ዜማ ዘቅዱስ ያሬድ

የካቲት ፲፯ /17/

በዚች ቀን ከላይኛው ግብጽ ከአክሚም መንደር መነኰስ ሚናስ በሰማዕትነት አረፈ።

ይህም ቅዱስ በአንድ ገዳም ውስጥ እያገለገለና እየተጋደለ ከገዳሙ ደጃፍ ሳይወጣ ዐሥራ ሰባት ዓመት ኖረ።

እስላሞችም በግብጽ አገር በነገሡ ጊዜ ለእግዚአብሔር ከርሱ ጋር ለዘላለሙ ህልው የሆነ ከባሕርዩ የተወለደ ልጅ የሚሠርፅ መንፈስ ቅዱስም የለውም እንደሚሉ ሰማ ስለዚህም ነገር እጅግ አዘነ።

ከአበ ምኔቱም ቡራኬ ተቀበለ ወደ እስሙናይን ከተማ ወጥቶ ሔደ የእስላሞች ሠራዊት አለቃ በሆነ በመኰንኑ ፊት ቁሞ እንዲህ አለው። እናንተ ለእግዚአብሔር ከባሕርዩ የተወለደ ልጅ እንደሌለው አድርጋችሁ የምትናገሩ እውነት ነውን መኰንኑም አዎን ልጅ አለው ማለትን ከእግዚአብሔር እናርቃለን አለ።

አባ ሚናስም ያለ ልጅ ልታምኑ አይገባም እርሱም ያለ ዘር ያለ ሩካቤ የሆነ ነው ከባሕርዩ ተወለደ እንጂ አለው። መኰንኑም ልጅ አለው ማለት በሕጋችን ክህደት ነው አለ አባ ሚናስም እንዲህ አለው መኰንን ሆይ እወቅ የከበረ ወንጌል በወልድ ያመነ የዘላለም ሕይወት አለው በእግዚአብሔር ልጅ በወልድ ያላመነ ሕይወትን አያይም የእግዚአብሔርቁጣ በላዩ ይወርዳል እንጂ ብሏልና።

ስለዚህም መኰንኑ እጅግ ተቆጣ ራሱንም በሰይፍ እንዲቆርጡ ሥጋውንም በየቊርጥራጭ ቆራርጠው በባሕር እንዲጥሉት አዘዘ ምእመናንም ሥጋውን ወስደው በበጎ አገናነዝ ገንዘው ቀበሩት መታሰቢያውንም አደረጉ።

ወስብሐት ለእግዚአብሔር
ምንጭ፦ መጽሐፈ ስንክሳር

ልታስበው የሚገባ በመሆኑ ከጾመ ነቢያት ጋር አያይዘን እንድንጾም ሐዋርያት ሰብአ ነነዌ የተነሳሕያን አብነት ናቸውና ሥርዓቱም ጾሙም አይቅር ብለው ቀኖና ሠርተውልናል፡፡ እኛም በጾምና በጸሎት ከፈጣሪያችን ምሕረትና በረከት ለማግኘት ስንል እንጾመዋለን፡፡
በተጨማሪም ይህ ጾም ለዐቢይ ጾም መዘጋጃ በመሆን ያገለግላል፡፡
የነነዌን ሕዝብ በእሳት ከመቃጠል ያዳናቸው አምላክ እኛንም ከገሃነም እሳት ያድነን፡፡ አሜን!  
ወስብሐት ለእግዚአብሔር!!!
ምንጭ፦ መጽሐፍ ቅዱስ ፣ ስንክሳር ዘታኅሣሥ 6 ፣ ሰባቱ አጽዋማት ፣ ጾምና ምጽዋት

