ከመፀሀፍት አለም

ገምሃልያ

....ክፍል 3 .....;
መልካም ንባብ
ምን አይነት ኖሮ እንደምትኖሪም አላውቅም እኔ አንቺ ላይ በማየው ነገር መፍረድ አልችልም አላውቅሽም ግን... ግን  እማውቀው አንድ እውነት አለ ምንም አይነት ችግር ቢያጋጥምሽ በህይወትሽ እንደሲጋራው ጭስ ሆነሽ ወደላይ መውጣት አሊያም ያለቀውን የከሰለውን አመድ ሆነሽ ወደ ትቢያ መውደቅ! ምርጫው ያንቺ ነው አልኩና በእጄ የነበረውን ሲጋራ ወደሷ ዘረጋሁ ሲጋራውን ተቀብላኝ መሬት ላይ አስቀመጠችው።

እጇን ለሰላምታ ዘርግታልኝ ፅናት እባላለው አለችኝ የዘረጋችው እጇን ጨብጬ ሰላም አልኳትና  ብዬ ስሜን ነግሪያት ቦታዬ ላይ ተቀመጥኩ። ያመጣሁትን መፅሃፍ ገፆች ገልጬ ማንበብ ቀጠልኩ ብዙም ሳይቆይ ግን ፅናት መናገር ጀመረች። ብዙ ግዜ ሰው ራሱ እስካልነገረኝ ድረስ በግድ እንዲያወሩ ማድረግ ብዙም ደስ አይለኝም። ምን እንደሚያስገርመኝ ታውቃለህ አለችኝ ወደሷ ዞሬ እያየኃት ምን አልኳት። ታውቃለህ ህይወት ለኔ በጣም በፈተና የተሞላች ናት አንድም ቀን እንኳን ለራሴ ኖሬ አላውቅም ሁሌም ለታድኤል ስል ነበር እምኖረው እሱ ግን እሱ....ግን.... አለችና ትካዜ በተቀላቀለበት ሃሳብ ውስጥ ተዋጠች።
ከታድኤል ጋር  ለመጀመሪያ ግዜ የተዋወቅንበትን ቀን መቼም አልረሳውም  አስታውሳለው እለቱ ቅዳሜ ነበር ጠዋት ከስራ እንደወጣው ሜክሲኮ አከባቢ የምትገኝ ሃናን የምትባል ውድ ጓደኛዬ ቤት ሄጄ ከሷ ጋር ስንጨዋወት አረፋፍደን ምሳ ሰአት አከባቢ ወደቤቴ ልሄድ ተሰናብቻት ወጣው። ሜክሲኮ አከባቢ ወደ ፒያሳ የሚወስደኝን ታክሲ  የምይዝበት ቦታ ሄድኩ ታክሲዎቹ ምን እንደነካቸው አላውቅም አለወትሮዋቸው ጥፍት አሉ። ብቻዬን በዛ በጠራራ ፀሃይ ታክሲ መጠባበቅ ጀመርኩ የፀሃዩ ብርታት ነው መሰለኝ ራሴን ያመኝ ጀመር በዚ አጋጣሚ አንድ ረዘም ብሎ ደንደን ያለ ሰውነት ያለው ሰው ከኃላዬ መጥቶ ቆመ ደንገጥ ብዬ ዞሬ አየሁት ጥቁር ኮፍያ እና መነፅር አድርጓል ሰውነቱ የለበሰውን ነጭ ቲሸርት  ውጥርጥር አድርጎታል እሚያምር ችምችም ያለ ፂም አለው እንዳየሁት ሌቤ ደንገጥ ሲል ታወቀኝ። ሳላስበው ብዙ እንዳፈጠጥኩበት ሲገባኝ እንደማፈር እያለኩ ዳግም ጀርባዬን ሰጥቼው ቆምኩ። ሁለታችንም ፊትና ኃላ ሆነን ታክሲዎቹን ብንጠብቅን ምንም ሊመጡ አልቻሉም ነዳጅ ጠፍቶ ይሆናል እንዲ የጠፉት አልኩ በልቤ። ወደኃላ ዞሬ አየት አድርጌው ተመለስኩ ላወራው ፈለግኩ ግን ፈራሁት ሁሉ ነገሩ ልብ እሚያስደነግጥ ግርማ ሞገስ አለው። ድንገት ሳላስበው ከኃላዬ ጎርነን ያለ ድምፅ ዛሬ ፀሃይዋ ከነቤተሰቦቿ ነው መሰለኝ ተጠራርታ የመጣችው አለኝ ዞር ስል እሱ ራሱ ነበር ፈገግ ብዬ እንደመሳቅ እያልኩ አው ዛሬ ሃይለኛ ሆናለች ምን እንደታያት አልኩት እሱም መልሶ እየሳቀ ከታላቅ እህቷ ጋር ነው መሰለኝ የመጣችው አለኝ። ምን ለማለት እንደፈለገ ባይገባኝም ከት ብዬ እንደሞኝ ሳቅኩ። የኔ አሳሳቅ እሱንም አሳቀው መሰለኝ እሱም ሳቀ። ሲስቅ ጥርሶቹን በጨረፍታ አየኃቸው በጣም ያምራሉ በጣም ማረከኝ ያደረገው ጥቁር ኮፍያና የፀሃይ መነፅር፤ ቅርፅ የተበጀለት ችምችም ባለው ፂሙ መሃል ጥርሶቹ ፍልቅቅ ብለው ሲታዩ ልብን ያሸፍታሉ የደስደስ ያለው ደስ እሚል ሰው ይመስላል። እሱን ሳስብ ራስምታቴ ለተወሰኑ ደቂቃዎች ረስቼው ነበር ድንገት ትልቅ ህመም ተሰማኝ ቀጥሎ የተፈጠረውን አላውቅም ራሴን ስቼ ወድቄ ነበር ወደራሴ ተመልሼ ስነቃ ጣላ ያለበት ዛፍ ስር ተኝቻለው መጀመሪያ የየሁት የእሱን ፊት  ነበር!  ቀና አድርጎኝ የያዘውን ሃይላንድ እላዬ ላይ እያርከፈከፈልኝ ነበር ፊቱ ላይ ድንጋጤ ይነበባል። መንቃቴን ሲያይ ደና ነሽ እሙዬ ምን ሆነሽ ነው
ይቀጥላል.... @Logout17

