"
"አረ አትቀልድ ናቲ::ቤታችሁስ..."
"ጠብቄ ነበር አለማመንህን::online ሥራዎችን ስለሆነ እየሰራሁ ያለሁት እረጅም ሰዓት ቤት ስቀመጥ ሌላ ነገር ይመስላቸዋል::እና ሥራው ነፃነት ይፈልጋል::በዛ ላይ ደግሞ እራሴንም ብቻዬን ሆኘ ሕይወቴን መምራት እፈልጋለሁ::"
"ይሄ ከባድ ነገር ነው::ነግረሀቸዋል?"
"አይ::ቤቱን ላግኝ እና እነግራቸዋለሁ::"
"ካልክ እሺ.... እምም... ደላላ ሳያስፈልገው የሆነ ቤት አለ::ካላከራዩት የምጠይቅልህ ይሆናል::ግን ምን አይነት ቤት እንደምትፈልግ አልነገርከኝም::"
"ምንም ይሁን ብቻ የእኔ ቤት መዋል የሚያሳስበው ሰው የሌለበት ቦታ ይሁን::"
"ገባኝ.."

*                             *                              *

ሳራ ከሳሎኑ ላይ ካለው ሶፋ ላይ ጋቢ ለብሳ ጋደም ብላ አንዴ የግድጊዳውን ሰዓት አንዴ በሩን ትመለከታለች::ሰዓቱ ለስድስት ይቆጥራል::ስልኳን አንስታ ቁልፎቹን ስትጫን የበር ጥሪውን ትሰማ እና ብድግ ብላ የሳሎኑን በር ከፍታ በመውጣት ከግቢው በር እሮጥ ብላ ደርሳ በሩን ትከፍታለች::ዮሃና በስካር መንፈስ ሆና ራይድ ካመጣት ሹፌር ትከሻ ላይ እራሷን ጥላለች::
"እባክሽን ታግዥኝ::"
ሳራ ፈጠን ብላ ትደግፋት እና ጋቢውን ታለብሳታለች::
"እስከ ቤት ላግዝሽ?"
"አይ አመሰግናለሁ::ከፈለችህ?"
"አዎ::በዚህ እንኳ ጎበዝ ናት::"
ፈገግ ብላ:-
"አመሰግናለሁ::ደሕና እደር::" ይዛት እስክትገባ ይመለከት እና ወደ መኪናው ይመለሳል::"
ሳራ ደግፋት እያስገበቻት ዮሃና በጨረፍታ ትመለከታታለች:-
"እህቴ.. ይቅርታ::ሳልፈልግ ነው::"
"አስገድደውሽ ነው አይደል::"
"አዎ እህቴ ልክ... ብለሻል::"
"አስገድደውሽ.. ህ... ማክቤል ተኝቷል ድምፅሽን ቀንሽ::
ከተከፈተው በር ይገቡ እና ከኋላቸው ትዘጋለች::

*                  *                               *
ዮሃና ከፊቷ ላይ ያለው ብልድልብስ ሲከፈት አይኖችዋን ትከፍታለች::ወዲያው የእራስ ምታቱ ህመም ጭንቅላቷን በእጇ ያስይዛታል::ሳራ ቆማ ትመለከታታለች::
"እኔና መክቤል እየወጣን ነው::ሱፍ ፍትፍት እና ጁስ አዘጋጅቼልሻል::ማስታገሻም ውሰጂበት::ዛሬ እረፍት አድርጊ::"
"እንዴ.. ክላስ እሄዳለሁ እኮ..."
"እንደዚህ ሆነሽ ነው የምትሄጂው!?.. ማታ ደም ነበር እኮ ሲያስመልስሽ የነበረው::ለማንኛው ሰራተኞቹን ቦታ ቦታ አስይዤ እመለሳለሁ::ሀኪም ቤት እንሄዳለን::"
"ሀኪም ቤት..!?"
ሳራ ሳትመልስላት ትወጣለች::
"ኤጭጭ ..."

*                        *                             "

"ሰዓት እየሄደ ነው... ቶሎ በይ..."
"እየጨረስኩ ነው እህቴ....."

የበሩን ደውል ስትሰማ ግራ በመጋባት አሰብ ታደርግ እና ወደ ውጭ በመውጣት በሩን ስትከፍት ከፊቷ የቆመውን ወጣት አይታ ደንገጥ ትላለች::
"ሰላም.. ምን ነበር?"
"ሰላም... ናትናኤል እባላለሁ::የሚከራይ ቤት እንዳላችሁ ሰው ጠቁሞኝ ነው የመጣሁት"


Like🥰 Comment📩 Share💫
ቀጣዩ  እንድለቀቅ

ይቀጥላል...