በስመ አብ ወወልድ ወመንፈስ ቅዱስ አሐዱ አምላክ አሜን!
          🕯 #ጾመ_ሰብአ_ነነዌ
   ይህ ጾም የነነዌ ሰዎች የጾሙት ሦስቱ ዕለታት ማለትም ሰኞ፣ ማክሰኞና ረቡዕ በኢትዮጲያ ኦርቶዶክስ ተዋሕዶ ቤተ ክርስቲያን ሥርዓት መሠረት የሚጾም ጾም ነው፡፡ በመባቻ ሐመር የጾሙ ወቅት ከፍና ዝቅ ይላል፤ ማለትም አንድ ጊዜ በጥር አንድ ጊዜ በየካቲት ይሆናል፡፡
   የነነዌ ከተማ ቅድመ ልደተ ክርስቶስ የተመሠረተችና ከጥንት ጀምሮ ጣዖት ይመለክባት የነበረች ጥንታዊት የአሶራውያን ዋና ከተማቸው ነች፡፡ በተጨማሪም በከተማዋ ጣዖት የሚያመልኩና እግዚአብሔርን የሚዘባበቱ ሕዝብና ነገሥታት ነበሩባት፡፡ (ለምሳሌ የንጉሥ ሰናክሬምና የእስራኤል ንጉሥ ሕዝቅያስን ታሪክ 2ኛ ነገ ምዕ 19 ያንብቡ)፡፡
   ይህች ከተማ በዚህ ሁኔታ ቀጥላ በ770 ቅ/ል/ክ የሕዝቡ ኃጢአት ከፈጣሪ ሲደርስ እግዚአብሔር ‹‹ነነዌ በዚህ ሦስት ቀን ትገለበጣለች ብለህ ንገራቸው›› ብሎ ነቢዩ ዮናስን ላከው፡፡ ዮናስ ግን የዋህ ስለነበረ ‹‹አንተ መሐሪ አምላክ ነህና እኔ እናገራለሁ አንተም ትምራቸዋለህ በመጨረሻም እኔ ውሸተኛ እባላለሁና ስለዚህ ወደ ነነዌ ሔጄ አልሰብክም›› በማለት ወደ ተርሴስ ለመሔድ በመርከብ ተሳፈረ፡፡ ነገር ግን እግዚአብሔር በአውሎና በወጀብ መካከል መንገድ ያለው ፍጥረታቱም ሁሉ የሚታዘዙለት አምላክ መሆኑ ይታወቅ ዘንድ በባሕሩ ላይ ወጀብ አስነሳ፡፡ ዮናስ የተሳፈረበት መርከብም ታወከች፤ በመርከቢቱ የተሳፈሩ ሌሎች ተሳፋሪዎችም ‹‹ከእኛ መካከል በደለኛ ማን ነው?›› ሲባባሉ ዮናስ ግን በመርከቡ አንደኛው ክፍል ገብቶ ተኝቶ ነበር፡፡ እነርሱም ቀስቅሰው ማንነቱን ሲጠይቁት ‹‹እኔ የሠራዊት ጌታ እግዚአብሔርን የማመልክ ሰው ነኝ፤ በእርሱ ላይ በማመጼ ይህ ሁሉ መከራ በእኔ ምክንያት አግኝቷችኋል፤ ስለዚህ እኔን ወደ ባሕር ጣሉኝ›› አላቸው፡፡ መርከበኞቹም እውነቱን ለማረጋገጥ እጣ ቢጣጣሉ በተከታታይ ሦስት ጊዜ በዮናስ ላይ ስለወጣ ዮናስን ከመርከባቸው አውጥተው በባሕር ላይ ጣሉት፡፡ ፍጥረታቱ ሁሉ ለእግዚአብሔር ይታዘዙለታልና ትልቅ ዓሣ ዮናስን ውጦ በባሕር ላይ እየተጓዘ በሦስተኛ ቀኑ በባሕር ወደብ ላይ በነበረች በነነዌ ከተማ ተፋው፡፡ ዮናስም ከዓሣው ሆድ ከወጣ በኋላ ስለከተማዋ በጠየቀ ጊዜ ነነዌ መሆኗን ነገሩት፡፡ ከዚያም እግዚአብሔር በል እንዳለው ‹‹ይህች ከተማ በሦስት ቀን ትገለበጣለች›› ብሎ ሰበከ፤ (ሙሉ ታሪኩን ትንንቢተ ዮናስ አራቱንም ምዕራፎች ያንብቡ)፡፡
   የነነዌ ሰዎች አስቀድሞ በሰናክሬምና በወታደሮቹ ላይ የደረሰውን ጥፋት እና ‹‹ኃይሌ ጉልበቴ አንተ ነህ›› ያለውን ሕዝቅያስን ከነሕዝቡ የመዳኑን ታሪክ ሰምተዋልና እግዚአብሔር ይቅርባይ መሐሪ መሆኑን አምነው ወደ እርሱ ተጠግተው ከአዋቂ እስከ ልጅ ከንጉሥ እስከ አገልጋይ ተስማምተው ጾምን አወጁ፤ በአንድ ልብ በአንድ መንፈስ ሆነውም አለቀሱ፡፡ እግዚአብሔርም መመለሳቸውን ተመልክቶ ይቅር አላቸው፡፡ ዮናስ ግን መደሰት ሲገባው በየዋህነቱ አዘነ፤ ቀድሞውኑ እኔ የተናገርኩት ሳይሆን ቢቀር ውሸተኛ እባላለሁ ብሎ ነበርና፤ (ዮና 4፥1)፡፡
   ይህን ጾም የምንጾምበት ዐቢይ ምክንያት አብርሃም ሶርያዊ ሊቀ ጳጳስ የሠራው ሥርዓት በመሆኑ ነው፡፡ አብርሃም ሶርያዊ ከክርስቲያን ወገን የተወለደና አስቀድሞ ገንዘብ ያለው ነጋዴ ነበር፡፡ እየነገደም ምስር (ግብፅ) አገር ደርሶ በዚያው መኖር ጀመረ፡፡ ለድኆችና ለችግረኞች ርኅራኄን የሚያደርግ በመሆኑና በዚህም ብዙ ትሩፋቶቹ በመገለጣቸው የእስክንድርያ ኤጲስ-ቆጶሳት በፈቃደ እግዚአብሔር በእስክንድርያ ሊቀ-ጵጵስና ሾሙት፡፡ ከዚህ በኋላ ገንዘቡን ለድኆችና ለችግረኞች መጽውቶ የሊቀ-ጵጵስናውን ሥራ መሥራት ጀመረ፡፡ በሹመቱም ወራት ክፉ ልማድን ሁሉ አስወገደ፤ ኤጲስ-ቆጶሳቱንም ስለ ክህነት ሹመት መማለጃ እንዳይቀበሉ አወገዛቸው፤ ውግዘቱንም በሰሙ ጊዜ ሁሉም ፈርተው ክፉ ልማዳቸውን በመተው በደላቸውን ያስተሰርይላቸው ዘንድ ለመኑት፡፡
