Dhaamsa dhalootaa

Kottaa woliif gallaa
Yaa dhaloota arraa
Dhaloota boodaatiif
Waan ta'ee ijaarraa

Seenaa ajaa'ibaa
Kaa'uu qabna arraa
Fakkeenya goototaa
Fudhaa Alii birraa

Gootni lubbuun darbe
Seenaasaa jiraataa
Nutoo Seenaa meeqaa
Keenyee jirra laataa

Meeqan keenyat arraa
Jiraachuudhaaf nyaataa
Meeqan keenyatummoo
Nyaachuudhaaf jiraataa

Maaloo itti jabaadhaa
Guyyaan hin beekamtu
Anumti himu kun
Asii deemuun ooltuu

Seenaa olkaawadhaa
Adduunyaa kanarraa
Sirnaanis qubeessaa
Dhalootaaf adaraa

Waanuma hojjatte
Siif ka'a woraqaan
Ittiin si yaadataa
Dhalootni barataan

🔉Musab Nasir
✍️Musab Nasir
join our channel
for more poems
🌹🌹🌹🌹🌹🌹🌹
@musaab_naasir
@musaab_naasir
🦋🦋🦋🦋🦋🦋🦋