ገምሃልያ

....ክፍል 2 .....;
መልካም ንባብ
አመዱ ደግሞ ወደመሬት ይወድቃል። ልጅቷ እማደርግውን ዝምብላ እያየችኝ እንደሆነ ሳውቅ ምን ይታይሻል አልኳት ሲጋራ አለችኝ። እኔ ግን ህይወት ይታየኛል ምስቅልቅሉ የወጣ ህይወት ከላይ ወደታች የተገለበጠች ህይወት አመድ እና ጭስ የሆነ ህይወት እሳት የሆነ ፈተና። ህይወት እንደሲጋራው ቀጥ ተደርጋ በምቾት ስትያዝ እኛ የህይወትን ትርጉም አናውቅም እሳቱ ቀስ እያለ ሲጋራውን ይጨርሰዋል ነገር ግን ሲጋራው ሲገለበጥ መከራ ሲበዛብን እሳቱ ቶሎ ሲጋራውን ይበላዋል በመከራ ውስጥ ሆነን የህይወት ትርጉም ይገባናል ህይወታችችንን አጣጥመን ቶሎ ቶሎ እንኖራታለን እዚች ምድር ላይ ያለን ግዜ ውስን ስለሆነ ሲጋራው ወደታች ቢዘቀዘቅም ጭሱ ግን ወደላይ ነበር የሚጨሰው ፈተናውን የሚያልፍ ሰውም እንደዛ ነው ግን...... አልኳትና ዝም አልኩ ሲጋራውን ለልጅቷ መለስኩላት እና ተነስቼ ወደቦታዬ ለመመለስ ስዘጋጅ ግን ምን? አለችኝ

እንዳቀድኩትም ልጅቷ ትንሽ ቆይታ ከተቀመጥኩበት ቦታ መጥታ ፊትለፊቴ ቆማ ግን ምን?  አለችኝ እንደቅድሙ ፈገግ እያልኩ መፅሃፌን ዘግቼ ሲጋራውን ተቀበልኳትና እንድትቀመጥ ጋበዝኳት ከአጠገቤ ትንሽ ፈቀቅ ብላ ተቀመጠች። ሲጋራውን መሬት ላይ ጣልኩትና በእግሬ ጨፈለቅኩት ልጅቷ እንደመቆጣት ! እያለች ለምን አጠፋኀው አለችኝ ?