   እግዚአብሔርን ከማይፈራ አንድ የንጉሥ ጸሐፊ ከሆነ ሰው በስተቀር ሁሉም ግዝቱን አክብረውታል፡፡ አብርሃም ግን ያን ክፉ ሰው ስለ ራሱ ድኅነት ብዙ ጊዜ ቢለምነውም ከክፋቱ አልተመለሰም፡፡ ጻድቁ አብርሃም ማስተማሩንና መገሠጹን ሳይሰለች ለሌሎች ዕንቅፋት እንዳይሆን ወደዚያ ክፉ ሰው ቤት ሄደ፤ ሆኖም ግን ይህ ክፉ ሰው የሊቀ-ጳጳሱን መምጣት በሰማ ጊዜ ደጁን ቢዘጋበትም አብርሃም ደጁን እያንኳኳ ለተወሰነ ሰዓት ቆመ፡፡ ከዚህም በኋላ ‹‹የዚህ ሰው ደም በራሱ ላይ ነው፤ እኔ ከደሙ ንጹሕ ነኝ›› ብሎ የእግሩን ትቢያ አራግፎ ተመለሰ፡፡ ያም ክፉ ሰው በክፉ አሟሟት ሞተ፡፡ ይህን የተመለከቱ ብዙዎችም ንስሐ ገብተዋል፤ (ስንክሳር ዘታኅሣሥ 6)፡፡
   ከዚህም በተጨማሪ በአብርሃም ሶርያዊ የሊቀ-ጵጵስና ዘመን ለምስር (ግብፅ) ንጉሥ የጭፍራ አለቃ የሆነ አንድ አይሁዳዊ ሰው ነበር፡፡ ለዚህም የጭፍራ አለቃ አብሮት ወደ ንጉሥ የሚገባ ሌላ አይሁዳዊ ወዳጅ ነበረው፡፡ ይህ አይሁዳዊ ከጭፍራ አለቃው ጋር ወዳጅ በመሆኑ ከንጉሥ ጋር ይነጋገራል፤ ከንጉሥ ዘንድ ባለሟልነትን ባገኘ ጊዜም ንጉሡን ‹‹ጌታዬ ንጉሥ ሆይ ሊቀ-ጳጳሳት አባ አብርሃምን እንድታስመጣውና በፊትህ እንድከራከረው ተመኝቻለሁ›› አለው፡፡ ንጉሡም ልኮ አባ አብርሃምን አስመጣው፤ ከርሱም ጋር የእስሙናይን ኤጲስ-ቆጶስ አባ ሳዊሮስ ነበረ፡፡ ይህ አይሁዳዊም ከሊቀ-ጳጳሳቱ ጋር ተከራክሮ በመረታቱ ንጉሡ ሊቀ-ጳጳሳቱን አክብሮ በሰላም ወደ ቤታቸው አሰናበታቸው፡፡ የጭፍራ አለቃውና አይሁዳዊ ወዳጁም አፈሩ፡፡ ሆኖም ግን ሊቀ-ጳጳሳቱንና የክርስቲያን ወገኖችን የሚያሸንፉበት ሌላ ነገር መሥራት ጀመሩ፡፡ በአንዲትም ቀን የጭፍራ አለቃው ወደ ንጉሡ ገብቶ ‹‹ጌታዬ ንጉሥ ሆይ የማስረዳህ ነገር አለ፤ እነዚህ ክርስቲያኖች ሃይማኖት የላቸውም፤ ወንጌላቸው፡- የሰናፍጭ ቅንጣት ታህል ሃይማኖት ካላችሁ ይህን ተራራ ከዚህ ተነቅለህ ወደዚያ ሂድ ብትሉት ይሄዳል የሚሳናችሁ የለም›› ይላልና አለው፡፡ ንጉሡም ይህን በሰማ ጊዜ መጠየቅ ሽቶ ሊቀ ጳጳሱን ሲያገኘው ነገሩን ያጣዋል፤ ነገሩ ትዝ ሲለው ሊቀ ጳጳሱን ያጣዋል፡፡ ከዕለታት በአንዱ ግን እርሱ ባለበት ነገሩ ትዝ ይለውና ‹‹አባቴ የምጠይቅህ ኑሮኝ አንተን ሳገኝህ ነገሩን እየዘነጋሁት ነገሩ ትዝ ሲለኝ አንተን እያጣሁህ ቆየሁ፤ አሁን ግን ነገሩም ትዝ ብሎኛል አንተም መጥተሃል›› አለው፡፡  ከዚያም በወንጌል ‹‹የሰናፍጭ ቅንጣት የሚያህል እምነት ቢኖራችሁ ይህንን ተራራ ከዚህ ወደዚያ እለፍ ብትሉት ያልፋል፤ የሚሳናችሁም ነገር የለም›› (ማቴ 17፥20 ፣ ማቴ 21፥21 ፣ ሉቃ 17፥6) ተብሎ ተጽፏል፤ ወንጌል  እውነተኛ የእግዚአብሔር ቃል ነው ብለህ የምታምን ከሆንህ ይህን ፈጽመህ አሳየን አሉት፡፡ አብርሃም ሶርያዊም ሦስት ቀን እንዲሰጡት ጠይቆ ሦስቱን ቀን በጾምና በጸሎት ወደ እግዚአብሔር ተማጸነ፤ ከዚያም እመቤታችን ቅድስት ድንግል ማርያም ተገልጣለት ጫማ ሰፊ ተብሎ የሚታወቀው ስምዖን ግብጻዊ ጋር እንዲሄድና ከእርሱ ጋር ሆነው አይሁድ ላቀረቡት ጥያቄ ምላሽ እንዲያገኙ ነገረችው፡፡ በመጨረሻም በሊቀ ጳጳሱ አስተባባሪነት፣ በስምዖን መሪነት፣ በምእመናን ጸሎትና በእግዚአብሔር በጎ ፈቃድ 41 ኪራላይሶን አድርሰው ሰግደው ሲነሡ ተራራው ተነሣ፤ በውስጡም ተያዩ፡፡ ተራራውንም አፍልሰው በኢ-አማንያን ፊት ድንቅ ተአምር አሳይተዋል፡፡ ይህ ተአምር የተደረገበት ወቅት ደግሞ ጾመ ነቢያት ከመግባቱ በፊት ስለነበር የተደረገውም ተአምር ቤተ ክርስቲያን ዘወትር