@gitim_alem
@gitim_alem

እግዚአብሔር ሲወድህ

ዓይንህን አፍዝዞ
ልብህን አደንዝዞ
በዓለም ሽንገላ
ዓይንህ እንዳይበላ
ልብህ እንዲዳረቅ ኢየሱስን ብላ
ያረጋል እንዳታይ ከመስቀሉ ለላ

እግዚአብሔር ሲወድህ

ይሄ አመንዝራ
ተብለል ስትጠራ
ተይዘህ በጠራራ
ከዝሙትህ ስራ
ስትሰራ ተገኝተህ ከዝሙቱ ተራ
ለፍረድ ሲያመጡ ለድንጋይ ወገራ
እግዚአብሔር ሲወድህ ቆሞ ካ'ንተ ጋራ
ጻድቅ ነኝ የሚል ሰው በድንጋይ ይውገራ
ቢሎ ያፋታና እነሱም ሲሄዱ በተራ
ለስለስ ባለ ድምጹ ፍቅር እያጋራ
ከዛሬ በኋላ ደግመህ እንዳት ሰራ

እግዚአብሔር ሲወድህ

ሞትም ቢመጣብህ
አልክድህም ብለህ
መሐላ ፈጽመህ
ከሱ ተከራክህ
ደካመ ነህ ስልህ
አትችልም ብሎህ
ከሱ ተከራክረህ
ልክ እንደ ተባለልህ
ዶር ሳይጮህ ክደህ
በራስህ አምረህ
በንስሃ ቀርበህ
ዳግም ይቀበላል
እግዚአብሔር ሲወድህ

✍️ አማኑኤል ነጋሽ(አቡ)

ግጥሜን  ለኢየሱስ
   💙እወዳችኋለሁ 💙
---------------------------------------------------------
SHARE
| @GITIM_ALEM |
| @GITIM_ALEM |
--------------------------------------------------------
SHARE
   Contact me  @abu_ND8

ሌላ ነገር ታገስ ብትለኝ
ጠብቃለሁ እስኪሆንልኝ
ግን አባቴ ለክብርህ ነገር
በህልውናህ ውሎ ለማደር

አዝ:- ቸኮለብኝ ልቤ ሊያገኝህ
እንዴት ብዬ ኢየሱስ ልያዝህ
ናፍቆቴ ነህ የሁሌ አምሮቴ
አንተን ማየት ክብርህ ጉጉቴ 

ኢየሱስ ዓይኔ በርቶ አንዴ ልይህ
ኢየሱስ ውስጤ ራበኝ እስከምነካህ
ኢየሱስ እኔ አልችልም መኖር ካለዚያ
ኢየሱስ በሌለበት ክብርህ ህልውናህ

ቸኮለብኝ ልቤ ሊያገኝህ
እንዴት ብዬ ኢየሱስ ልያዝህ
ናፍቆቴ ነህ የሁሌ አምሮቴ
አንተን ማየት ክብርህ ጉጉቴ 

አንተን ማየት ክብርህ ጉጉቴ
አባትዬ ፊትህ ጉጉቴ
ኢየሱሴ ክብርህ ጉጉቴ
አባትዬ ክብርህ ኢየሱሴ

ኢየሱሴ የነካው ሰው
ኢየሱስን በዓይኑ ያየ ሰው
ኢየሱሴ የገባው ሰው
ኢየሱስን በዓይኑ ያየ ሰው
ለሌላ ነገር መኖር አይችልም 
ለፈለገው ነገር መኖር አይችልም
ለፈለገው ነገር መኖር አይችልም 

የመቅደስን ደጅ የሚጠኑ
ብዙ ናቸው አንተን የሚሹ
አምላክህን አሳየኝ ሚሉኝ
ክብሩ የታል እስኪ አሳውቀን

ወዴት ልበል የት ጋር ነህ ውዴ
በእኔ ዘመን ይረፍ ትውልዴ
ከእኔ ውጪ የትም አልጠቁም
በእኔ ላይ ና እስኪያይህ ሁሉም 

ኢየሱስ ዐይኔ በርቶ አንዴ ልይህ
ኢየሱስ ውስጤ ራበኝ እስከምነካህ
ኢየሱስ እኔ አልችልም መኖር ካለዚያ
ኢየሱስ በሌለበት ክብርህ ህልውናህ 

