ስነ-ምግባራዊ አመራርን   የሚያጎለብት ስልጠና እየተሰጠ ነው
---------
የኢትዮጵያ ኮንስትራክሽን ሥራዎች ኮርፖሬሽን(ኢ.ኮ.ሥ.ኮ) የስነ-ምግባር  መከታተያ ዋና መምሪያ  ከኢ.ፌ.ዲ.ሪ  ስነ-ምግባር እና ጸረ-ሙስና ኮሚሽን ጋር በመሆን 'ስነ ምግባራዊ አመራርነት ለተቋማዊ ተልእኮ ስኬት' በሚል መሪ ቃል  ለኮርፖሬሽኑ ከፍተኛ የሥራ መሪዎች  የተዘጋጀ ስልጠና እየተሰጠ ነው።

በስልጠናው መክፈቻ ላይ ንግግር ያደረጉት  የፌዴራል ስነ-ምግባርና እና ጸረ -ሙስና ኮሚሽን ምክትል ኮሚሽነር አቶ ፈቃዱ ሰቦቃ  ስልጠናው ዘርፍ ተኮርና በተጨባጭ ችግሮች ላይ ትኩረቱን  የሚያደርግ በመሆኑ የጸረ-ሙስና ትግሉን  ለማቀጣጠል ከፍተኛ  ጠቀሜታ ይኖረዋል ብለዋል።

የኢ.ኮ.ሥ.ኮ ዋና ሥራ አስፈጻሚ ኢንጂነር ዮናስ አያሌው በበኩላቸው  ኮርፖሬሽኑ በውስጥ አቅም ተከታታይ ስልጠናዎችን ሲሰጥ የቆየ  ቢሆንም  ከፌዴራል ሥነ -ምግባረና  ጸረ-ሙስና ኮሚሽን ጋር በመተባበር የሚሰጠው ስልጠና የጸረ ሙስና ትግሉን  በተሻለ እውቀትና መረጃ  መምራት ያስችላል ብለዋል።

ስልጠናው በቀጣይም በየደረጃው ላሉ የኮርፖሬሽኑ አመራሮች እና ሰራተኞች የሚሰጥ ይሆናል።