🕊 አረበረበ 🕊

የወይን የወይን ሀረግ❨፫×❩
ሙሽሮች ባለማይረግ❨፪×❩
ሚዜዋች ባለማይረግ❨፪×❩
አጃቢው ባለማይረግ❨፪×❩

የወይን የወይን❨፬×❩    የወይን ሀረግ❨፬×❩
ዓረ ንዓ ንዓ❨፪×❩ '' '' ''
ንዓ በሰላም❨፪×❩        ''     ''     ''
ሙሽሮቹን ባርክ         ''     ''     ''
መድሀኒዓለም          ''     ''     ''
የወይን ሀረግ❨፬×❩

የወይን የወይን❨፬×❩     የወይን ሀረግ❨፬×❩
ዓረ ንዒ ንዒ❨፪×❩         ''     ''     ''
ንዒ በሰላም❨፪×❩        ''     ''     ''
የሙሽሮች እናት         ''     ''     ''
ድንግል ማርያም        ''     ''     ''
የወይን ሀረግ❨፬×❩

ሀመልማል❨፪×❩ ሀመልማለ ወርቅ
ልብሱ ሙሽራው ወርቅ ሀመልማለ ወርቅ
ሀመልማል❨፪×❩ ሀመልማለ ወርቅ
ልብሷ ሙሽሪት ወርቅ ሀመልማለ ወርቅ
ሀመልማል❨፪×❩ ሀመልማለ ወርቅ
ልብሱ ሙሽራው ወርቅ ሀመልማለ ወርቅ

አብ እሳት ወልድ እሳት መንፈስ ቅዱስ እሳት
ልብሱ ሙሽራው ወርቅ ሀመልማለ ወርቅ
እባክህ ጌታዬ እቺን ቀን ቀድሳት
ልብሱ ሙሽራው ወርቅ ሀመልማለ ወርቅ     
እንዴት ካህን ይሙት ካህን ይቀበር 
ልብሱ ሙሽራው ወርቅ ሀመልማለ ወርቅ
መፀፀኛው የወርቅ መቋሚያው የብር
ልብሱ ሙሽራው ወርቅ ሀመልማለ ወርቅ
ያቺን ይይዝና ቀለም ሲናገር
ልብሱ ሙሽራው ወርቅ ሀመልማለ ወርቅ
ይመስላል መላዕኩን በክንፍ የሚበር
ልብሱ ሙሽራው ወርቅ ሀመልማለ ወርቅ
     ሀመልማለ ወርቅ❨፬×❩

አረበረበ ሊቁ ወረበ❨፪×❩
አረበረበ አሸበሸበ ወገዳሙኒ ሊቁ ወረበ❨፪×❩
መራዊ ነገደ ሊዊ❨፪×❩
መራት ነገዳችን ናት❨፪×❩

ሀመልማል❨፪×❩ ሀመልማለ ወርቅ
ልብሱ .... ....