የጭንቅ ነው ስጠራህ ውዴ
የውስጤን ምጥ ቃላት ሰብስቤ
ቢነግርልኝ የልቤን ጩኸት
የጥማቴን የርሃቤን ልክ

እስከመቼ እንዲሁ በልማድ
ያሰለቻል ሲደገም ትላንት
ብዙ ክብር ብዙ ህልውና
አዲስነት በየማለዳ

ኢየሱሴ የነካው ሰው
ኢየሱስን በዓይኑ ያየ ሰው
ኢየሱሴ የገባው ሰው
ኢየሱስን በዓይኑ ያየ ሰው
ለሌላ ነገር መኖር አይችልም 
ለፈለገው ነገር መኖር አይችልም
ለፈለገው ነገር መኖር አይችልም

ግጥሜን  ለኢየሱስ
   💙እወዳችኋለሁ 💙
---------------------------------------------------------
SHARE
| @GITIM_ALEM |
| @GITIM_ALEM |
--------------------------------------------------------
SHARE
   Contact me  @abu_ND8

የሚወደኝ ጌታ

የሚወደኝ ጌታ
የፈጠረኝ ለታ
በዛ በውብ ገነት
ልንፈላሰስበት
ሁሉን አመቻችቶ
ረዳት አበጅቶ
እንድኖር በድሎት
የሞት ሞት እንዳልሞት
ይቺን ዛፍ አትብላት
ብሎ ቢነግረኝ
እያስጠነቀቀኝ
የአምላክ ተቀናቃኝ
ዲያቢሎስ አታሎኝ
በምኞቴ ገብቶ
በአይኔ አስጎምጅቶ
አሰወደቀኝና
ይነዳኝ ጀመረ ወደሞት ጎዳና

የሚወደኝ ጌታ
ህጉን የጣስኩ ለታ
እያፈላለገኝ
አዳም የት ነህ አለኝ
ኃጢአት መሃል ገብቶ
ግድግዳ ገንብቶ
እኔና እግዚአብሄር
አንድ ላይ እንደኖር
በኔው ስተት ውድቀት
ተለያየንና
እራመድ ጀመረ በሲኦል ጎዳና

የሚወደኝ ጌታ
በኃጢአት ስረታ
ስቆም ከሞት ተርታ
ብዙ በድዬውም
ትዛዙን ብጥስም
ፍቅሩን አልቀነሰም
ኃጢያትን ቢጠላም
እጅግ ቢጠየፍም
ኃጢያቴን ሊሸከም
አላንገራገረም
እንደበግ ተነድቶ
በመስቀላይ ሞቶ
በቀኙ አስቀመጠኝ
ሰማይ አስገብቶ

ሼር አድርጉ

ግጥሜን  ለኢየሱስ
   💙እወዳችኋለሁ 💙
---------------------------------------------------------
SHARE
| @GITIM_ALEM |
| @GITIM_ALEM |
--------------------------------------------------------
SHARE
   Contact me  @abu_ND8

ባለጠጎች ደኸዩ፥ ተራቡም፥ እግዚአብሔርን የሚፈልጉት ግን ከመልካም ነገር ሁሉ አይጐድሉም።"
   -መዝሙረ ዳዊት 34: 10


ብቻ የእግዚአብሔር ፊት ፈልጉ እንጂ
ታምራት ሰርቶ ያኖራችኋል በራሱ ደጅ

ቀኔን ያሳመረልኝ ጥቅስ

መልካም ቀን ይሁንላችሁ

ተከታታይ መንፈሳዊ ልብወለድ

#ሁለት_ሰይፍ
✍️ሜርሲ
ክፍል አንድ

"ይሄ መኪና ፍጥነቱ ምንም አላማረኝም::"
"ሆስፒታል ገብታለች እኮ ልጄ::"
"አውቃለሁ ግን ተረጋግተህ ንዳው..."
ወደ ኋላ ስትመለከት ማክቤል ጆሮው ላይ ማዳመጫ አድርጎ ውጪውን ይመለከታል::
ዘወር ትላለች:-
"መኪናውን አቁመው.."
ዞሮ ይመለከታታል:-
"ምን ሆነሻል::"
"መኪናውን አቁመው.."ድምፁአን አውጥታው ስለነበር ማክቤል ማዳመጫውን ያወጣ እና ወደ እነርሱ ይመለከታል::
"ጥሩ ስሜት እየተሰማኝ አይደለም::"
"እማዬ..."
ሁለቱም ወደ ማክቤል ይዞራሉ::እና በዝግታ አይናቸውን ከማክቤል አይን ጋር አከታትለው ከመንገዱ ያደርጋሉ::
"ፍፁም እያየህ::" ከእሷ ድምፅ እኩል መሪውን ወደ ግራ ያዞረዋል::
"እማ... አባ..."ሳራ በሩን በርግዳ ትገባ እና አልጋው ላይ የመዝለል ያህል ወጥታ ከጉያዋ ውስጥ ታስገባዋለች::
"ቅዠት ነው.... ቅዠት ነው::"

