Namootaa fi leenca

Namichatu ka'ee
Paarkiidha ijaaree
Akka daawwatamuuf
Daangaa itti sararee

Bineensotaa kuusee
Garee gareen kaa'ee
Namoota beeksisee
Hundumaan haasa'ee

Kanuma keesaanii
Namoonni dhufanii
Homtuu olseenanii
Daawwachuu didanii

Maaltu isaan mudatee
Maaliif sodaatanii
Hin jedhinaa maaloo
Humdumti keesanii

Namichat dubbatee
Dubbii heddumeessee
Waa'ee maalaqaa san
Hedduudha tarreessee

Bineensa daawwachuuf
Dhibba shan as laadhaa
Jennaan homtuu didee
Deeme ummanidhaa

Ammas guyyaa biraa
Irraati xiqqeessee
Dhibba afur godhee
Waamicha taasisee

Homtuu inuma didee
Maal tahee ummanni
Jennaan gadi buusee
Dhibba lamaan seenii

Yoo jedhu namichii
Homtuun seenne namnii
Kanuma gidduudhaan
Qarshii kudhan goonaan
Kaffaluu didanii

Abbaan paarkii kanaas
Baayyeesaa gaddanii
Tola isiniif godhee
Olseenaa ummannii

Jedhee itti himee
Hin dinne ummannii
Daqiiqaa lama gidduutti
Paarkicha guutanii

Hundumtuu olseenuu
Eega mirkaneessee
Ulaasaa cufatee
Leenca itti gadhiisee

Ummanniis rifatee
Fiigicha qabsiisee
Gaafa bahuuf jedhu
Hundaa ajaa'ibsiisee

Namtokko bahuudhaaf
Qarshii Dhibba shanii
Yoo kaffaluu diddan
Bineensan dhumtanii

Jennaan kaffaleetu
Bahe ummaninii
Kun jedhan jedhanii
Of eegadhaa fanii

Waan boodasan beekne
Hundaa ittin seeninii
Jireenya keessatti
Si miidhaadhaa fanii

🔉Musab Nasir
✍️Musab Nasir
join our channel
for more poems
🌹🌹🌹🌹🌹🌹🌹
@musaab_naasir
@musaab_naasir
🦋🦋🦋🦋🦋🦋🦋