እስኪ በስመአብ ብዬ ልጀምር ፀሎቴን   
ልብሷ ሙሽሪት ወርቅ ሀመልማለ ወርቅ
ውዳሴ ውግና የአስርቱ ቃላት
ልብሷ ሙሽሪት ወርቅ ሀመልማለ ወርቅ
ቀዲው ወገብዋ ንፅህት መቀነት
ልብሷ ሙሽሪት ወርቅ ሀመልማለ ወርቅ
ገብርኤል በቃሉ እያጫወታት
ልብሷ ሙሽሪት ወርቅ ሀመልማለ ወርቅ
እስዋ ዘኾንኪ ናት ፅርሀ ቅድሳት
ልብሷ ሙሽሪት ወርቅ ሀመልማለ ወርቅ
አስተምሀ ሰላናኪት ተቋመ ማህቶት
ልብሷ ሙሽሪት ወርቅ ሀመልማለ ወርቅ
አንቲ እግዚ አ ኩሉ የሁሉ እመቤት
ልብሷ ሙሽሪት ወርቅ ሀመልማለ ወርቅ
በትረ አሮን እጅዋን የምትፈትልበት
ልብሷ ሙሽሪት ወርቅ ሀመልማለ ወርቅ
ለኪ ይደልዎ እያሉ ገቡ ሊቃውንት
ልብሷ ሙሽሪት ወርቅ ሀመልማለ ወርቅ

አረበረበ ሊቁ ወረበ❨፪×❩
አረበረበ አሸበሸበ ወገዳሙኒ ሊቁ ወረበ❨፪×❩
መራዊ ነገደ ሊዊ❨፪×❩
መራት ነገዳችን ናት❨፪×❩

ሀመልማል❨፪×❩ ሀመልማለ ወርቅ
ልብሱ .... ....

ካህኑም ይላሉ እኛ እንቀድሳት
ልብሷ ሙሽሪት ወርቅ ሀመልማለ ወርቅ
ንጉሱም ይላሉ እኛ እናንግሳት
ልብሷ ሙሽሪት ወርቅ ሀመልማለ ወርቅ
ስትወለድ በአልጋ መሬት ሳይነካት
ልብሷ ሙሽሪት ወርቅ ሀመልማለ ወርቅ
ውሀ ከጭንጫ ላይ የፈለቀላት
ልብሷ ሙሽሪት ወርቅ ሀመልማለ ወርቅ
እሳት ከባህር ላይ የነደደላት
ልብሷ ሙሽሪት ወርቅ ሀመልማለ ወርቅ
ትዳር መንፈሳዊ ይኸው ተሰጣት
ልብሷ ሙሽሪት ወርቅ ሀመልማለ ወርቅ
አበ ነፍስ አባትዋ ተክለሀይማኖት
ልብሷ ሙሽሪት ወርቅ ሀመልማለ ወርቅ
ክርስትና እናትዋ ኪዳነ ምህረት
ልብሷ ሙሽሪት ወርቅ ሀመልማለ ወርቅ
           ሀመልማለ ወርቅ❨፬×❩

አረበረበ ሊቁ ወረበ❨፪×❩
አረበረበ አሸበሸበ ወገዳሙኒ ሊቁ ወረበ❨፪×❩
መራዊ ነገደ ሊዊ❨፪×❩
መራት ነገዳችን ናት❨፪×❩

ሀመልማል❨፪×❩ ሀመልማለ ወርቅ
ልብሱ .... ....

ሀመልማሉን ፈትላ ባገልግል በቅታለች
ልብሷ ሙሽሪት ወርቅ ሀመልማለ ወርቅ
ሸማኔ ተወዶ ማርያም ትሰራለች
ልብሷ ሙሽሪት ወርቅ ሀመልማለ ወርቅ
አረ ማርያም ማርያም ደና አርገሽ ስሪው
ልብሱ ሙሽሪት ወርቅ ሀመልማለ ወርቅ
ከቆላ በደጋ ተሰምቷል ዜናው
ልብሷ ሙሽሪት ወርቅ ሀመልማለ ወርቅ
              ሀመልማለ ወርቅ❨፬×❩

አረበረበ ሊቁ ወረበ❨፪×❩
አረበረበ አሸበሸበ ወገዳሙኒ ሊቁ ወረበ❨፪×❩
መራዊ ነገደ ሊዊ❨፪×❩
መራት ነገዳችን ናት❨፪×❩
                                           
👉ዘማሪ ዲ/ን አካል በለጠ


#Share and #join ያድርጉ፤ ያስደርጉ።

╔✞════●◉❖◉●════✞╗
       ✞ ✞ ✞ ✞ ✞ ✞ ✞ ✞ ✞ ✞
❖ @enamsgn @enamsgn ❖
❖ @enamsgn @enamsgn ❖
       ✞ ✞ ✞ ✞ ✞ ✞ ✞ ✞ ✞ ✞
╚✞════●◉❖◉●════​✞╝
✍ ወድሰኒ

