Delicious

እንሴኖ የሰለፊያ ቂርአት ሴንተር:
❖ታላቅ ሽምግልና!!!
የተውሒድ ትሩፋት ያልገባቸው ገና
የራቁት ከመንገድ ከረሱሉ ፋና
ብዙ አመለጣቸው ክብርና ዝና፤
በአምልኮ አሏህን ነጥለው ያዙና
ሰለፎች ተጓዙ በጠራው ጎዳና
ፍፁም በሌለበት እንቅፋት ገመና
በኢኽላስ ልባቸው ተሞልታለችና
ላኢላሃ ኢለሏህ በኢማን ጥፍጥና
እያሏት በተግባር ሹክር አደረሱና
ከጥቂቶች ሆኑ ከነዚያ ከጀግና
የተውሒድ አርበኞች መልካም ለናሙና
ከነሱ ስብስብ አሏህ ያድርገና
ሲሯጥን አላፊ በሰላም በደህና
ከ"ጀሒም" አርቆ ይወፍቀን "ጀና"
እድለኞች ያርገን ጭንቀቱ ሲጠና
ፈቅዶ የወደደው ለረሱል ነውና
በ"ሱጁድ" ጀመሩ ታላቅ ሽምግልና።
ራስህን ቀጥ አርግ ጠይቅ እስኪ አትፍራ
አንተ ነህ ተገቢ ከአሏህም ጭፍራ
በ"መቃመልመሕሙድ" በምስጉኑ ስፍራ
ሽምግልናህንም ስቀበልህ ኩራ
ስምህ ላቅ ብሎ በክብር ይጠራ
አንተ የኔ ባሪያ የረሱሎች አውራ
ኡመትህ ያግኙ በል እስኪ ተጣራ
ሲላቸው ጀሊሉ እሳቸው በተራ
ከኡመቴ መሐል ተውሒድን የዘራ
"ኻሊሶን ሚንቀልቢህ" ተውሒድን የሰራ
"ላኢላሃ ኢለሏህ" ሁሌ ተዘክራ
አዛን ተከታትላ ዱዓ ላይ ዘውትራ
"አልወሲላህ" ለኔ ለምና ጠንክራ
የኖረች ነፍስያ ሐቅ ላይ ሶብራ
እድለኛ ሆነች ሽምግልናው ገራ
ዛሬ በአሏህ ፈቃድ ምንንም አትፈራ።
ሰለፎች ተጠርተው ከድርሻው ሊጠጡ
በመላኢካ እይታ ከሐውድ መጠጡ
ሙብተዲዕ የሆኑ ተከልክለው ወጡ
ያለ አሏህ ፍቃድ ፍፁም ቢራወጡ
በጥም ቢቃጠሉ አይኖችም ቢፈጡ
አይቀምሱ ከሐውዱ በከንቱ ቢሮጡ
ዱኒያ ላይ ሰበቡን ሐቁን የረገጡ
ያኔ ይቆጫሉ በይፋ ሲቀጡ።
ይህን ሽምግልና ብዙዎች ተመኙ
ግን ተውሒድን ጠልተው ከሆነ ተሞኙ
አቡ ሁረይራህም እውቀትን አገኙ፤
ማነው እድለኛ? ስትሸመግል ያኔ
በማለት ነብዩን ጠየቀ በወኔ
ምላሻቸውን እይ ሚስኪኑ ወገኔ
ተውሒድ ተውሒድ ስልህ ብትሰለችም እኔ
አሁንም ተውሒድ ያዝ አትሁን ዋልመኔ
ይጠቅምህ ብየ ነው ወገን በመሆኔ
በዱዓም አትርሱኝ ለያኔው መዳኔ።
ፀሐይ ስንዝር ቀርባ አናት ስታፈላ
ምን ሊውጠን ይሆን ተውሒድ ብለን ችላ
ሱናን እየሸሸን ሰለፊይ ስንጠላ
በጠማሞች አንጃ ነፍስ ተበክላ
ልብ በ"ሹብሐ" ከዳር ዳር ስትሞላ
ዝም ብለን አይተን የኋላ የኋላ
ወየውላችን ጉድ ሳይንዝ ከለላ
ተጉዘን ያለ ስንቅ ነፍስም ድንበር ዘላ
ጨፍራ ከኢኽዋን ሙፍሊሲን ጋር ውላ
በሒክማ ስም ከንቱ ሽወዳ ተታላ፤
ታላቅ ሽምግልና ዋናው መነሻዬ
ከእድለኞች አርገን ብቸኛው ጌታዬ
ለሰበቡም አግራን ይድረስ ምስጋናዬ
አልሐምዱሊላሂ ይበል ልቦናዬ።
የአሏህ ውደታ ፍፁም መገለጫ
መከተል ነብዩን እንጅ የለም ምርጫ
ፍሬውም አማረ የጌታችን ልውጫ
መከተል ሙስጦፋን አስገኝቷል ብልጫ
ከተውሒድ ከሱና ያዝ ማረጋገጫ
ከሰለፎችም ጋር ጀነት መረገጫ
ከጣፋጩ መጠጥ ከሐውድ መጠጫ
አብረህ እንዳትገባ ከኢብሊስ መቀጫ
አትከተል የሱን ኮቴ መረገጫ
ከአሳማሚ ቅጣት ከእሳት ማምለጫ
ዞር ዞር አትበል ክፍተት ለሱ መስጫ
ተውሒድ ሱናን አጥብቅ እሱው ይሁን ምርጫ።

✔አቡ ሐኒፋ ዐብዱልከሪም (ከገጠር)

https://t.me/joinchat/AAAAAEH97b7YFdZX6y-v-A