Ethio Global News

🚨 ቤቲንግ መበላት ላማረራችሁ ጥሩ TIP የምታገኙበት ቻናል ተከፍቷል አሁኑኑ ተቀላቀሉ👇

https://t.me/+OeCLHsoVmaYxYmNk
https://t.me/+OeCLHsoVmaYxYmNk

አሜሪካ በሶርያ ስልጣን የጨበጠውን ኤች ቲ ኤስን ከ'አሸባሪ' ቡድኖች ዝርዝር ውስጥ ልታስወግድ መሆኑ ተሰማ

ተሰናባቹ የባይደን አስተዳደር  በአሜሪካ የአሸባሪ ዝርዝር ላይ የሰፈረሙን የሶርያውን ቡድን ኤች ቲ ኤስን ከዝርዝሩ ለማስወገድ ውይይት እያካሄደ መሆነን ኤንቢሲ ኒውስ ሁለት ስማቸው ያልተጠቀሰ የወቅቱ ባለስልጣናትን እና የቀድሞ ከፍተኛ ባለስልጣንን ጠቅሶ ዘግቧል። እርምጃው እየታሰበበት ያለው  "ዓለም ከአዲሱ መንግሥት ጋር የሚገናኝበትን መንገድ" ለመፍጠር ነው ሲሉ የቀድሞ ባለሥልጣኑ ተናግረዋል ። ሁለቱ የወቅቱ ባለስልጣናት ውይይቶች ገና በመጀመርያ ደረጃዎች ላይ ይገኛሉ ብለዋል።

ነገር ግን አስተዳደሩ "በቅርቡ" አሸባሪ የሚለውን ስያሜውን ለማንሳት እየፈለገ ይገኛል። እሁድ እለት የቀድሞውን የሶርያ ፕሬዝዳንት አል አሳድን ከስልጣን ያስወገደውን ህዝባዊ አመጽ የመራው ኤች ቲ ኤስ ከአልቃይዳ ጋር የተቆራኘ ቢሆንም አል-ጁላኒ በመባል የሚታወቀው የቡድኑ መሪ አህመድ አል ሻራአ በ2016 ከቡድኑ ተገንጥሏል። ቡድኑን ከአሸባሪነት ዝርዝር ከማስወገድ በተጨማሪ የቡድኑን መሪ አል-ሻራ ለመያዝ ወይም ያለበትን ለጠቆመ የ10 ሚሊየን ዶላር ጉርሻ አሜሪካ ከዚህ ቀደም እንደምትሰጥ የተገለፀው እንደሚሰረዝ የአስተዳደሩ ባለስልጣናት ተናግረዋል።

አል ሻራ ቡድኑን ከአልቃይዳ ጋር ካለው ግንኙነት እራሱን ለማራቅ ሞክሯል፣ ባለፈው ሳምንት ከሲኤንኤን ጋር ባደረገው ቃለ ምልልስ “ሶሪያ ወደ አስተዳደር፣ ወደ ተቋማት ትሸጋገራለች” ሲል መናገሩ ይታወሳል።የአል አሳድ ሃይሎች እና በኢራን የሚደገፉ ሚሊሻዎች አካባቢውን ለቀው ከሸሹ በኋላ ጦራቸው የምስራቅ ሶሪያን ዴይር አዝዞር ከተማን መቆጣጠሩን አዲስ በሰጡት መግለጫ ሰጥተዋል።

የእስራኤል ጦር በሶሪያ በሚገኙ ወታደራዊ ኢላማዎች ላይ ባለፉት 48 ሰአታት ውስጥ "የስትራቴጂክ የጦር መሳሪያዎች ክምችት" በ"አሸባሪ አካላት" እጅ ውስጥ እንዳይወድቅ በሚል 480 ያህል ጥቃቶችን መፈፀሙን አስታውቋል። የሶሪያ ጊዜያዊ ጠቅላይ ሚኒስትር መሀመድ አልበሽር ለአልጀዚራ እንደተናገሩት ሶሪያውያን "መረጋጋት" እንደሚያስፈልጋቸው እና የፖለቲካ ሽግግርን ለማመቻቸት ከቀድሞው መንግስት አባላት ጋር እየተገናኘን ነው ብለዋል ። አቡ መሐመድ አል-ጁላኒ በመባል የሚታወቁት የኤችቲኤስ ኃላፊ አህመድ አል ሻራአ ለስካይ ኒውስ እንደተናገሩት ሶሪያ ባሻር አል-አሳድን ከስልጣን ካስወገዱ በኋላ ወደ “ልማት”፣ “ተሃድሶ” እና “መረጋጋት” ሶርያ እየገሰገሰች ነው ብለዋል።

