ለትዳሬ ትሆናለች ያልካትን ሴት ስትመርጥ እነዚህ ባህሪዎቿን ምርጫህ ውስጥ አስገባ

1. #ዲኗ_ላይ_ጀግና_የሆነች_ሴት_አግባ

የአላህ መልእክተኛ () እንዲህ ብለዋል:

“አንዲት ሴትን አራት ነገሮችን ማለትም ሀብቷ፣ ዘሯ፣ ውበቷ ወይም ሃይማኖቷን አይተህ ልታገባ ትችላለህ። ሃይማኖተኛ የሆነችውን መርጠህ አግባ“

(ሳሂህ አል ቡኻሪ)

2. #ደስተኛ_ምታደርግህን_ሴት_አግባ

የአላህ መልእክተኛ () እንዲህ ብለዋል:

''ይህ የዱንያ ዓለም ሁሉም ነገር ጊዜያዊ ምቾት ነው እና በዚህ ህይወት ውስጥ ትልቁ ደስታ ጥሩ ሚስት ናት።''

(ሳሂህ ሙስሊም)

3. #ለአኺራ_እንድትሰራ_የምታግዝህ_ሴት_አግባ

የአላህ መልእክተኛ () እንዲህ ብለዋል:

''ሁላችሁም አመስጋኝ ልብ ፣ አላህን በብዛት የምታወሳ ምላስ እና ለአኺራ እንድሰሩ የምትጠቅማቹ አማኝ ሴት ይኑራቹ።

(ሳሂህ አል ጃማይ)

4. #በዱንያ_የምትረዳህን_ሴት_አግባ

የአላህ መልእክተኛ ( ) እንዲህ ብለዋል:

''በዱንያ እና በዲንህ ላይ የምትረዳህ ጥሩ ሚስት ማግኘት ማንም ሰው ሊኖረው ከሚችለው ሀብቶች የላቀ ሀብት ነው።"

(አል ባይሃቂ, ሳሂህ ደረጃ ተሰጦታል)

5. #ዘርህን_ምታስቀጥልልህን_ሴት_አግባ

የአላህ መልእክተኛ (_) እንዲህ ብለዋል᎓

“ፍቅር እና ልጆችን የምትሰጥ ሴት አግቡ። በትንሣኤ ቀን በነቢያት ፊት ብዛታችሁ ያኮራኛልና።“

(ሙስነድ አህመድ፣ ሳሂህ ደረጃ ተሰጦታል)

6. #ድንግል_የሆነች_ሴት_አግባ

ድንግል ያልሆነችን እንዳታገባ አይደለም የተባለው በተለያዬ ስህተት በራሳቸው ባልሆነም ምክንያት ድንግላቸውን ስለሚያጡ እነሱንም አስታውሷቸው።

የአላህ መልእክተኛ () እንዲህ ብለዋል᎓

''ድንግል የሆነችን ሴት እንድታገባ እመክርሃለሁ፣ ማኅፀናቸው የበለጠ ትኩስ ነው፣ ንግግራቸውም ይጣፍጣል ፣ ትንሽ ነገርም ያስደስታቸዋል።''

(ኢብን ማጃህ፣ ሳሂህ ደረጃ ተሰጦታል)

@yasin_nuru    @yasin_nuru