✞ ያ ደሃ ተጣራ ✞

ያ ደሃ ተጣራ እግዚአብሔርም ሰማው
ደርሶ ስላንኳኳ ከጸባኦት እንባው
አምላክ በቸርነት በምሕረት ጎበኘው
ባለቀሰ ጊዜ ግራ የገባው ሰው
መሻትህ ብቻ ነው የሚፈለግብህ
እግዚአብሔርን ጥራ እመን ትድናለህ❨፪×❩

ንገረው ችግርህን የውስጥህን ብሶት
ይሽረዋልና አስፈሪውን ህይወት
ግራ የተጋባው የተከፋው ገጽህ
ይበራል በጸሎት አምላክህን ጠርተህ
መሻትህ ብቻ ነው የሚፈለግብህ
እግዚአብሔርን ጥራ  እመን ትድናለህ❨፪×❩
       /አዝ= = = = =
ለወገን ለዘመድ ያስቸገረው መላ
ሲቀልድ ታየዋለህ ካነባህ በኋላ
ሳቅና  ንዴትህ ይቀራል ይሻራል
በእርሱ ፈንታ ሰላም ፍቅር ይከባሃል
መሻትህ ብቻ ነው የሚፈለግብህ
እግዚአብሔርን ጥራ  እመን ትድናለህ❨፪×❩
         /አዝ= = = = =
በከንቱ መጨነቅ ራስን መጥላቱ
ነውና የአጋንንት መግቢያ ምልክቱ
ሀዘን በህሊናህ በፈሰሰ ጊዜ
ንገረው ለአምላክህ የልብን ትካዜ
መሻትህ ብቻ ነው የሚፈለግብህ
እግዚአብሔርን ጥራ  እመን ትድናለህ❨፪×❩

👉ሊቀ መዘመራን ይልማ ኃይሉ

#Share and #join ያድርጉ፤ ያስደርጉ።

   ╔​✞═══●◉❖◉●═══✞╗
       ✞ ✞ ✞ ✞ ✞ ✞ ✞ ✞ ✞
   ❖ @mezmuredawit  ❖
   ❖ @mezmuredawit  ❖
   ❖ @mezmuredawit  ❖  
      ✞ ✞ ✞ ✞ ✞ ✞ ✞ ✞ ✞
  ╚✞═══●◉❖◉●═══​✞╝

✍ ዜማ ቅዱስ ያሬድ