በስምኦን ደረጄ

https://t.me/EthioGlobal_News

በኢትዮጵያ 10 በመቶ የሚሆኑ ተማሪዎች ሲጋራ የሚያጨሱ ሲሆን የሴት አጫስ ተማሪዎች ቁጥር ጨምሯል

ከአየር ንብረት ለዉጥና ከሲጋራ ማጨስ ጋር በተያያዘ በርካታ ዜጎች እንደ ሳንባ በሽታ ላሉ የመተንፈሻ አካል በሽታዎች ተጋላጭ እየሆኑ እንደሚገኙ ተገልጿል።

የጤና ሚኒስቴር የህብረተሰቡን ጤና ለማሻሻልና ከሚመለከታቸው ባለድርሻ አካላት የጥናትና ምርምር ስራዎችን በማካሄድ  እየሰራ እንደሚገኝ አስታውቋል፡፡ ከእነዚህ መካከል አንዱ የኢትዮጵያ ቶራሲክ ሶሳይቲ በመተንፋሻ  አካላት ጤና ዙሪያ የሚያደርገዉ የምርምር ስራ ተጠቃሽ ነዉ።የኢትዮጵያ ቶራሲክ ሶሳይቲ ፕሬዝዳንት ዶክተር ራሄል አርጋዉ ለብስራት ሬዲዮና ቴሌቪዥን እንደተናገሩት ማህበሩ ባለፋት አስርት አመታት በጤናው ዘርፍ በተለይም ሳንባ ነክ በሆኑ ጉዳዮች ላይ የምርምር ስራዎችን ሲሰራ ቆይቷል።

ማህበሩ የ10 ኛ አመት የምስረታ ቀኑን ምክንያት በማድረግ በኢትዮጵያ ውስጥ  በሳንባ እና በፅኑ ህሙማን ህክምና ያሉትን የምርምር ዉጤቶችን ለማስተዋወቅ ያለመ የምክክር መድረክ አዘጋጅቷል።በመድረኩ የቀረቡት አብዛኛዎቹ የምርምር ዉጤቶች በሳንባ በሽታ ላይ ትኩረት ማድረጋቸዉን ፕሬዝዳንቷ ገልፀዉ በሽታዉ በኢትዮጵያ ከህመም አልፎ ለሞት የሚዳርግ እንደሆነ ተናግረዋል።ኢትዮጵያ በሽታዉን ለመከላከል የተለያዮ ጥረቶችን ብታደርግም በሳንባ በሽታ ዙሪያ የተለያዮ ጥያቄዎች ይነሳሉ ሲሉ የተናገሩት ዶክተር ራሄል የቲቢ በሽታ የዘረ መል ዉጤትን እንዲሁም በማህበረሰቡ ዘንድ ያለዉን ግኝት አስመልክቶ በመድረኩ የዳሰሳ ጥናቶች ቀርበዋል።

ከአየር ንብረት ለዉጥና ከሲጋራ ማጨስ ጋር በተያያዘ ብዙዎችን ለበሽታዉ ተጋላጭ እያደረጋቸዉ ስለሚገኝ በሽታዉን መከላከልና ትኩረት ሰጥቶ መስራት ያስፈልጋል ሲሉ ተናግረዋል።በአሁኑ ወቅት በኢትዮጵያ 10 በመቶ የሚሆኑ ተማሪዎች  ሲጋራ ማጨስ እንደሚጀመሩ መረጃዎች ይጠቁማሉ ሲሉ  የገለፁት ፕሬዝዳንቷ ይህም በቀሪ ዘመናቸዉ ሱሰኛ ሆነዉ እንዲቀጥሉ እና የጤና እክል እንዲገጥማቸዉ የማድረግ እድሉ ከፍተኛ ነዉ በማለት  ስጋታቸዉን ገልፀዋል። 8 በመቶ የሚሆኑት ሴት ተማሪዎች መሆናቸዉ ተጠቁሟል።

በተለይም የሳንባ ካንሰር ዋነኛ አጋላጭ መንስኤዉ ሲጋራ ማጨስ እንደሆነ ጠቁመዉ የሚመለከተዉ አካል ለጉዳዮ ትኩረት ሰጥቶ መስራትና ጤናማ ዜጋን ማፍራት ይገባል ሲሉ አሳስበዋል።በእነዚህ ጉዳዮች ላይ  ማህበሩ ያደረጋቸዉን የምርምር ዉጤቶች ለሚመለከተዉ አካል ለማቅረብና በጋራ በመስራት ችግሩን ለመፍታት ታስቧል በማለት የማህበሩ ፕሬዝዳንት የሆኑት ዶክተር ራሄል ጨምረው ለጣቢያችን ገልፀዋል።

በቅድስት ደጀኔ

https://t.me/EthioGlobal_News