ዜና ዕረፍት

አርቲስት እንቁስላሴ ወርቅአገኘሁ አረፈ

አንጋፋው አርቲስት እንቁስላሴ ወርቅአገኘሁ ከዚህ ዓለም በሞት ተለይቷል፡፡

ባደረበት ሕመም በሕክምና ሲረዳ ቆይቶ ሕይወቱ ማለፉን የአርቲስቱ ቤተሰቦች ተናግረዋል፡፡

ከ30 በላይ ፊልሞች እና ቴአትሮች ላይ በትወና በመሳተፍ በብዙዎች ዘንድ አድናቆትን ያገኘው አርቲስት እንቁስላሴ አጋጥሞት በነበረው የኩላሊት ሕመም ጋር በተገናኘ ህክምናውን ሲከታተል እንደነበር ይታወሳል።

አርቲስቱ የእግር እሳት፣ ሥርየት፣ ሰው ለሰው፣ መንጠቆ ቴአትር እና ሌሎች የቴሌቪዥን ድራማዎች እና ፊልሞች ላይ በትወና መሳተፉን የሕይወት ታሪኩ ያስረዳል፡፡

በአዲስ አበባ ጉለሌ አካባቢ የተወለደው አርቲስት እንቁስላሴ ÷በኢትዮጵያ የሲኒማ ኢንዱስትሪ ዘርፍ የራሱን አሻራ አስቀምጧል፡፡

አርቲስት እንቁስላሴ ወርቅ አገኘሁ የአንድ ወንድ እና የሁለት ሴት ልጆች አባት ነበር።

ዳጉ ጆርናል በአርቲስት እንቁስላሴ ህልፈት ሕይወት የተሰማውን ጥልቅ ሀዘን እየገለፀ ለወዳጅ ዘመዶቹ እና አድናቂዎቹ መፅናናት ይመኛል።

#ዳጉ_ጆርናል