*                             *                                  *

"እግዚአብሔር በሥራው አይሳሳትም::የሚሳሳት ይመስላል በእርግጥ::ግን እውነታው እሱ ዘንድ ስህተት የለም::"ፕሮግራሙ አልቆ ሰዉ መበተን ጀምሮ ሳለ አንድ ረዘም ብሎ መልከ መልካም ወጣት እየተጣደፈ ጉባኤውን ቀድሞ ይወጣል::

"ናቲሻ.."
ዘወር ብሎ ይመለከታል::
"አንተ... ወዴት እያመለጥክ ነው::"
ቆም ብሎ በፈገግታ ይጠብቀው እና ሞቅ ያለ ሰላምታ ይለዋወጣሉ::
"ተናፍቀሃል.."
"እዚህም እንደዛው::"
"እና ምን ያስሮጥሃል..."
"ትንሽ ደክሞኛል አቤኒ::እዚህ ቆየሁ ማለት ጉባኤውን ሁሉ ሰላም አልኩ ማለት ነው::"
"ይሄ መበላሸት ነው ይታረም::"
"በእርግጥ አዎ ይታረማል::"
"ሙሉ ፕሮግራሙን ተኝተሽ ነበር..."
"ሲጀመር ለአንቺ ስል ነው የመጣሁት.."
ሁለቱም ድምፁን ወደ ሰሙበት ዘወር ይላሉ::ሁለት ሴቶች እና አንድ ልጅ ፈጠን እያሉ ጀርባቸውን ሰጥተው ከግቢው ያልፏቸዋል::
"ታሳዝነኛለችም... ታበረታኛለችም::"
ናትናኤል ወደ እሱ ይዞራል:-
"ማናት.."
"አንተ ውጭ በነበርክ ጊዜ ብዙ ታሪክ አልፎሃል::"
ናትናኤል ድጋሚ ዞሮ ይመለከታቸዋል::
"እንዴ... ናቲ... መች መጥተህ ነው?"
"አላልኩህም... ማደሬ ነው በቃ::"
"የቅዱሳን ሰላምታ ሊናፍቅህ ነበር የሚገባው::ምሳ እና ቡና በእኔ ግብዣ ይሁን::አሁን ሰላም በላቸው::"
ፈገግ ብሎ ወደጠራው ሰው ዘወር ይላል::

*                             *                             *

"መኪናዬን በትክክል እንድነዳው ፍቀጂልኝ እባክሽ::"
"ምኑን ነዳሽው::እስካሁን በእግሬ ሮጥ ሮጥ ብል ቤት ደርሼ ወጥቼ ነበር::"
"በዚህ ሰዓት ክራውድድ ይሆናል::ሶ ታገሺኝ ፕሊስ::ደግሞ የት ነው የምትወጪው?"
"የጓደኛዬ ልደት አለብኝ::"
"የአንቺ ጓደኞች ደግሞ በየእሁዱ ነው እንዴ ልደት የሚያከብሩት::"
"ጓደኞቼ ብዙ ናቸው::ሰው ይስጥሽ ብሎ መርቆኝ::ዛሬ ልክ አልሰራሽም::ቆይ የከተማው ሰው ሁሉ እኔ ሳልሰማ መኪና ታደለው እንዴ::"
ሳራ ፈገግ ብላ መንገዱን ታያለች::
"በኢየሱስ ስም!" ቃሉ ከአፏ እንደወጣ ፍሬኑን የበጠሰ መኪና ከግራ በኩል በብርሃን ፍጥነት ወጥቶ ከአንዱ ቪ8 ጋር ይላተማል::ሁለቱም በድንጋጤ ፈዘው ከፊታቸው የተፈጠረውን እየተመለከቱ ከኋላ ድምፅ ይሰሙ እና ዘወር ይላሉ::
"ማክ.." በአንድ ድምፀት::

