ተንቆም ተከድቶም ልቡ የማይጎዳውና የማይሠበረው ማን እንደሆነ ታውቃለህ?? እንዲህ ዓይነቱ ጠንካራ ሰው የአላህ ፍቅር ከልቡ የገባ ነው።

በአላህ ፍቅር ልቡ የተሞላ ሰው እረፍት የሚሰማውና ጭንቀቱን የሚረሳው አላህን ሲያመልክ ነው። ማንም ቢያገለው ብቸኝነት አይሠማውም። ምክኒያቱም አላህ ከርሱ ጋር ነውና። ማንም ቢንቀውና ቢጠላው ልቡ አይፈረካከስም። ምክኒያቱም የአላህ አክብሮትና ፍቅር አብሮት ነውና።

ሲያገኝ አይኮራም። ዓለማትን ሁሉ ያስገኘና የሀብታሞች ሀብታም በሆነ አንድ ኃያል አካል ልቡ ተመቷላ። ቢያጣም አይከፋም። የነሳው ሊፈትነው አሊያም ለርሱ ኸይር እንደሆነ ሊያበስረው እንደሆነ በማሰብ ትዕግስት ያደርጋል።

የአላህ ፍቅር በዚህች ጠፊ ዓለም ደስታው የማይቋረጥና ስጋት የሌለበት ከመሆኑም በላይ በቀጣዩም ሀገር ስኬትን የሚያስገኝ ድንቅ ስጦታ ነው።

አላህ ሆይ! ፍቅርህን!