እንዳቀድኩትም ልጅቷ ትንሽ ቆይታ ከተቀመጥኩበት ቦታ መጥታ ፊትለፊቴ ቆማ ግን ምን?  አለችኝ እንደቅድሙ ፈገግ እያልኩ መፅሃፌን ዘግቼ ሲጋራውን ተቀበልኳትና እንድትቀመጥ ጋበዝኳት ከአጠገቤ ትንሽ ፈቀቅ ብላ ተቀመጠች። ሲጋራውን መሬት ላይ ጣልኩትና በእግሬ ጨፈለቅኩት ልጅቷ እንደመቆጣት እያለች ለምን አጠፋኀው አለችኝ በአንዴ ሁለት ጥያቄ መጠየቅ አይቻልም አሁን ከጠየቅሽኝ አንዱን ምረጭ አልኳት ከንዴቷ በረድ እያለች እሺ ግን ምን? አለችኝ። ሌላ ሲጋራ ይዘሻል ብዬ ጠየቅኳት አው ብላ ቦርሳዋ ውስጥ ገብታ ከፓኮው ውስጥ አንድ ፍሬ ሲጋራ አውጥታ ሰጠችኝ። ሙሉ ፓኮውን ስጪኝ አልኳት ምንም ሳትል አውጥታ ከነካርቶኑ አስረከበችኝ። ግን ምን? የሚለውን መልስ እየጠበቅች ነው። ግን ምን አለ መሰለሽ እኛ  እንደጭሱ ጠንካራ ሆነን የተመሰቃቀለ የተገለባበጠ ህይወታችንን ተቋቁመን ወደላይ ስንወጣ ደካማ አመድ የሆነው ደግሞ ወደታች ይወድቃል ትቢያ ይበላል። ህይወት እንደዚ ናት ህይወት ብትገለባበጥ ብትመሰቃቀል አንቺ ጭሱን ወይ አመዱን ትሆኛለሽ ከሁለቱ ውጪ ሌላ አማራጭ የለም! ስለዚ አንቺ ከየትኛው ወገን ነሽ አመድ ወይስ ጭስ አልኳት እንደማዘን እያለች አመድ አለችኝ ከተቀመጥኩበት ተነሳውና ታዲያ ለአመድ ጭስ ምን ይሰራለታል አልኳትና በፓኮ ያለውን ሲጋራ አንድ ፍሬ አስቀርቼ የተቀረውን አርቄ ወረወርኩት የሲጋራው ካርቶን የፓርኩን የዛፎች አጥር አልፎ ወደ ውጪ ወደቀ እንዴ ለምን ወረወርከው አለችኝ እየተናደደች። እዛው እንደቆምኩ ወደሷ እያየው አመድ ከሆንሽ ጭስ ምንም አያደርግልሽም አይደል ሁለቱ በምንም እማይገናኙ እሚቃረኑ ተፈጥሮዎች ናቸው በከሰለ አመድ ውስጥ ጭስ የለም አልኳት እየተናደደች እሺ ጭስ ብልህስ ኖሮ አለችኝ ለጭስ ሌላ ጭስ ምን ያደርግለታል ብዬ እወረውረው ነበር አልኳት ይበልጥ ተናደደች እና ምንም ብልክ ትወረውረው ነበር አለችኝ አው ምንም ብትይኝ መወርወሬ አይቀርም ነበር አልኳት። በእጄ ይዤ ያስቀረኃትን አንድ ፍሬ ሲጋራ ወደሷ እያሷየኃት ህይወት እንደፓኮው ሲጋራዎች ናት እሺ ብዙ እድል ይሰጥሻል ብዙዎቹን በስንፍና  ታበላሻቸዋለሽ በመጨረሻም አንድ እድል ብቻ እኔ ስላንቺ ህይወት አላውቅም  ምን አይነት ኖሮ እንደምትኖሪም
ይቀጥላል....... @Logout17

