የራስ ገዝ የሀገርዎን ይግዙ ንቅናቄ ምክንያተ ምስረታዉ የኢትዮጵያውያን የሀገርን ምርት የመግዛት እና የመጠቀም ባህልን ማነቃቃት እና ማጎልበት ነዉ፡፡
የራስ ገዝ እንቅስቃሴ ይዞ የተነሳውን አላማ ከግብ ለማድረስ በየዘርፉ ልዩ ልዩ እንቅስቃሴዎችን ያደርጋል፤ ከነዚህም እንቅስቃሴዎች አንዱ ለህዝቡ ተደራሽ የሆኑ የመገበያያ መድረኮችን ማዘጋጀት ነዉ።
የዚሁ እንቅስቃሴ አንዱ ዘርፍ ከጥር 9 2012 ዓ.ም የሚጀምረዉ የቅዳሜ ሀገራዊ ፋሽን ገበያ ነዉ፤ ገበያው የኢትዮጵያ እና ሀገራዊ የሆኑ የፋሽን ድርጅቶችን አካቶ የሃገር አልባሳት፣ጫማዎች፣ቦርሳዎች፣ ጌጣጌጦች እና የተለያዩ መዋቢያዎችን ላይ ትኩረት አድርጎ የተዘጋጀ ቋሚ የቅዳሜ ሳምንታዊ ገበያ ነው። ይህ ገበያ በተለይ ስም (ብራንድ) ለማትረፍ ከሚሰሩ ከ50 በላይ የሆኑ ዲዛይነሮች፣ አምራቾች፣ ጦማሪዎች፣ አልባሾች እና ሌሎች የሀገር ፋሽን ተሳታፊዎችን ጋር ይጀመራል፡፡
በዚህ ሳምንታዊ የቅዳሜ ገበያ በየሰአቱ፣ በየፈረቃው ፣ የፋሽን ሾው እና ትንተና ይኖራል፤ በየአጋጣሚው ታዋቂ ሰዎች እና ሚዲያዎች ገበያውን እንዲጎበኙት ይደረጋል፤ ከደምበኞች አስተያየት ይሰበሰባል፣ አምራቾች የልምድ ልውውጥ ያደርጋሉ እና ወዘተ፡፡
እግረ መንገዱንም አዲስ አበባን የአፍሪካ የፋሽን መዳረሻ ለማድረግ፣ ሀገሪቱ በቱሪስቶች የምትጎበኝበትን አንድ ተጨማሪ ምክንያት ለመሆን፣ ሀገራዊ የሆኑ ልብሶቻችን ከባዕላት እና ከልዩ ልዩ ፕሮግራሞች በዘለለ በየትኛውም ጊዜ ላይ እንድንገዛ እና እንድንጠቀም ለማላመድ፣ አምራቾችም ከመታዘዝ አልፈዉ አምርተው መሸጥ እንዲችሉ ለማገዘ፣ ለውጪ ሀገር ገበያ ብቁ እና ተወዳዳሪ የሆኑ ምርቶችን እንዲያመርቱ ለማስቻል እንዲሁም ስለጉዳዩ የሚመለከታቸው አካላት ለምሳሌ የፋሽን ዲዛይነሮችን ፣ ጦማሪያን፣ የፋሽን ት/ቤቶች ፣ እና የፋሽን ሀያሲያን እርስ በርስ ለማስተሳሰር ይረዳል።
አንግዲህ እርሶዎ እና የተከበረ ድርጅትዎ የዚህ የሀገርዎን ይግዙ ንቅናቄ አጋር እንዲሆኑ አልፎም በዚህ ሳምንታዊ ዝግጅት ላይ እርስዎ፣ የስራ ባልደረቦችዎ፣ ወዳጆችዎ እና ቤተሰብዎ እንዲገኙ፣ እንዲጎበኙ፣ እንዲገበያዩ በትህትና እንጋብዛለን፡፡
ስፍራ፡ ቦሌ ወሎ ሰፈር፣ ንጉስ ባህላዊ ሆቴል (የቀድሞ አይቤክስ ሆቴል) ላይ፡፡ ስልክ፡ 0947 16 16 16

ቢያንስ 10 ወዳጅ ይጋብዙ