በስመ አብ ወወልድ ወመንፈስ ቅዱስ አሐዱ አምላክ አሜን!
           🕯 #ሕፃኑ_ቅዱስ_ቂርቆስ
   ቂርቆስ ማለት ቀለም ማለት ሲሆን አባቱ ቆዝሞስ እናቱ ኢየሉጣ ይባላሉ፡፡ ኢየሉጣ ማለት ምልእተ ሃይማኖት ማለት ሲሆን ሀገሯ ሮም ነው፡፡ እለእስክንድሮስ በነገሠ ጊዜ በሃይማኖት ምክንያት በምእመናን ላይ ስደት ደረሰባቸው፤ ኢየሉጣም የሦስት ዓመት ሕፃኑን ቂርቆስን ይዛ ከሮም ወደ ጠርሴስ ተሰደደች፡፡ ንጉሡ ክርስቲያኖችን እያደነ ወደ ሸሹበት ሀገር ደርሶ አገኛቸው፤ ቅድስት ኢየሉጣንም ይዞ ‹‹ሀገርሽ የት ነው? ስምሽ ማን ይባላል? ወገንሽ ማን ነው?›› ብሎ ጠየቃት፡፡ እርሷም ‹‹ስሜ ክርስቲያን ሀገሬ ሮም ነው፤ ከአንተ ሸሽቼ ብመጣ አገኘኸኝን?›› አለችው፡፡ መኰንኑም መልሶ ‹‹ለጣዖት ስገጂ ስምሽን ግለጪ እንዳትሞቺ›› አላት፤ እርሷም ‹‹ሞት የሚሽረው ስሜ ኢየሉጣ ነው›› አለችው፡፡ ‹‹ለአማልክት መሥዋዕት አቅርቢ›› ብሎ ባዘዛት ጊዜ እርሷ ‹‹እውነትን ማወቅ ከፈለክ ወደ መንደር ልከህ የሦስት ዓመት ሕፃን አስመጣና የምናመልከውን እርሱ ይንገረን›› አለችው፡፡
   ንጉሡም ወታደሮችን አስልኮ ቂርቆስን አመጡለት፤ ከዚያም ሕፃኑ ቅዱስ ቂርቆስን ከሐዲው መኰንን ይዞ ‹‹ስምህ ማነው?›› ብሎ በጠየቀው ጊዜ ‹‹ከንጹሕ ምንጭ ከማይጠፋ ውሃ የተገኘ ስሜ ክርስቲያን ነው እናቴ የሰየመችኝ ሞክሼ ስም ቂርቆስ ነው›› በማለት መለሰለት፡፡ መኰንኑም ‹‹ስታድግ ሹመት ሽልማት እሰጥሀለሁ በወርቅ በብር አከብርሃለሁና ለአማልክት ስገድ ክርስቶስን ካድ›› ቢለው ቅዱስ ቂርቆስ ግን ‹‹የሰይጣን ወዳጅ ለእውነትም ጠላቷ የሆንክ ከእኔ ራቅ›› አለው፡፡ በዚህም መኰንኑ ተቆጥቶ መከራ አበዛበት፤እንደገናም በእናቱና በእርሱ አፍንጫ ጨውና ሰናፍጭ አስጨመረባቸው፡፡ ሕፃኑ ግን በመንፈስ ቅዱስ ጸጋ ስለጠነከረ ‹‹ነገርኽ ለጉሮሮዬ ጣፋጭ ሆነ፤ ከማርና ከስኳርም ለአፌ ጣመኝ›› እያለ አምላኩ ክርስቶስን አመሰገነ፡፡ መኰንኑ በዚህ ሳያበቃ እናትና ልጇ በክፉ አሟሟት እንዲሞቱ በማሰብ የረዘሙና የተሳሉ በእሳትም እንደ ፍም የጋሉ የብረት ችንካሮችን እንዲሰኩባቸው አደረገ፤ ሆኖም ግን በጌታችን ፈቃድ ግለቱ ጠፍቶ እንደ በረዶ በመቀዝቀዝ ጉዳት አላደረሰባቸውም፡፡
  ከዚያም ወደ ወህኒ ቤት ወሰዷቸው፤ በኋላም በደረቁ ራሳቸውን ላጭተው የእሳት ፍምን በላያቸው ላይ ቢያደርጉም የእግዚአብሔር መልአክ ስቃያቸውን አራቀላቸው፡፡ የሕፃኑ ምላስ እንዲቆረጥ አዝዞ ቢያስቆርጠውም ክብር ይግባውና ጌታችን ምላሱን መልሶለታል፡፡ ከዚያም በታላቅ ጋን ውኃ አፍልተው ሕፃኑንና እናቱን እንዲጨምሯቸው ሲያዝዝ ከሚፍለቀለቀው ውኃ ድምጽ የተነሳ ለጊዜው እናቱ ፍርሀት ሥጋዊ አገኛት፤ ሕፃኑም ‹‹እናቴ ጨክኚ አናንያን፣ አዛርያንና ሚሳኤልን ያዳነ አምላክ እኛንም ያድነናል›› እያለ ወደ ፈጣሪው ጸልዮላት ፍርሃቱ ርቆላት ከልጇ ጋር ስትገባ ቅዱስ ገብርኤል ውኃውን አቀዝቅዞ አውጥቷቸዋል፤ ይህም የሆነው ሐምሌ 19 ቀን ነው፡፡
   በመጨረሻም የሰማዕትነትን አክሊል የሚቀዳጅበት ጊዜ ሲደርስ ጌታችን መድኃኒታችን ኢየሱስ ክርስቶስ ተገልጾለት ስሙን ለሚጠራ ሁሉ ቃል ኪዳን ሰጥቶት ጥር 15 ቀን ከእናቱ ጋራ አንገቱን ተቆርጦ የሰማዕትነትን ክብር ተቀዳጅተዋል፡፡ በዚህ ዕለትም ብዙ የቅዱስ ቂርቆስ ማኅበርተኞች በሰማዕትነት ዐርፈዋል፡፡ የሰማዕታቱ በረከት ይደርብን አሜን!
           ወስብሐት ለእግዚአብሔር!!!
ምንጭ፦ መድበለ ታሪክ ፣ ስንክሳር ዘጥር 15

