የኔ ግጥም

"ታመሀል ይለኛል ሀኪም"
_____
ህመሜ እንደሌሎቹ መስሎት እራስ ምታት
መስሎት ሙቀት መጨመር ትኩሳት ነገር መስሎት፤
.....
ስንቱን መድሀኒት ሲያዝ ስገዛ የታዘዝኩትን
ምንም ለውጥ ላላይበት ስወስድ የተባልኩትን፤
......
እንኳን ሊሻለኝ ይቅርና ደህን ልሆን እንደ በፊት
እየባሰብኝ መጣ ለምን እንደሆን እንጃለት፤
.....
ታመህ ነው ይለኛል ሀኪም ጤናህ አልተመለሰም
እየጨመረ ነው እንጂ ምንም ሊቀንስ አልቻለም
#ታመሀል ይለኛል ሀኪም፤
.....
መች ምልክቱን ነግሬው እንዴት እንደሚያደርገኝ
የውስጤን መች አየውና ሁሌ ታመሀል የሚለኝ፤
.....
አያተኩስም ግንባሬ ሙቀቴም ገና አልጨመረም
እራስ ምታትም የለብኝ ደም ብዛት ግፊት ስኳርም፤
.....
የራሴን ህመም የማውቀው እኔው ሆኜ ከሱ በላይ
#ታመሀል ይለኛል ሀኪም ላይረዳው የኔን ስቃይ፤
.....
ላያውቅ ፍቅር ማጣቴን ከደስታ ሀሴት መራቄን
ላያውቅልኝ ሰው ማጣቴን አንድነትን መናፈቄን፤
.....
ችግሬ ሌላ ሆነና ለየት ያለ ከሌሎቹ
ሁልጊዜ መጠየቄ በዝቶባቸው ቢሰለቹ፤
.....
አሉኝ ጭራሽ ይህ እብደት ነው ጨመር አርገው ከትኩሳት
አብሰውት ከደም ብዛት ከደም ግፊት ከራስ ምታት፤
......
ጤንነትህ ልክ አይደለም አይምሮህ ትንሽ ተነክቷል
ህመምህ ድንበር ተሻግሯል በቃ አንተ ልጅ አብደሀል
#ይለኛል ሀኪሙ ታመሀል፤
.....
#ታመሀል ይለኛል ሀኪም ጤንነትህ ልክ አይደለም
ለህመሞችህ መድሀኒት በጭራሽ እኔጋር የለም፤
.....
ይለኛል እብድ መስዬው ተለይቶበት ህመሜ
ሳይገባው የኔ በሽታ ፍቅር እንደሆን ጥሜ ፤
.....
ጥላቻ ነው የኔ ጠላት ጥላቻ ነው የኔ ህመም
ትኩሳት ሙቀት መጨመር እራስ ምታትም አይደለም፤
....
እብደትም ከቶ አይደለም የአይምሮ መሳት ችግር
በሽታዬ ጥላቻ ነው የኔ ህመም ማጣታት ፍቅር፤
....
መለያየት ነው ህመሜ መራቅ ከምወዳቸው
እስክገናኝ ከውዶቼ ወዳጅ የኔ ካልኳቸው፤
....
አይቀንስም በሽታዬ ህመሜም አይድንም ከቶ
እንዲህ አድር ባይነት በልባችን ተንሰራፍቶ፤
...
ጥላቻችን ተባብሶ አንድነታችን ደፍርሶ
መተማመን ተመናምኖ መከባበራችን ቀንሶ ፤
...
እንዴት ይሻለኛ ከቶ
ጥላቻችን ወደር አጥቶ፤
...
ልይገርህማ ሀኪሙ የኔን ህመም መድሀኒት
ፍቅር ደስታ መተሳሰብ እኩልነት አንድነት
መከባበር አብሮ መኖር ማጠናከር ወዳጅነት
የጥላቻችን ማርከሻ እኚህ ናቸው መድሀኒት፤
...
ያኔ ይሽራል በሽታው እብድ መባሌም ያበቃል
ጨለማው ፊቴ ይፈካል ዝም ያለው ጥርሴም ይስቃል፤
...
ይሽራል ያኔ በሽታው ይሄ የልቤ ህመም
እስከዛው ግን ቀን እስኪያልፍ
#ታመሀል አትበለኝ ሀኪም፤
__