ገምሃልያ

....ክፍል 1 .....;
መልካም ንባብ
እንደወትሮዬ ሁልግዜ ቅዳሜ ወይ እሁድ ከሰአት እምሰራው ስራ ከሌለኝ ከመፅሃፍ መደርደሪያዬ ላይ ውድ ጓደኞቼ በስጦታ መልክ ከሰጡኝ መፅሃፎች አንዱን አነሳና ቦሌ ማተሚያ አከባቢ ትንሽ ወደ ውስጥ ገባ ብሎ የሚገኝ ደስ እሚል በዛፎች የተሞላ ፓርክ አለ። ብዙ ግዜ እዛ ሄጄ መፅሃፍ ማንበብ እወዳለው። ዛሬ እለቱ ቅዳሜ ነው እዛ ሄጄ ለማንበብ የመረጥኩት ብርቅርቃ እሚለውን መፅሃፍ ነበር አሜን እምትባል ጓደኛዬ የሰጠችኝ መፅሃፍ ነው እሚገርመው ብርቅርቅታን የመሰለ አሪፍ መፅሃፍ እስከዛሬ አላነበብኩትም ነበር ከመደርደሪያው ላይ ስቤ ጠቅለል አድርጌው ይዤ ወጣው። መንገዴን ከቦሌ ድልድይ ጫፍ ወደ ስታዲየምና ሚክሲኮ በሚወስደው መስመር ታክሲ ተሳፍሬ ወደ ማተሚያ ቤት ሄድኩ። ማተሚያ ቤት ጋር ስደርስ ወርጄ በእግር መንገድ ወደ ውስጥ ወደፓርኩ ገሰገስኩ መንገዱ ቁልቁለት ስለሆነ ሳልወድ በግድ ያሯሩጠኛል። እዛ ሰፈር ያሉት ፍየሎች ሁሌም ሳያቸው ያስቁኛል በጣም ትልልቅ ጥጃ ነው እሚያክሉት ምን እንደሚቀልቧቸው እንጃላቸው። እነሱን በአይበሉባ እየታዘብኩ ፓርኩ ጋር ደረስኩ ለመቀመጥ ሁለት ብር ከከፈልኩ በኃላ ሁሌም ወደምቀመጥባት ሰላማዊ ቦታ አቀናው ቦታዋ ጥግ ላይ ሁና ከሁሉም እይታ ገንጠል ብላ ጀርባዋን ሰጥታ ያለች ቦታ ናት ከፊትለፊቷ እሚያምር፤ ትንሽ ራቅ ብሎ የሚገኝ የሙዝ እና የበቆሎ እርሻ ማሳ ይታያል። እናም ወደቦታዬ እየሄድኩ በልቤ ሌላ ሰው እንዳይቀመጥባት እየቋጠርኩ ሄድኩ ቦታዬ ላይ ልደርስ ትንሽ ሲቀረኝ ከጀርባ ከሚታዩት ክብ መቀመጫዎች ላይ አንዲት በግምት በእኔ እድሜ አከባቢ እምትሆን ሴት ሲጋራ እያጨሰች አየኃት ለሽራፊ ሰከንዶች ቆም ብዬ ካየኃት በኃላ ወደቦታዬ ሄድኩ ማንም አልተቀመጠባትም ደስ አለኝ። በሸክላ ጡብ እና በሲሚንቶ የተሰራችውን መቀመጫ በሶፍት ጠረግኩና ተቀመጥኩ ቦታዋ ደስ ትላለች ሙሽሮች ሲጋቡ ለመድረክነት የሚጠቀሙባት ባለግርማሞገስ የድንጋይ ዙፋን ትመስላለች መደገፊያዋ ረጅም ስለሆነ ካልቆምኩ በስተቀር ከኃላዬ ምን እንዳለ አይታይም ያውም በኔ መለሎ ቁመት።

ቦታዬ ላይ ተረጋግቼ ከተቀመጥኩ በኃላ መፅሃፌን ከፈትኩና ሀ ብዬ ማንበብ ጀመርኩ.... ግን ቅድም ሲጋራ እያጨሰች የነበረችው ሴት በአእምሮዬ ተመላለሰች ፊቷ የተከፋ ይመስላል ሲጋራውን በብሽቀት እየማገች ጭሱን ሽቅብ ትለቀዋለች ሄጄ ምን እንደሆነች ልጠይቃት አሰብኩና ምን አገባኝ ብዬ መልሼ ተውኩት መፅሃፌን ማንበብ ቀጠልኩ። ግን የልጅቷ ሁኔታ አእምሮዬ ውስጥ እየተመላለሰ ሰላም ነሳኝ በመጨረሻም ሄጄ ምን እንደሆነች ልጠይቃት ወሰንኩና መፅሃፉን ከድኜ አስቀመጥኩት። ወደሷ ሄድኩ እሷ የተቀመጠችበት ቦታ ከኔ ጀርባ ሆኖ ቅርብ ርቀት ላይ ነው ሄጄ ሰላም አልኳት የደረቀ ሰላምታ ሰጠችኝ። ሲጋራ ማጨስ እችላለው አልኳት ገልመጥ እያለች በእጇ መሃል የሚጤሰውን ሲጋራ ሰጠችኝ ተቀበልኳትና በጣቶቼ መሃል አድርጌ ጭሱ ሲበን ትንሽ ተከዝ ብዬ አየሁት በጎን በኩል የሸክላው ጡብ ወንበር መደገፊያ ላይ ወጥቼ እግሬን ደግሞ መቀመጫው ላይ አድርጌ ተቀመጥኩ። እሷን ምንም ሳልናገራት ሲጋራውን ዝም ማየት ቀጠልኩ ውስጡ የሷን ጭንቀት ይሁን ሃሳብ ይነግረኝ ይመስል ከጭሱ ውስጥ መልስ ፍለጋ ገባው። ልጅቷ ከሁኔታዋ ማውራት እምትፈልግ አትመስልም እንዲያ ባይሆን ኖሮ እንደዚ አይነት በብቸኝነት ሰላም እሚሰጥ ቦታ ባልመጣች ነበር። እሷ ማውራት ባትፈልግም እኔ ግን ማውራት ነበረብኝ። ሲጋራውን ትንሽ ካየሁት በኃላ ወደታች ዘቀዘቅኩት እሳቱ ሲጋራውን በፍጥነት ወደላይ ይበላው ጀመር ጭሱ ወደላይ ይበናል አመዱ ደግሞ ወደመሬት
ይቀጥላል.... @logout17