አባታችን አቡነ ዘርአብሩክ

በስመ አብ ወወልድ ወመንፈስ ቅዱስ አሐዱ አምላክ አሜን::

“ከቡር ሞቱ ለጻድቅ በቅድመ እግዚአብሔር (የቅዱሳኑ ሞት በእግዚአብሔር ፊት የከበረ ነው።”) መዝ.፻፲፭/፻፲፮፡፲፭ (115/116፡15)

የእግዚአብሔር ዓይኖች ወደ ጻድቃን ጆሮቹም ወደ ጩኸታቸው ናቸውና።
መታሰቢያቸውን ከምድር ያጠፋ ዘንድ የእግዚአብሔር ፊት ክፉን በሚያደርጉ ላይ ነው። ጻድቃን ጮኹ፥ እግዚአብሔርም ሰማቸው ከመከራቸውም ሁሉ አዳናቸው።
መዝ ፴፫፡፲፭-፲፯ (መዝ.33፡15¬-17)

የጻድቁ አባታችን የአቡነ ዘርዓ ብሩክ አባት እና እናት የተባረኩ ከቅዱሳን ወገን የሚሆኑ ነበሩ። የአባታቸው ስምም ቅዱስ ደመ ክርስቶስ ሲባል እናታቸው ደግሞ ቅድስት ማርያም ሞገሳ ትባላለች። ጻድቁ አባታችን ገና በእናታቸው ማህጸን እያሉ ነበር ብዙ ተአምራት የሚያደርጉት እግዚአብሔር መርጧቸዋልና። በኋላም ከክርስቶስ ልደት በኋላ በ8ኛው መቶ ክ/ዘመን መጨረሻ ላይ በነሐሴ 27 ጻድቁ አባታችን ተወለዱ። በ40ኛ ቀናቸውም ተጠምቀው በካህናት አፍ "ጸጋ ክርስቶስ" ተባሉ ከዛም ቤተሰቦቻቸው በጥሩ እድገት አሳደጉአቸው። 7 አመትም በሞላቸው ግዜ "በልጅነቴ የዚን ዓለም ክፋቱን እንዳላይ" ብለው ቢጸልዩ ዓይናቸው ታውሯል።
ቤተሰቦቻቸውም ጠቢቡ ሰሎሞን "የእግዚአብሔር ቃል ነውርን ይሸፍናል" እዳለው ትምህርት ሊያስተምሩአቸው አስተማሪ ጋር ቢወስዱአቸው ታመው ተመልሰዋል የእግዚአብሔር ፈቃድ አይደለምና። ነገር ግን የሚያስፈልጋቸውን እውቀት ፈጣሪ አምላክ ራሱ ገልጾላቸዋል:: ክህነትን እስከ ጵጵስና እራሱ መድሃኔ ዓለም ክርስቶስ ሰጥቷቸዋል። 12 አመትም በሞላቸው ግዜ በእግዚአብሔር ፈቃድ አይናቸው በርቶላቸው ታላላቅ ተጋድሎን ማድረግ ጀመሩ።
በእግዚአብሔር ዘንድ ጵጵስና እንደተሾሙ የሃጥያት ማሰርያን ያስሩና ይፈቱ ዘንድ ጵጵስናን በሾማቸው ግዜ እግዚአብሔር ያወጣላቸው ሁለተኛ ስም "ዘርዓ ብሩክ" ይባል ነበር። 3ኛውም ስማቸው ደግሞ "ጸጋ እየሱስ" ይባላል:: ጻድቁ አባታችን በዚህ አለም በህይወተ ሥጋ ሳሉ አቡቀለምሲስ እንደሚባል እንደ ዮሃንስ ወልደነጎድጉአድ እግዚአብሔር እሱ ወዳለበት ወደ ሰማይ አውጥቶ በገነት መካከል ያኖራቸው ነበር:: እግዚአብሔር አምላክ ለወዳጁ ለብጹዕ አባታችን ዘርዓ ብሩክ በጎ ነገር እንዳደረገለትና ያለ ድምጽ የሰማይ ደጆችን አልፎ የእሳት ባህርን ተሻግሮ ፈራሽ በስባሽ ሲሆን እንደ ህያዋን መላእክት በፍጥነት ከጽንፍ እስከ ጽንፍ ከአድማስ እስከ አድማስ ይደርስ ዘንድ 12 ክንፍን ሰጣቸው። መላእክትም ለሌሎች ቅዱሳን ያልተሰጠ ይህንን ስልጣን አይተው ለምድራዊ ሰው ይህ ነገር እንዴት ይቻላል? እያሉ አደነቁ።ከዛም በኋላ ጻድቁ አባታችን ከፈጣሪ ዘንድ የመላእክትን አስኬማ፣ የሾህ አክሊል አምሳያ የሆነውን መንፈሳዊ ቆብን,ሰማያዊ ቅናትን እና የደረት ልብስን(ስጋ ማርያም) ተቀብሎ በጾም እና በጸሎት በልመና እና በስግደት እግዚአብሄርን ሲያገለግል ኖረ። ከዛም በላይ ወንጌልን እጅግ ብዙ በማስተማር ደከመ።