*                              *                               *

ሁለቱም ማክቤል ላይ ዓይናቸውን አድርገው ከአልጋው ጫፍ ተቀምጠው ይመለከቱታል::
ዮሃና በዝግታ ትነሳለች::
"ተኝቷል::ልሂድ::" ቀረብ ብላ ግንባሩን ትስመው እና ለአፍታ ተመልክታው ትወጣለች::ሳራ ትከተላታለች::በሩን ገርበብ ካደረገች በኋላ ዮሃና ክፍሏ ስትገባ ተከትላት ትገባለች::ዮሃና ቁም ሳጥኗን በመክፈት በፍጥነት ልብስ ለመምረጥ ትሞክራለች::ከአልጋው ላይ ከዘረገቻቸው ልብሶች ላይ ግራ በመጋባት አይኗን ታንከራትታለች::
ከበሩ ላይ ቆማ ወደ ምታያት ሳራ እየተመለከተች:-
"ስምኚ እህቴ.... እኔ ስቻኮል ምን መልበስ እንዳለብኝ እንኳ አላውቅም::"
"እኔ ገና እንድትሄጂ አልፈቀድኩልሽም::"
"ቸርች ሄጄልሻለሁ ይሄን አትርሺ::"
"ለእኔ ነበር..."
"ኦፍ ኮርስ...ወንበር ላይ ከምተኛ አልጋዬ ላይ ተኝቼ አሳልፌ ቢሆን ኖሮ ይሄ ሁሉ ጣጣ ባልተከተለ ነበር::አሁን አትመርጪልኝም::ህ.. ለዛሬ ብቻ::"
ወደ እሷ ስትቀርብ በደስታ ከመሬቱ ዘለል ዘለል ትላለች::
"ማክ ተኝቷል..."
"ኦህህ... ይቅርታ...." ባለችበት ቀጥ ብላ ትቆማለች::
ሳራ አልጋው ላይ ካሉት ልብሶች አንዱን ውሃ ሰማያዊ ከለር ቀሚስ ታነሳለች::
"ትራይ ዚስ ዋን..."
ዮሃና በፈገግታ ትቀበላታለች::
"ግን እባክሽ... አምሽተሽ እና ሰክረሽ ቤት አለኝ ብለሽ እንዳትመጪ::"
"አያሳስብሽ..ቤት ሞልቷል..."
"ህ..."
"አልጠጣም.. አላመሽም እህቴ::"
"ሹፌሩን ልደውልለት::"
"አይ እህቴ.... ራይድ እደውላለሁ::"
በትዝብት ስትመለከታት ቆይታ ትወጣለች::

*                                  *                             *

ሳራ ከእንቅልፏ ስትባንን ከሶፋው ላይ ከሳሎኑ መተኛቷን አስተዋለች::ስልኳን ከጠረጴዛው በማንሳት ስትመለከት ከምሽቱ አንድ ከአስር ይላል::
"በጌታ... እንዴት ብተኛ ነው..." አሰብ ታደርግ እና እግሯን በፍጥነት ከሶፋው በማውረድ ነጠላ ጫማውን አድርጋ ስልኳን እንደያዘች ወደ ላይ በደረጃው ትወጣለች::ደረጃው እንዳለቀ አንደኛ ፎቅ ላይ ካለው በስተቀኝ በኩል የማክቤልን ክፍል ከፍታ ትገባለች::አይኖችዋን ከክፍሉ ላይ እያንከራተተች ከቆየች በኋላ ከፍ ባለ ድምፅ:-
"ማክቤል..."ትላለች::

Like🥰 Comment📩 Share💫
ቀጣዩ  እንድለቀቅ

ይቀጥላል...

@gitim_alem
@gitim_alem

ልብወለዱን ልክ 2 : 30 እንዳለ እለቀዋለሁ ልብወለዱ ተከታታይና በጣም መሳጭ እንድሁም አጓጊ ነው ። ሲለሆነም ሁላችሁም ለቀጣዩ ክፍል እንደወደዳችሁት እንዳውቅ
#like🥰 #comment #share በማድረግ አሳውቁኝ

ሰላማችሁ የበዛ ይሁን ዛሬ ማታ 2:30

ሁለት ሰይፍ

የተሰኘው ልብወለድ መለቀቅ ይጀምራል ።
ሼር እያደረጋችሁት ጠብቁ

አብራችሁኝ ስለነበራችሁ ጌታ ኢየሱስ ዘላለማችሁን ይባርክ ቸር እደሩልኝ እወዳችኋለሁ 🥰