@yene_gtm
@yene_gtm

✍✍fethi 🧔

ምን ነካሽ ?!
©ሲራክ ወንድሙ @siraaq
.
' ጥፋቱ የማን ነው? ' ፥ ብዬ እንዳልጠይቅሽ ፣
ቃልሽን ሳልሰማ ፥ እንባ ነው ሚቀድምሽ !
ምንድነው ገላዬ? ፥ ውስጥሽን በርዞ ፣
የልብሽን ደጀን ፥ መሻከር ወዝውዞ ፤
ቂም አይሉት እልህ ፥ በነፍስሽ ተረግዞ ፣
ዜማሽ ቅኝት አጥቶ ፥ በሀዘን እንጉርጉሮ ፣
' ተወኝ ! ' የሚያስብልሽ ፥ ለአይን እንኳን አቅሮ ?

ለምን ነው አካሌ ??....
ሰውነት እርስቱን ፥ ቀን ሲገፋው ማልዶ ፣
በእምነት የካቡት ቃል ይወድቃል ተንዶ ፤
ፍቅርን ባነፁበት ፥ በቀየዱት ቀዬ ፣
እንዴት መልስ ይሆናል ፥ ለየምን እዬዬ?

ድክምክም አድርጎ ፥ ፍዝዝ ትክዝ ትክዝ ፣
አዚም ተከናንቦሽ ፥ ቀንሽን ሲበርዝ ፣
በጣት ያልጠለቀ ፥ የልባችን ኪዳን ፣
' ምን ነካት? ' ይለኛል ፥ ገፅሽ ሲደማምን።

እውነትም ምን ነካሽ ? ፥ ምን አየሽ እርግቤ
የሀሴቴ ደንገል ፥ የነብስ ረሀቤ
ምን ነካሽ? ፥ የኔ ወርቅ
የህይወት ውቧ ሰንደቅ
የናፍቆት ዶሰኛ
የቀን አመለኛ
የአይኔ ስር መሀረብ
የትዝታ ቀለብ
የሳቅሽ መስክ ላይ ፥ መከፋት ሳር ግጦ ፣
አዛኝ አንጀትሽን ያ ጭካኔሽ በልጦ ፤
በአይንሽ ስትገርፊኝ ፣
በኩርፊያሽ ስታስሪኝ ፣
በእምባሽ ልቤ ወልቆ ፥ ዝምታሽ ሲያደቀኝ ፣
' ያቺ ሴት ናት! ' ብሎ ማመኑ ጨነቀኝ።

እናልሽ ገላዬ ፥ አንቺ የነፍሴ ኩሬ
ድክምክም አድርጎ ፥ ፍዝዝ ትክዝ ትክዝ ፣
አዚም በገባሩ ፥ ቀንሽን ሲበርዝ ፤
በጣት ያልጠለቀ ፥ የልባችን ኪዳን ፣
'ምን ነካት? 'ይለኛል ፥ ገፅሽ ሲደማምን ።
ምን ነካሽ በእኔ ሞት??
.
.................... //// ....................
መስከረም ፳፻፲፫ ዓ.ም
@yene_gtm
@yene_gtm

ቧ ያለዉ ቀን ለት(ቡሄ)
ጀግናንኝ ከምለዉ ከነጉራዬ ነኝ ከዛ ኩሩ ደንዳና ልቤ ጋ ከንጋት ጋር አብረው ተያይዘውታል የቡሄ ጭፈራ🤷‍♀ እኛቤት ደርሰዋል በሚያጉርመርም ድምፅ🙄 ያለመደብኝን እኔዉ ለእይታ ተስፈንጥሬ ወጣው "ክፈት በለው ተነሳ የንን አንበሳ" ልቤን ሊከፈተዉ ደረቱን ነፈቶ በቁጣ 😠
ደሞ አክብሮ "ክፈት በለው በሩን የጌታዬን" 🙏 "ሆያሆዬ ጉዴ ጨዋታ ነው ልማዴ"ብሎ ከባልንጀሮቹ አባባን መርቀ አማማን ጨምሮ አሜን ብሎ ሄደ ልቤን ተቀብሎ 👳‍♂ የኔታ እርሱ ጋ ክበሩ የኔታ ቤቴ ድረስ ፈቅደው( ልከው) ልቤን ላዘረፉኝ ። መልካም በዓል።
Narii 24