🌹የአረብኛ ፊደላት ባህሪ በአጭሩ🌹

✅ ክፍል: 7

5⃣ (አት ተክሪር ) ፦ ማለት መደጋገም ማለት ሲሆን  ( ر ) ሯ  ፊደልን በምናነብበት ጊዜ ግልፅ ባልሆነ መልኩ የምላሳችን ጫፍ መርገብገብ ማለት  ነው

🔴 በአጭሩ ለመረዳት ያክል ሯ (ر) ስናነብ ርርርርርርር የሚል ንዝረት ያለው ድምፅ ነው (ተክሪር) የምንለው

🟢 የተክሪር ባህሪ ያላት ሯ (ر ) ብቻ ናት

🔴 ልብ እንበል ሸዳ በምትሆን ሰአት የመደጋገም ባህሪዋን ድብቅ ማድረግ አለብን
ይህ ማለት ሙሉ በሙሉ ንዝረት ( መደጋገሙን ) ማጥፋት አይደለም መቀነስ እንጂ

🟢 በጣም መርገብገቡ ከበዛም ሙሉ በሙሉም ከጠፋ ስህተት ነው  
መርገብገቡ ከበዛ ብዙ የሆኑ ርርርርር የሚሉ ብዙ ሯ ر ፊደሎች ይፈጠራሉ
ስለዚህ መካከለኛ አርገን እናነባለን ማለት ነው

6⃣ (አት - ተፈሺ ) ማለት  ሺንን (ش ) በምናነብ ጊዜ ብዛት ያለው የሆነ የተበታተነ የድምፅ መሠራጨት ማለት ነው

🔴 ይህ ማለት (اَشْ ) አሽ ስንል በርከት ያለና የተበታተነ የሆነ ሽሽሽሽሽሽ የሚል ድምፅ ይወጣል ያ ማለት ነው ተፈሺ ማለት

🟢 ተፈሺ ለ ሺን ( ش ) ብቻ ነው የምንጠቀምበት

7⃣ (አል ኢስቲጧላህ ) : ማለት (ض ) ዷድ ፊደልን ስንናገር ከሇላ የአፋችን ክፍል እስከ ምላስ ጫፍ ድረስ ያለው የምላስ ግፊት (መለጠጥ ) ኢስቲጧላህ ይባላል ።

🟢ይህ ባህሪ ለዷድ ض ብቻ ነው
      የሚያገለግለው

8⃣ (ጉናህ ) ፦ ማለት በቋንቋ ገለጳ   ከኮሽኮሾ
  (ሰርን ) የሚወጣ  የሚያምር የሆነ ድምፅ ወይም (ዜማ ) ነው

🔴 በተጅዊድ ጊዜ ደግሞ ኑን (ن )እና ( م)ሚም ላይ የሚገኝ  ከኮሽኮሾ የአፍንጫችን ክፍል የሚወጣ  ማራኪ ድምፅ ነው

🟢ልብ እንበል  ሚም እና ኑን በማንኛውም ሁኔታ ላይ ሁነው (ጉናህ )አይለያቸው

┄┄┉┉✽‌»‌🌹✿🌹»‌✽‌┉┉┄┄
✍ ጁድ የተጅዊድና የአረብኛ አካዳሚ
🌐 https://t.me/Jud_Acadamy