ከኢትዮጵያም አልፎ ግብጽ ድረስ ገባ የእስክንድርያውን ሊቀ ጳጳስ አባ ዮሐንስን አገኘውና እርስ በርስ ሰላምታን ተለዋውጠው እጅ ተነሳሱ ከዛም ተመልሶ ወደ ሃገሩ መጣ ከዛም ኢትዮጵያ ውስጥ እየተመላለሰ ወንጌልን አስተማረ እጅግ ስጋን በሚያስጨንቅ ትጋትም የኢትዮጵያን ህዝብ ማርልኝ እያለ እያለቀሰ ይጸልይ ነበር።

አቡነ ዘርዓ ብሩክ "ዓባይ" እና "ግሽ ዓባይ" የሚሉ ስሞች እንዳወጡ አንድ ቀን አባታችን የንጉስ ጭፍሮች ሲያሳድዷቸው ግዮን ደረሱ። እንደደረሱባቸው ሲያውቁ ዳዊታቸውንና ለወንጌል ስብከት ሲጠቀሙባቸው የነበሩ 7 መጻሕፍት ሁሉ ለግዮን ወንዝ አደራ ሰጡዋት። ከ5 አመት በኋላ ሲመለሱ" ኦ ግዮን ግሥኢ መፃሕፍትየ -- ግዮን ሆይ መጻሕፍቴን ግሺ መልሺልኝ " (ግሽ ዓባይ -- የሚባልም ከዚህ የተነሳ ነው።) ቢሉአት አንድም የውሃ ጠብታ ሳይኖርባት ዳዊታቸውን ብትመልስላቸው ለደቀ መዝሙራቸው ዘሩፋኤል አሳዩት ሁለቱም የእግዚአብሔርን ሥራ አደነቁ። ከዛም በኋላ ግዮንን ባረክዋትና "ይኩን ፈውስ ዓብይ በውስቴትኪ -- በውስጥሽ ታላቅ ድኅነት ይደረግብሽ" አሉ። ከዛ ጊዜ ጀምሮ መካኖች ይወልዱ፣ ድዉዮች ይድኑ ጀመር "ወእም አሜሃ ተሰምየት ዓባይ ይእቲ ፈለግ -- ከዛ ጊዜ ጀምሮ ይህች ዓባይ ተብላ ተጠራች።" እስካሁንም በዚሁ ስም የሚጠራው ከዚ በመነሳት ነው:: ከዚህም ሌላ ጻድቁ አባታችን በዚሁ ወንዝ አካባቢ ለ 30 አመት ሲጸልዩ ፈጣሪ አምላክ ጸሎታቸውን ሰምቶ እጅግ ልዩ የሆነ ቃል ኪዳን ሰቶአቸዋል።

በስተመጨረሻም የሚያርፉበት እለት በደረሰ ሰአት መልአከ ሞት መቶ እስኪደነግጥ እና ወደ ኋላው እስኪያፈገፍግ ድረስ ነው ነው እግዚአብሔር ጸጋውንና ክብሩን ያበዛላቸው: በስተመጨረሻም ጥር በገባ በ13 ቀን በ482 አመታቸው ስጋቸው ከነፍሳቸው ተለይታ ገነትን ወርሰዋል::

ከጻድቁ አባታችን ከአቡነ ዘርዓብሩክ እግዚአብሔር አምላክ ከበረከታቸው እርዳታቸውን ያሳትፈን

ምንጭ: ገድለ አቡነ ዘርዓ ብሩክ

ወስብሐት ለእግዚአብሔር።